CSC-SY

cpu1 : core 2 dou E8400 WOLFDALE 3000 MHz 6MB L2

cpu2 : core 2 Quad Q6600 KNTESFIELD 2400 MHz 8MB L2

سؤال للأشخاص المجربين نوعين المعالجين السابقين

ما هو المعالج الأفضل؟؟؟؟

 مع العلم أن استخدام  المعالج سيكون بشكل أساسي لمعالجه الملفات المكتبيه الضخمه جدا (word , powerpoint ,pdf...ets) و التي تحتوي على صور مع عمليات التحويل بين أنواع التنسيقات المكتبيه لهذه الملفات

I search the net before i asked but the most answers was not like I thought , I seek it  in Tom's hardware too so don't refer it to me

اللي عندو فكره كمان عن سبب نتيجه اختلاف الأداء يخبرنا ياها

dont make an answer if you are not sure of it

cpu2 : core 2 Quad Q6600 KNTESFIELD 2400 MHz 8MB L2

مابظن في حدا مجرب هالمعالجين بالذات.
بس أكيد مافي داعي تجرب لحتى تعرف أيا أفضل وإلا شو فائدة الـReviews الي بيعملوها ناس مختصين.

باختصار, لما يكون عندك معالجين مختلفين تماماً متل Athlon و Core 2 Duo أو حتى بين C2D و Pentium4 بتكون المقارنة صعبة لأنو بيفرق الأداء من برنامج لتاني (حسب التعليمات الي بيستخدمها هالبرنامج بكثافة)
أما المعالجين السابقين تقريباً نفس التقنية بس نواة Wolfdale أفضل بشوي من Kentsfield (بين 5 لـ 10% اذا كانو نفس السرعة)
يعني المعالج E8400 أفضل بحوالي 30% من Q6600 بالبرامج إحادية المسار (متل أغلب الألعاب) أو حتى ثنائية المسار (البرامج المعمولة بحيث تستفيد من تعدد المعالجات (النواة) ولكن لحد معالجين فقط) أما البرامج الي بتستفيد من زيادة المعالجات بشكل خطي (وهي قليلة, متل 3DS Max مثلاً) فبكون المعالج Q6600 أفضل بحوالي 50%

وبالتالي بدك تشوف البرامج الي بتهمك هل بتستفيد من زيادة عدد المعالجات ولأي حد.
هلأ بحسب Toms Hardware التحويل من PowerPoint لـ PDF باستخدام Acrobat 7 Pro مابيستفيد من تعدد المعالجات (أو مابيستفيد اذا أكتر من معالجين)

على كل حال مابنصحك تجيب Q6600 على اعتبار غالي شوي ومن الجيل السابق, الأفضل إما تجيب E8400 أو تستنى المعالجات Quad Core من الجيل الجديد (45نانو و1333 أو 1600 FSB)

كمان في عامل تاني بجوز يأثر وهو الـ Overclocking اذا كنت ناوي تعمل Overclocking للمعالج, لأنو أحياناً بكون في معالج أبطأ بس بينعمله Overclocking أكتر من معالج أسرع وبالتالي بكون الأبطأ أفضل, بس بحالة هالمعالجين بالذات يفترض التنين ينعملهون Overclocking بنفس الدرجة أو E8400 أكتر بشوي (حوالي 30% بسهولة وبدون تغيير المروحة أو جهد تيار المعالج ولحد 80% باستخدام مبرد ولوحة ورامات high-end مع زيادة لتيار المعالج)

شكرا foaad
بصراحه أنا كنت مصدوم أول ما شفت إنو نتائج الـ E8400 أحسن من Q6600 بس لماعرفت أنو معظم التطبيقات الحاليه ما عم تدعم أكتر من نواتين أثناء عملها و إذا ضفنا إنو كل نواه من الـ E8400 عمتشتغل بتردد 3000MHz بينما كل نواه من الـ Q6600 عمتشتغل بتردد 2400MHz صارت النتائج واضحه .
طيب معناها مع انتاج تطبيقات جديده تدعم تعدد النوى "فوق النواتين" رح تصير النتائج لمصلحة الـ Q6600 ما هيك ؟؟؟؟
يعني اذا جبت Q6600 هلق رح أستفيد بالمستقبل مقارنه مع الـ E8400 ???
طيب إذا في شي معالج أفضل مع اللوحه الرئيسيه المناسبه إلو فينك تخبرني شو هني و إذا مافي احسن من هاد المعالج شو برأيكم نجيب لوحه رئيسيه للمعالج ؟؟؟؟

بصراحه أنا كنت ناوي على الـ ASUS P5K SE

أنا ( كنت ) ناوي على الـ ASUS P5K SE و مع كرت شاشه ATI HD 2400
بس شكلي رح أقلب على ASUS P5KR

كرت الشاشه أخر شي بهمني بهاد الجهاز أما موضوع الـ RAID فبهمني مستقبليا كتير