CSC-SY

السلام عليكم

انطلقت اليوم فعاليات حملة النظافة بترحيب كبير من السيد العميد, وتضمنت تقسيم المشاركين إلى مجموعات وتوزيع المهام عليهم
وشهدت القاعة الأولى, بمشاركة 5 زملاء عملية تنظيف وترتيب استغرقت حوالي 40 دقيقة, وكانت النتائج متميزة
بشهادة عدد من الزملاء والزميلات وبعض الموظفين, وهو ما سترونه غدا إن شاء الله (ضروري تمروا عالقاعة وتخبرونا رأيكم )
كما ساعد الترتيب على الحصول على مساحة إضافية بالقاعة تعادل ربع مساحتها الأصلية وهو ما سنحاول استغلاله لحل أزمة أماكن الدراسة..
وتم إحصاء الكراسي والطاولات الغير صالحة لإخبار الإدارة بها كي يتم إصلاحها أو استبدالها!

ويشهد غدا -فإذن الله تنظيف للقاعات 2و3) وقاعة المطالعة بدءا من الصباح

رجاء حار: إن أعجبك منظر القاعات بعد التنظيف والترتيب, حافظ عليه لو سمحت (خصوصا ترتيب الطاولات والكراسي)
وأرجو ممن يضطر لتغغير موضع طاولة أو كرسي أن يعيده إلى مكانه عندما ينتهي من ذلك...

الله يعطيكم العافيه مشكورين ... و متل ما قلت EhabLM الأهم من عمليه التنظيف المحافظه على رتابة و نظافة القاعات بشكل دائم من قبل الطلاب أنفسهم

شكراً سيد إيهاب ....
بوكرا بمر على القاعة الأولى و بشوف شلون صارت ...
و إن شاء الله بوكرا تعجبكون القاعة التانية ... لأنو طلعت من نصيبنا أنا و رفقاتي ....

ألف شكر للزميل BlackSigma يلي اجا ساعدنا اليوم بعد ما خلص من شغلو برات الكلية (وبتعرف تعب الشغل) ومع هيك كان معنا واشتغل بكل جد وحماس!

انا متأكد انو رح يكون شغلكن أزبط
وبتمنى يصير تنافس بين المجموعات

إي والله مريت على القاعة الأولى اليوم ..وشفت شي مرتب كتير

يعطيكم العافية

الله يعافيك
وانشاء الله كل القاعات رح تصير نفس الشي

يعطيك العافية ايهاب

مبروك لإسبانيا
لعبوا واستاهلوا الكأس

كتب The Tornado:

يعطيك العافية ايهاب

الله يعافيك, وشكرا على الشغل المرتب يلي عملتوا اليوم بقاعة المطالعة (المكتبة)

تواصلت فعاليات حملة النظافة لليوم الثاني عالتوالي..
وشهد اليوم تنظيف القاعة الثانية وقاعة المطالعة, والقاعة السابعة جزئيا

كما شهد إعادة ترتيب للقاعة الأولى (بعدما قام عمال النظافة -الحقيقيون - بشطف القاعة وتخريب ما قمنا به!!!!!!)

بكل احوال النتائج طيبة حتى الآن, حتى أن الدكتورة نداء سليمان -رئيسة قسم الشبكات- أثنت كثيرا على العمل, وشكرت لنا المجهود

لكن بقي لدينا نقطة مهمة هي الحفاظ على الوضع الجديد - للأسف لايزال بعض الزملاء والزميلات -بعد الترتيب- يغير أماكن الطاولات والكراسي ولا يكلف نفسه/ها إعادة الكرسي إلى مكانه, عدا النفايات التي تظل مكانه للأسف!!!!

لذا ارجو من الزملاء المشاركين, بس يكونوا فاضيين يمروا عالقاعات التي تم ترتيبها ثم يصلحوا ما أفسده هؤلاء حسب مقدرتهم, دون الاصطدام مع أحد..
ولكم مني كل الشكر والاحترام

بسم الله الرحمن الرحيم

السلام عليكم و رحمة الله و بركاته ...

الله يعطيكم العافية .. ويجزيكم الخير ..

في الحقيقة ما كان عندي خبر بـ هالحملة الانسانية الرائعة ..

و اليوم ونحنا قاعدين في إحدى القاعات و منهمكين في الإعداد لحلقة البحث وكان باقي أقل من ساعتين للتقديم..

فوجئت بدخول طلاب و طالبونا (بأدب و لطف ) بالانتقال إلى قاعة أخرى وذلك من أجل إتاحة المجال لهم لترتيب القاعة...

والحقيقة أنني وكوني مرتبك جداً و أحتاج لكل دقيقة.. فبدايةً استغربت واعترضت و طالبت بالبقاء إن لم تكن هنالك ضرورة بالانتقال..

لم أكن أعرف السبب و مناسبة القيام بمثل هذه الترتيبات وفي هذا الوقت الحرج بالنسبة لنا...!!

ولكن بعد أن انتقلنا إلى القاعة المجاورة وإذا بها مرتبة بشكل لم أعتد رؤيته إلا ما ندر ... توضحت الأمور ...

على كل حال أعتذر منهم... إن كانوا الآن يقرؤون كلماتي..

وبلغوهم عني إعتذاري.. و أشكركم على جهودكم ...

يعطيك العافية ايهاب ...
انا برأيي انو نصير نعمل حمله نظافه كل اسبوع...
لأنه والله منظر القاعات صار بيفتح النفس عالدراسه...

وعليكم السلام ورحمة الله وبركاته

أول شي شكرا كتيير عكلماتك الرائعة, والله يعطيكن العافية ويسر لكم دراستكم...

بصراحة أنا يلي آسف على يلي صار ولو بعرف انكم كنتم متدايقين بالوقت لهالدرجة كنا أجلنا الشغل شوي

بس المهم طمني شوأخبار حلقة البحث, إنشاء الله مشي حالها

كتب mohanad.k:

يعطيك العافية ايهاب ...
انا برأيي انو نصير نعمل حمله نظافه كل اسبوع...
لأنه والله منظر القاعات صار بيفتح النفس عالدراسه...

الله يعافيك يا مهند وشكرا عمشاركتك معنا

مشان اقتراحك, أنا جاهز بس هالشي بتعلق بهمتكن ...

شكراً لك EhabLM و لمن كان معك ..

و لاتشغل بالك أبداً .. فلم يتحمل الانتقال بين القاعتين سوى ثوان..ومافي أي مشكلة..

أما حلقة البحث قد تم تأجيلها بسبب عدم حضور عدد مناسب من الطلاب..

و الحمد لله على كل حال..

المهم الآن الاستمرارية في هذا الطريق..
وأقصد بالاستمرارية هنا بأن يتحمل كل منا مسؤوليته..وأن يعتاد الواحد
منا على سلوك نظيف يعكس نظافته...ليس شكلاً و جسداً فقط..
وإنما باطناً و عقلاً و لساناً و يداً و نفساً و قلباً..

النظافة والطهارة أمر أساسي لابد منه..وهو الأساس..
فإن نسيه الواحد منا أو تناساه أو فرّط به..فهذا إستثناء..وليس العكس..

ولابد من العودة إلى الطريق النظيف..

وإن شاء الله تكون هذ الحملة إيقاظاً للضمائر الغارقة في نومها..
و عودةً إلى السلوك الصحيح...

تواصلت حملة النظافة لليوم الرابع عالتوالي
وقد شهد اليوم أداءً مميزاً لمجموعة من زميلات السنة الأولى في ترتيب القاعة الثامنة, فلكن مني باسم الجميع كل التقدير والاحترام, والجدير بالذكر أن هذه المجموعة من الزميلات كن على تفاعل متميز مع الحملة منذ بدايتها, ويبحثن عن أي وقت فراغ ليشاركن فيه بالحملة! فلكن -مرة أخرى- كل الشكر والتقدير..

على صعيد آخر, عقد مجلس الكلية اليوم - الساعة الواحدة
وقبل ان أبدأ بطرح قضايانا بادرني العميد والدكتورة نداء رئيسة قسم الشبكات, والدكتور محمد الحجي رئيس قسم هندسة البرمجيات
بكلمات الشكر والثناء على العمل والترتيب الذي وجدوه في القاعات والذي لم يعهدوه سابقا -وكله بفضل الله ثم بفضل المشاركين والمشاركات المتميزين -الله يعطيكم العافية - مع أسفهم على الواقع الذي اضطررنا فيه كطلاب- لتنظيف الكلية وترتيبها بدلا من المسؤولين المباشرين عن ذلك (وهي هي الفائدة الأولى من الحملة عالطريق!)

بكل الأحوال فالإدارة بدأت تشعر بالفخر أولا بطلابها ثم بالخجل من عمل ورشة النظافة, وخصوصا بعدما اخبرتهم أن عمال النظافة لا يقومون بعملهم بشكل جيد, ويأتون في أوقات يكون فيها الطلاب منهمكين بالعمل ثم يخرجونهم بدون مراعاة لوقتهم ومشاغلهم, عدا أنهم يتركون المكان يعج بالفوضى -كما حدث معنا بأول أيام الحملة-

وعليه قرر المجلس توجيه تنبيه للورشة, والتأكيد على ضرورة الالتزام بالتنظيف إما في الصباح الباكر أو في نهاية الدوام ,وفي حال تكرار هذه الممارسات سيتم اتخاذ إجراءات قاسية (أرجو ذلك !!)

مرة أخرى شكرا لكل المساهمين ولكل المشجعين ولكل من يحافظ على القاعات بمظهرها الجديد..

عنجد الله يسلم ايديكن كلكن والله يقويكن بالذات المكتبة كتير صارت منيحة وبتفتح القابلية ع الدراسة يسلمن للكل

كتب EhabLM:

تواصلت حملة النظافة لليوم الرابع عالتوالي
وقد شهد اليوم أداءً مميزاً لمجموعة من زميلات السنة الأولى في ترتيب القاعة الثامنة, فلكن مني باسم الجميع كل التقدير والاحترام, والجدير بالذكر أن هذه المجموعة من الزميلات كن على تفاعل متميز مع الحملة منذ بدايتها, ويبحثن عن أي وقت فراغ ليشاركن فيه بالحملة! فلكن -مرة أخرى- كل الشكر والتقدير..

على صعيد آخر, عقد مجلس الكلية اليوم - الساعة الواحدة
وقبل ان أبدأ بطرح قضايانا بادرني العميد والدكتورة نداء رئيسة قسم الشبكات, والدكتور محمد الحجي رئيس قسم هندسة البرمجيات
بكلمات الشكر والثناء على العمل والترتيب الذي وجدوه في القاعات والذي لم يعهدوه سابقا -وكله بفضل الله ثم بفضل المشاركين والمشاركات المتميزين -الله يعطيكم العافية - مع أسفهم على الواقع الذي اضطررنا فيه كطلاب- لتنظيف الكلية وترتيبها بدلا من المسؤولين المباشرين عن ذلك (وهي هي الفائدة الأولى من الحملة عالطريق!)

بكل الأحوال فالإدارة بدأت تشعر بالفخر أولا بطلابها ثم بالخجل من عمل ورشة النظافة, وخصوصا بعدما اخبرتهم أن عمال النظافة لا يقومون بعملهم بشكل جيد, ويأتون في أوقات يكون فيها الطلاب منهمكين بالعمل ثم يخرجونهم بدون مراعاة لوقتهم ومشاغلهم, عدا أنهم يتركون المكان يعج بالفوضى -كما حدث معنا بأول أيام الحملة-

وعليه قرر المجلس توجيه تنبيه للورشة, والتأكيد على ضرورة الالتزام بالتنظيف إما في الصباح الباكر أو في نهاية الدوام ,وفي حال تكرار هذه الممارسات سيتم اتخاذ إجراءات قاسية (أرجو ذلك !!)

مرة أخرى شكرا لكل المساهمين ولكل المشجعين ولكل من يحافظ على القاعات بمظهرها الجديد..

كلام جميل ...

بس يا ترى فتحتوا موضوع القاعة 6 ؟

3njad thanxXXx all she3'el kteeeeeeeeeer 7looooooo allah y36ekon el3afeeh

كتب EhabLM:

تواصلت حملة النظافة لليوم الرابع عالتوالي
وقد شهد اليوم أداءً مميزاً لمجموعة من زميلات السنة الأولى في ترتيب القاعة الثامنة, فلكن مني باسم الجميع كل التقدير والاحترام, والجدير بالذكر أن هذه المجموعة من الزميلات كن على تفاعل متميز مع الحملة منذ بدايتها, ويبحثن عن أي وقت فراغ ليشاركن فيه بالحملة! فلكن -مرة أخرى- كل الشكر والتقدير..

شكراً سيد إيهاب ....
بس ما اشتغلنا شي ... القاعة التامنة ما فيها شغل كتير ....
تاني مرة عطونا قاعة بدها شغل أكتر ... مشان نعرف نرتبها على زوقنا ...
و لا داعي للشكر ... هاد واجبنا ..و الكلية كليتنا كلنا ..و لازم نحافظ على رتابتها و تنظيفها .. مشان تنفتح نفسنا على الدراسة فيها ....

بس منتمنى من باقي الزملاء ... إذا ما بدهون يساهمو بالحملة على المقلية لا يسيؤوا لرتابة القاعة ....
يعني اللي بحرك كرسي يرجعوا لمحلو لما يخلص منو ...و اللي بدو يكب شي شغلة ... في بكل قاعة سلة عم تنتظر مين يعبيها فلا يبخل عليها بأوساخه ....

انا صرت حاليا مع فكرة انو نعمل هالحملة كل أسبوع مرة ...

عم تاخد ساعة بالكتير من وقتنا ..

شو رأيك ايهاب ؟  

مبروك لإسبانيا
لعبوا واستاهلوا الكأس

أي وفي تفاصيل كتيرة بس تكون جاهزة رح خبركن فيها.

شو استاذ عبادة, شايف الشغلة عجبتك؟
وأكيد أنا موافق, بشرط يكونوا الجميع مستعدين..

استئناف حملة النظافة...
بعد توقف عمليات حملة النظافة بالكلية في الأسبوع الماضي ..
وبسبب الالتزام الوااااضح من زملائنا الأعزاء بالحفاظ على نظافة وترتيب القاعات (رجعت النفايات والعجقة بالقاعات والمكتبة -للأسف- )

وهذا الشي كان متوقع, لهيك رح نرجع ونكرر يلي عملناه -بإذن الله-
الأسبوع الجاية, بس حابب أتأكد من الزميلات والزملاء يلي شاركوا -مشكورين- إذا كانوا لساتون حابين يكملوا بالمشوار, مشان نرتب عمليات الأسبوع الجاية يلي رح تكون أوسع -نوعا ما-..
وبتمنى يكون في عالم جديدة

أنا جاهز

كتب Abo Albees:

أنا جاهز

الله حيو أبو البيس

كتب Joolnar:

كتب EhabLM:

بس حابب أتأكد من الزميلات والزملاء يلي شاركوا -مشكورين- إذا كانوا لساتون حابين يكملوا بالمشوار

إي أكيد جاهزين

وأنا كنت متأكد من هالشي

رح حطلكون -إذا مو هلأ- بكرة -إنشاء الله- برنامج بالأوقات يلي فينا نشتغل فيها بالقاعات.. وياريت كل مجموعة تعطيني الوقت المناسب (أكثر من خيار) مشان نسق إذا صار في تعارضات..

الله حيو عمي إيهاب ...

نحنا كنا التلاتا الساعة 8 بالخامسة بس شكلها القاعة بدها كل 5 دقايق شغل ...

والله اذا بتلاقولنا وقت تاني بكون احسن لأن كتير بكير الساعة 8  !!!