كتب MCSD لو سمحتوا
تاريخ التسجيل: 2008-02-20
مشاركات: 155
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: هندسة شبكات
|
السلام عليكم ورحمة الله
لو حدا عندوا كتب MCSD الحديثة ...ينورنا فيون أو يعطينا الرابط وجزاه الله خير
يا مـن رأى عـمرَ تكسوه بردتـه والزيــتُ أدمٌ لـه والـكـوخُ مأواه
يهتز كسرى على كرسيه فرقـًا من بأسه وملوك الروم تخشاه
هي الشريعة عين الله تكلؤهـا فكلما حاولوا تشويهها شاهــوا
|
| |
دخول أو تسجيل لإرسال التعليقات | قراءة: 505 |
|
عضو فعال
تاريخ التسجيل: 2006-12-10
مشاركات: 1473
الجامعة: الافتراضية
الكلية: تكنولوجيا المعلومات
المرحلة: متخرج
|
في هون مجموعة كتب
http://www.techcontent.com/
بس طبعا مو مجانا ً.
|
| |
دخول أو تسجيل لإرسال التعليقات |
تاريخ التسجيل: 2008-03-29
مشاركات: 83
الجامعة: غير ذلك
الكلية: غير ذلك
المرحلة: متخرج
الاختصاص: غير ذلك
|
يمكن ان تجد هنا ما تريد
أيها المارون بين الكلمات العابرة
احملوا أسماءكم وانصرفوا
واسحبوا ساعاتكم من وقتنا ،و انصرفوا
وخذوا ما شئتم من زرقة البحر و رمل الذاكرة
و خذوا ما شئتم من صور، كي تعرفوا
انكم لن تعرفوا
كيف يبني حجر من أرضنا سقف السماء........
محمود درويش رحمه الله
|
| |
دخول أو تسجيل لإرسال التعليقات |
تاريخ التسجيل: 2008-02-20
مشاركات: 155
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: هندسة شبكات
|
السلام عليكم ورحمة الله
أخ عبد الله أنا لا أعترض على قرارك و إنما لي عليه ملاحظة
كلنا بنعرف انو مايكروسوفت وسيسكوا وكومب تيا و غوغل و و و كلون عم يعملوا مقاطعة على سورية وممنوع ناخد منتجاتهم أو يكون إلون فروع في سورية !!!! وليش ؟؟؟؟ لأنو نحن إرهابيين !!
طيب انت إرهابي شي ؟ لو كان انت إرهابي أنا بقبل بالحظر ...
أخ عبد الله أنا ماني ضد حقوق ملكية النشر أو التوزيع أو النسخ ...الخ ولكن مع انو تكون هي الحقوق بالفعل حقوق
الدول الكبار (أمريكا,كندا وبريطانيا فقط ) عم يمنعوا خروج أحدث التجهيزات من عندون لبقية دول العالم حتى لو كانت اوروبا أو اليابان مشان يضمنوا دائماً انو يكون شعبون أعلى سوية من بقية الشعوب !! طيب نحن شو عم نستنى ..عم نستنى لحتى نكون من هدول الدونيين ونحكم على حالنا بالإعدام نزولاً عند رغبتون
أما الدول الإرهابية مثل سورية فممنوع يفوت عليها حتى التجهيزات اللي كانت بعهد جدي ...تصوروا انو لوحة ام بأكتر من معالجين ممنوع تفوت على سوريا (مع انو من سنتين وقت كنت متابع هالقضية كان في لوحات ام بـ 256 معالج يعني هلا لازم يكون أكتر ) وهاد كان سبب تأخر كبير لمشروع الـ Customer Care بمؤسسة الاتصالات واللي مكلف الدولة 35 مليون دولار لأنو كان بدون لوحات أم بأربع معالجات ومع أنو اللي كان آخد العقد هو شركة Alcatel الفرنسية!!
بعدين معليش شو بدنا نكذب على حالنا يعني كلنا عم نستخدم نسخ غير أصلية سواء من ويندوز أو البرامج الراكبة عليه وانت واحد منون وأنا كنت واحد منون وقت كنت بسوريا وماني مستعد ادفع فرنك واحد بصراحة لهالشركات طالما هي اللي بدأت الحرب علينا ومو نحن
بصراحة أنا كنت واحد من المناصرين بشدة لمبدأ حقوق الملكية والنسخ والنشر ولكن وبعد ذلك وبحكم خبرتي المتواضعة بهاد المجال اكتشفت انو ما لازم ندفع ولا ليرة مقابل أي برنامج وندمت حتى على نسخ الويندوز الأصلية اللي اشترتها مؤسسة الاتصالات وقت كنت أنا هنيك
.
.
.
حاصل الموضوع أنا أقترح بصراحة إلغاء هاد الشرط من شروط المنتدى لحتى المنتدى يكون فيه روح أكبر ونشاط وفاعلية أكتر ونفيد ونستفيد أو على الأقل تعديل هاد الشرط بحيث يستثني الشركات اللي عاملة حطر على سوريا
أو طرح الموضوع على العموم للتصويت ومن ثم اتخاذ القرار المناسب
وجزاكم الله خير
يا مـن رأى عـمرَ تكسوه بردتـه والزيــتُ أدمٌ لـه والـكـوخُ مأواه
يهتز كسرى على كرسيه فرقـًا من بأسه وملوك الروم تخشاه
هي الشريعة عين الله تكلؤهـا فكلما حاولوا تشويهها شاهــوا
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2008-01-21
مشاركات: 554
الجامعة: دمشق
الكلية: الهندسة المعلوماتية
المرحلة: السنة الثانية
|
أنا مع Mr.IT بها الفكرة: كتب Mr.IT: تعديل هاد الشرط بحيث يستثني الشركات اللي عاملة حظر على سوريا أما المحافظة على حقوق النشر بشكل عام فكرة حضارية و لازم تبقى بالموقع...
For true hackers, the boundaries between "play", "work", "science" and "art" all tend to disappear Are you a Hacker? |
| |
دخول أو تسجيل لإرسال التعليقات |
|
مدير
تاريخ التسجيل: 2005-07-15
مشاركات: 3149
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
أول شي مافي ولا شركة عاملة حظر على سورية كل ماهنالك انو بيلتزموا بقوانين بلدهون.
وعلى حد علمي نحنا موبحالة حرب مع أي دولة بالعالم لحتى نبيح المحظور (ومو كل شخص بقرر لحاله أنا بدي حارب الدولة الفلانية وبالتالي معليش اسرق منتجاتهون)
تاني شي الكتب والبرمجيات المسروقة معبية الانترنت وماحدا بيقدر يمنعها.
بس المنتديات إما بتسمح بوضع روابط لهالمنتجات أو لأ, ونحنا عنا هالشي ممنوع لأسباب ناقشناها مراراً وتكراراً.
فيكون تدوروا بالمنتدى عالمواضيع القديمة الي ناقشنا فيها هالشغلة.
وقانون الموقع الجديد تم التصويت عليه وحصل على موافقة الأغلبية قبل مايتم اعتماده.
لذلك ياريت الكل يلتزم بالقانون.
ملاحظة:
الحظر صاير شماعة لتبرير تأخير تنفيذ بعض المؤسسات العامة لمشاريعها مع انو على حد علمي مافي غير الولايات المتحدة عاملة حظر لتصدير بعض المنتجات لعنا وفي مية دولة تانية فينا نجيب من عندهون نفس المنتجات.
|
| |
دخول أو تسجيل لإرسال التعليقات |
تاريخ التسجيل: 2008-02-20
مشاركات: 155
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: هندسة شبكات
|
أخ فؤاد القانون على عيني وأكيد أنا رح التزم فيو ولكن وتعقيباً...
قوانين بلدهم هنين حطوها ومو نحن وبالتالي قرار الحظر تبعهم هنن بيتحملوا مسؤوليتوا
ثانياً نحن مو بحالة حرب مع أمريكا ولكنا مو بحالة سلم معون بنفس الوقت..وحالتنا معون تشمل جميع أشكال الحرب عدا العسكرية منها
.
.
ثالثاً والشي المزعلني بصراحة انو كلكون عم تستخدموا برمجيات ونظم مسروقة وانتوا نفسكون بتجوا بتحرموها هون ..يعني كيف عم تجمعوا الازدواجية بشخصياتكون بصراحة ما بعرف يعني يا أما أبيض أو أسود أما نص نص بصراحة ما ركبت معي .!!
.
رابعاً بالنسبة لعقد مؤسسة الاتصالات أنا مثل ما ذكرت سابقاً انو العقد كان عم تنفذوا شركة Alcatel الفرنسية وهي نفسها اللي ما قدرت تجيب المنتجات وبالتالي مؤسسة الاتصالات مالها علاقة بالموضوع
.
أرجوا انو ما يكون كلامي قاسي شوي وبالنهاية اختلاف الرأي لا يفسد للود قضية
وسلام
يا مـن رأى عـمرَ تكسوه بردتـه والزيــتُ أدمٌ لـه والـكـوخُ مأواه
يهتز كسرى على كرسيه فرقـًا من بأسه وملوك الروم تخشاه
هي الشريعة عين الله تكلؤهـا فكلما حاولوا تشويهها شاهــوا
|
| |
دخول أو تسجيل لإرسال التعليقات |
تاريخ التسجيل: 2008-03-05
مشاركات: 801
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: غير ذلك
|
السلام عليكم ورحمة الله و بركاته
عندي كتاب MCSD ولكن مابعرف اذا بيقبلوا اعطيك ياه على المنتدى
بدون ماأعطيك رابطه لأنه أنا آخذه من دون رابط
قرأتُ مجدَكِ في قلبي و في الكُتُـبِ شَـآمُ ، ما المجدُ؟ أنتِ المجدُ لم يَغِبِ
|
| |
دخول أو تسجيل لإرسال التعليقات |
تاريخ التسجيل: 2008-03-29
مشاركات: 83
الجامعة: غير ذلك
الكلية: غير ذلك
المرحلة: متخرج
الاختصاص: غير ذلك
|
فيك تبعتهولو على البريد الخاص
والي كمان ادا بدك سلام
أيها المارون بين الكلمات العابرة
احملوا أسماءكم وانصرفوا
واسحبوا ساعاتكم من وقتنا ،و انصرفوا
وخذوا ما شئتم من زرقة البحر و رمل الذاكرة
و خذوا ما شئتم من صور، كي تعرفوا
انكم لن تعرفوا
كيف يبني حجر من أرضنا سقف السماء........
محمود درويش رحمه الله
|
| |
دخول أو تسجيل لإرسال التعليقات |
|
مدير
تاريخ التسجيل: 2005-07-15
مشاركات: 3149
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
كتب Mr.IT:
قوانين بلدهم هنين حطوها ومو نحن وبالتالي قرار الحظر تبعهم هنن بيتحملوا مسؤوليتوا
ثانياً نحن مو بحالة حرب مع أمريكا ولكنا مو بحالة سلم معون بنفس الوقت..وحالتنا معون تشمل جميع أشكال الحرب عدا العسكرية منها
كتب Mr.IT:
ثالثاً والشي المزعلني بصراحة انو كلكون عم تستخدموا برمجيات ونظم مسروقة وانتوا نفسكون بتجوا بتحرموها هون ..يعني كيف عم تجمعوا الازدواجية بشخصياتكون بصراحة ما بعرف يعني يا أما أبيض أو أسود أما نص نص بصراحة ما ركبت معي .!!
في كتير ناس بدخنوا وبيمنعوا ولادهون من التدخين ليش؟! طبعاً الأفضل لوا كانوا قدوة بس اذا ماقدروا يكونوا قدوة معناها يقلولهون معليش دخنوا؟!
بعدين لاتشمل الكل في أعضاء بالموقع مابيستخدموا البرامج المسروقة.
كتب Mr.IT:
رابعاً بالنسبة لعقد مؤسسة الاتصالات أنا مثل ما ذكرت سابقاً انو العقد كان عم تنفذوا شركة Alcatel الفرنسية وهي نفسها اللي ما قدرت تجيب المنتجات وبالتالي مؤسسة الاتصالات مالها علاقة بالموضوع
بعدين شلون مؤسسة الاتصالات مالها علاقة؟! مين المسؤول عن الاتصالات بالبلد؟ يعني أنا بروح بنتقد شركة Alcatel الفرنسية لأنو الاتصالات عنا بسورية فايتة بستين حطيت؟! بقلولي خط الـADSL عنا بفرنسا بسرعة 28Mbps بسعر 30 يورو بالشهر (أقل من 2500ليرة) المشكلة منعندكون مو من عنا!
كتب Mr.IT:
أرجوا انو ما يكون كلامي قاسي شوي وبالنهاية اختلاف الرأي لا يفسد للود قضية
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-09-17
مشاركات: 829
الجامعة: دمشق
الكلية: الهندسة المعلوماتية
المرحلة: السنة الثانية
|
كتب foaad: كتب Mr.IT: قوانين بلدهم هنين حطوها ومو نحن وبالتالي قرار الحظر تبعهم هنن بيتحملوا مسؤوليتوا ثانياً نحن مو بحالة حرب مع أمريكا ولكنا مو بحالة سلم معون بنفس الوقت..وحالتنا معون تشمل جميع أشكال الحرب عدا العسكرية منها بس هاد الشي مابيعطيك الحق انو تسرق منتجاتهون قصدي قانوناً وشرعاً. ليش شرعا و قانون بحق الهم يمنعوا عنا التكنولوجيا و المعرفة ... يعني بحق لشركة sun تمنع تزويدنا بمنتجاتها المجانية !!! أو حتى تمنع اعطاء كورسات متقدمة بلغة الجافا مثلا عنا !!! كتب foaad: كتب Mr.IT: ثالثاً والشي المزعلني بصراحة انو كلكون عم تستخدموا برمجيات ونظم مسروقة وانتوا نفسكون بتجوا بتحرموها هون ..يعني كيف عم تجمعوا الازدواجية بشخصياتكون بصراحة ما بعرف يعني يا أما أبيض أو أسود أما نص نص بصراحة ما ركبت معي .!! ليش مقياس الصح والغلط هو الشي الي منساويه ولا مامنساويه؟! اذا كل البشر قالوا عن الغلط صح بصير صح؟! في كتير ناس بدخنوا وبيمنعوا ولادهون من التدخين ليش؟! طبعاً الأفضل لوا كانوا قدوة بس اذا ماقدروا يكونوا قدوة معناها يقلولهون معليش دخنوا؟! بعدين لاتشمل الكل في أعضاء بالموقع مابيستخدموا البرامج المسروقة. لو كان عنا بالبلد في حقوق ملكية دولية كنا بنحاسب اللي بيحط ارتباطات لمواد غير مجانية بس بما انو ما عنا هيك قوانين .... بعتقد ما لازم نحرم حالنا . مع اني مع وجود حقوق ملكية بالبلد لإنو معظم الإنتقادات الموجه النا بستغل هاي النقطة بشك كبير . كتب foaad: كتب Mr.IT: رابعاً بالنسبة لعقد مؤسسة الاتصالات أنا مثل ما ذكرت سابقاً انو العقد كان عم تنفذوا شركة Alcatel الفرنسية وهي نفسها اللي ما قدرت تجيب المنتجات وبالتالي مؤسسة الاتصالات مالها علاقة بالموضوع ومافي شرط جزائي بالعقد مشان التأخير؟ ماكان فيهون يفسخوا العقد مع Alcatel ويتعاقدوا مع شركة تانية ويدفعوا Alcatel كل النفقات الاضافية؟! بعدين شلون مؤسسة الاتصالات مالها علاقة؟! مين المسؤول عن الاتصالات بالبلد؟ يعني أنا بروح بنتقد شركة Alcatel الفرنسية لأنو الاتصالات عنا بسورية فايتة بستين حطيت؟! بقلولي خط الـADSL عنا بفرنسا بسرعة 28Mbps بسعر 30 يورو بالشهر (أقل من 2500ليرة) المشكلة منعندكون مو من عنا! صراحة المشكلة إنو في عنا حيتان و مافي صيادين " مابعرف إذا وصلت الفكرة " كتب foaad: كتب Mr.IT: أرجوا انو ما يكون كلامي قاسي شوي وبالنهاية اختلاف الرأي لا يفسد للود قضية قاسي؟ لا بالعكس we always must have that spirit
| IF YOU LOST THE WAY DON'T GIVE UP AND GO BACK ,try again...YOU WILL ALWAYS FIND THE SOLUTION AT THE STARTING POINT |
|
| |
دخول أو تسجيل لإرسال التعليقات |
|
مدير
تاريخ التسجيل: 2005-07-15
مشاركات: 3149
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
كتب BlackSigma:
ليش شرعا و قانون بحق الهم يمنعوا عنا التكنولوجيا و المعرفة ... يعني بحق لشركة sun تمنع تزويدنا بمنتجاتها المجانية !!! أو حتى تمنع اعطاء كورسات متقدمة بلغة الجافا مثلا عنا !!!
كتب BlackSigma:
لو كان عنا بالبلد في حقوق ملكية دولية كنا بنحاسب اللي بيحط ارتباطات لمواد غير مجانية بس بما انو ما عنا هيك قوانين .... بعتقد ما لازم نحرم حالنا .
مع اني مع وجود حقوق ملكية بالبلد لإنو معظم الإنتقادات الموجه النا بستغل هاي النقطة بشك كبير .
اذا عنا بالبلد مافي هيك قانون بس الأخلاق والشرائع المتبعة بتدعوا لهالشي وعنا بالموقع في هيك قانون, يعني وين المشكلة؟!
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-09-17
مشاركات: 829
الجامعة: دمشق
الكلية: الهندسة المعلوماتية
المرحلة: السنة الثانية
|
كتب foaad: اي شو دخل, متل ماقلت سابقاً الصح صح والغلط غلط بغض النظر شو هنن عم يساووا وشو نحنا عم نساوي!
كتب foaad:
اي بس المجتمعات مو بس بتمشي حسب القوانين المكتوبة كمان بتمشي حسب الأخلاق والشرائع المتبعة.
اذا عنا بالبلد مافي هيك قانون بس الأخلاق والشرائع المتبعة بتدعوا لهالشي وعنا بالموقع في هيك قانون, يعني وين المشكلة؟!
أكيد النقاش بطول بهلموضوع لإنو كل شخص عندو وجهة نظر مختلفة ...بالنهاية القرار لإدارة الموقع مع الملاحظةإنو مافي قانون بتم ثابت كل شيء قابل للتعديل
| IF YOU LOST THE WAY DON'T GIVE UP AND GO BACK ,try again...YOU WILL ALWAYS FIND THE SOLUTION AT THE STARTING POINT |
|
| |
دخول أو تسجيل لإرسال التعليقات |
تاريخ التسجيل: 2008-02-20
مشاركات: 155
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: هندسة شبكات
|
كتب foaad:
ليش مقياس الصح والغلط هو الشي الي منساويه ولا مامنساويه؟! اذا كل البشر قالوا عن الغلط صح بصير صح؟!
في كتير ناس بدخنوا وبيمنعوا ولادهون من التدخين ليش؟! طبعاً الأفضل لوا كانوا قدوة بس اذا ماقدروا يكونوا قدوة معناها يقلولهون معليش دخنوا؟!
بعدين لاتشمل الكل في أعضاء بالموقع مابيستخدموا البرامج المسروقة.
كتب foaad:
ومافي شرط جزائي بالعقد مشان التأخير؟ ماكان فيهون يفسخوا العقد مع Alcatel ويتعاقدوا مع شركة تانية ويدفعوا Alcatel كل النفقات الاضافية؟!
بعدين شلون مؤسسة الاتصالات مالها علاقة؟! مين المسؤول عن الاتصالات بالبلد؟ يعني أنا بروح بنتقد شركة Alcatel الفرنسية لأنو الاتصالات عنا بسورية فايتة بستين حطيت؟! بقلولي خط الـADSL عنا بفرنسا بسرعة 28Mbps بسعر 30 يورو بالشهر (أقل من 2500ليرة) المشكلة منعندكون مو من عنا!
بس لتحري الصدق يعني العقد كان فيو شرط جزائي واضطرت Alcatelانو تستبدل التجهيزات المنصوص عليها بالعقد بما هو أفضل منها (حسب القانون السوري) بس بالنهاية كان في خسارة بالوقت وهاي هي النقطة اللي ذكرتلك ياها بالبداية (يعني كان في خسارة ....ناتجة عن قوانين الحظر)
كتب foaad:
اي بس المجتمعات مو بس بتمشي حسب القوانين المكتوبة كمان بتمشي حسب الأخلاق والشرائع المتبعة
بعدين بدي أذكرك انو الحضارة الإنسانية هي مو نتاج أمريكا لحالها وهي نتاج كل العالم وما حدا بيقدر ينكر دور العلماء غير الأمريكان في أمريكا من أمثال د.طاهر الجمل وغيروا وبالتالي هنين ما بحقلهون لا قانوناً ولا شرعاً انو يمنعوا عنا العلم
وأنا شخصياً بصراحة ما بشوف انو سرقة العلم حرام بأي شكل من الأشكال
يا مـن رأى عـمرَ تكسوه بردتـه والزيــتُ أدمٌ لـه والـكـوخُ مأواه
يهتز كسرى على كرسيه فرقـًا من بأسه وملوك الروم تخشاه
هي الشريعة عين الله تكلؤهـا فكلما حاولوا تشويهها شاهــوا
|
| |
دخول أو تسجيل لإرسال التعليقات |
|
مدير
تاريخ التسجيل: 2005-07-15
مشاركات: 3149
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
كتب Mr.IT:
"كبر مقتاً عند الله أن تقولوا ما لا تفعلون" الأصل في العمل هو العمل بالشيء ومن ثم دعوة الآخر لعمله(أياً كان نوع العمل) ... مو مثل أبو شهاب قال لا تفيقوني على صلاة الصبح بتكون روحي بمكة عم تصلي بالحرم
بس لاتجاوبني هون لأنو مابدنا نفوت بنقاش ديني, لأنو متل مابتعرف قوانين المنتدى مابتسمح بهالشي. بس انت فكر بهالموضوع ولاتجاوب جزافاً يعني لا تحلل وتحرم من عندك.
كتب Mr.IT:
انت هيك ناقضت نفسك ...يعني ليش هنين لازم يلتزموا بقوانين بلدهون حتى لو كانت ضد الأخلاق والشرائع وليش نحن لازم ما نستغل الفرصة اللي بيعطينا ياها القانون السوري (مع التحفظ عليه)
بعدين بدي أذكرك انو الحضارة الإنسانية هي مو نتاج أمريكا لحالها وهي نتاج كل العالم وما حدا بيقدر ينكر دور العلماء غير الأمريكان في أمريكا من أمثال د.طاهر الجمل وغيروا وبالتالي هنين ما بحقلهون لا قانوناً ولا شرعاً انو يمنعوا عنا العلم
وأنا شخصياً بصراحة ما بشوف انو سرقة العلم حرام بأي شكل من الأشكال
نحن عم نحكي عن البرامج والكتب التجارية مو عن العلم ماحدا بيقدر يمنع عنك العلم
ومن حق الشخص ياخد ثمن كتاب ألفه أو ياخد مقابل انو يعلمك
مثلاً هالموضوع بالأساس عن شو؟ عن كتب MCSD هل انت حاولت تشتري هالكتب ومنعوك لأنك عايش بسوريا؟!
هالكتب على حد علمي موجودة عنا بالسوق بالمكتبات سواء مترجمة أو النسخ الأساسية.
|
| |
دخول أو تسجيل لإرسال التعليقات |
|
مدير
تاريخ التسجيل: 2004-01-24
مشاركات: 2798
الجامعة: تشرين
الكلية: الهندسة المعلوماتية
المرحلة: متخرج
الاختصاص: هندسة برمجيات
|
كتب Mr.IT:
الدول الكبار (أمريكا,كندا وبريطانيا فقط ) عم يمنعوا خروج أحدث التجهيزات من
عندون لبقية دول العالم حتى لو كانت اوروبا أو اليابان مشان يضمنوا دائماً انو يكون شعبون أعلى سوية من بقية الشعوب !! طيب نحن شو عم نستنى ..عم نستنى لحتى نكون من هدول الدونيين ونحكم على حالنا بالإعدام نزولاً عند رغبتون ممكن مرجع موثوق لهالكلام؟ على أي أساس عم تقول أنو أميركا مثلا بتمنع تجهيزاتا من الخروج لأوروبا؟ رجاء يكون المرجع حيادي و ما من هواة نظرية المؤامرة.
اقتباس: بعدين معليش شو بدنا نكذب على حالنا يعني كلنا عم نستخدم نسخ غير أصلية سواء من ويندوز أو البرامج الراكبة عليه وانت واحد منون وأنا كنت واحد منون وقت كنت بسوريا وماني مستعد ادفع فرنك واحد بصراحة لهالشركات طالما هي اللي بدأت الحرب علينا ومو نحن رجاء عدم التعميم. في جزء جيد من أعضاء الموقع بيستخدمو الأنظمة و البرامج مفتوحة المصدر مثل Linux و Open Office و Firefox. وفي جزء تاني اشترو laptops و حصلو معا على نسخ شرعية من نظام ويندوز.
اقتباس: حاصل الموضوع أنا أقترح بصراحة إلغاء هاد الشرط من شروط المنتدى لحتى المنتدى يكون فيه روح أكبر ونشاط وفاعلية أكتر ونفيد ونستفيد أو على الأقل تعديل هاد الشرط بحيث يستثني الشركات اللي عاملة حطر على سوريا
أو طرح الموضوع على العموم للتصويت ومن ثم اتخاذ القرار المناسب
اتاحة المجال للقرصنة و سرقة البرامج و الكتب رح يقلل من مصداقية الموقع. خاصة و أنو أعضاؤو المفروض أكثر مين بقدر قيمة الملكية الفكرية للبرامج و الكتب بحكم أنو جزء منون رح يشتغل بتطوير البرامج بالمستقبل. هدا طبعا بالإضافة لكون قرصنة البرامج و الكتب أمر غير أخلاقي قبل ما يكون غير قانوني. لما بيكتب شخص برنامج أو كتاب، ألو الحق بتحديد السعر الي بيطلبو مقابل جهدو أو مين بيقدر يحصل على هالجهد. و ما إلك حق تفترض أنو إذا منع عنك شخص جهدو أنك تاخد هالجهد بالقوة.
|
| |
دخول أو تسجيل لإرسال التعليقات |
|
مدير
تاريخ التسجيل: 2004-01-24
مشاركات: 2798
الجامعة: تشرين
الكلية: الهندسة المعلوماتية
المرحلة: متخرج
الاختصاص: هندسة برمجيات
|
كتب foaad:
كتب Mr.IT:
انت هيك ناقضت نفسك ...يعني ليش هنين لازم يلتزموا بقوانين بلدهون حتى لو كانت ضد الأخلاق والشرائع وليش نحن لازم ما نستغل الفرصة اللي بيعطينا ياها القانون السوري (مع التحفظ عليه)
بعدين بدي أذكرك انو الحضارة الإنسانية هي مو نتاج أمريكا لحالها وهي نتاج كل العالم وما حدا بيقدر ينكر دور العلماء غير الأمريكان في أمريكا من أمثال د.طاهر الجمل وغيروا وبالتالي هنين ما بحقلهون لا قانوناً ولا شرعاً انو يمنعوا عنا العلم
وأنا شخصياً بصراحة ما بشوف انو سرقة العلم حرام بأي شكل من الأشكال
وين التناقض ليش انت اذا اشتريت نسخ أصلية أو استخدمت برامج مجانية بتكون خالفت قوانين بلدك؟!
نحن عم نحكي عن البرامج والكتب التجارية مو عن العلم ماحدا بيقدر يمنع عنك العلم
ومن حق الشخص ياخد ثمن كتاب ألفه أو ياخد مقابل انو يعلمك
مثلاً هالموضوع بالأساس عن شو؟ عن كتب MCSD هل انت حاولت تشتري هالكتب ومنعوك لأنك عايش بسوريا؟!
هالكتب على حد علمي موجودة عنا بالسوق بالمكتبات سواء مترجمة أو النسخ الأساسية.
ما بس هيك، أنا لما كنت بسوريا طلبت كتب من موقع أميريكي (BookPool.com) و حصلت على الكتب بالبريد. الي احتجت أعملو هو أنو أثبت أنو بطاقة الاعتماد الي استخدمتا هي ملك إلي و مانا مسروقة. و بعد ما أثبتت هالشي حصلت على الكتب بكل بساطة.
مشكلة منع المنتجات عن سوريا مشكلة سببا محلي بالدرجة الأولى:
* غياب قوانين لحماية حقوق البائع. يعني لو شخص طلب كتب عن طريق بطاقة اعتماد مسروقة و تم إرسال الكتب ألو مباشرة و بعدا اكتشف أصحاب الموقع أنو البطاقة مسروقة و اضطروا يرجعو المبلغ المالي لأصحابو، مافي بالقانون السوري شي بيضمن حق البائع.
* و حتى لو تم الشراء ببطاقة اعتماد حقيقية و من قبل صاحبا، ما في شي بالقانون بيمنع المشتري من نسخ و توزيع البرنامج أو الكتاب الي اشترا.
* السوق السورية صغيرة جدا بسبب سوء الانترنت و عدم وجود طرق للدفع عن طريق الانترنت.
هالأسباب بتخلي التعامل مع سوريا بالنسبة للشركات عملية غير مجدية (و حتى خاسرة) فبيستخدمو الأسباب السياسية كحجة لعدم التعامل مع سوريا.
بالمناسبة، الكثير من السوريين عاملين استضافة لمواقعون عند شركات أميركية، وهالموقع واحد منا.
بتوقع هيك بكفي لننفي نظرية المؤامرة من هالموضوع.
|
| |
دخول أو تسجيل لإرسال التعليقات |
تاريخ التسجيل: 2008-02-20
مشاركات: 155
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: هندسة شبكات
|
كتب أيمن:
ممكن مرجع موثوق لهالكلام؟ على أي أساس عم تقول أنو أميركا مثلا بتمنع تجهيزاتا من الخروج لأوروبا؟ رجاء يكون المرجع حيادي و ما من هواة نظرية المؤامرة
كتب أيمن:
رجاء عدم التعميم. في جزء جيد من أعضاء الموقع بيستخدمو الأنظمة و البرامج مفتوحة المصدر مثل Linux و Open Office و Firefox. وفي جزء تاني اشترو laptops و حصلو معا على نسخ شرعية من نظام ويندوز.
أما اللابتوبات اللي عم يجي معها نسخ OEM وهي بس لأنو اجت OEM مع اللابتوب ما اشتروها وإلا كانوا راحوا جابوا نسخة بـ 25 من البحصة مثل ما عملوا مع حواسبون العادية بالبيت وحتى حواسبون المحمولة بدي اطلب منك تروح تشوفها وتشوف الـ Utilities المقرصنة اللي نازلة عليها
كتب أيمن:
ما بس هيك، أنا لما كنت بسوريا طلبت كتب من موقع أميريكي (BookPool.com) و حصلت على الكتب بالبريد. الي احتجت أعملو هو أنو أثبت أنو بطاقة الاعتماد الي استخدمتا هي ملك إلي و مانا مسروقة. و بعد ما أثبتت هالشي حصلت على الكتب بكل بساطة.
مشكلة منع المنتجات عن سوريا مشكلة سببا محلي بالدرجة الأولى:
* غياب قوانين لحماية حقوق البائع. يعني لو شخص طلب كتب عن طريق بطاقة اعتماد مسروقة و تم إرسال الكتب ألو مباشرة و بعدا اكتشف أصحاب الموقع أنو البطاقة مسروقة و اضطروا يرجعو المبلغ المالي لأصحابو، مافي بالقانون السوري شي بيضمن حق البائع.
* و حتى لو تم الشراء ببطاقة اعتماد حقيقية و من قبل صاحبا، ما في شي بالقانون بيمنع المشتري من نسخ و توزيع البرنامج أو الكتاب الي اشترا.
* السوق السورية صغيرة جدا بسبب سوء الانترنت و عدم وجود طرق للدفع عن طريق الانترنت.
هالأسباب بتخلي التعامل مع سوريا بالنسبة للشركات عملية غير مجدية (و حتى خاسرة) فبيستخدمو الأسباب السياسية كحجة لعدم التعامل مع سوريا.
بالمناسبة، الكثير من السوريين عاملين استضافة لمواقعون عند شركات أميركية، وهالموقع واحد منا.
بتوقع هيك بكفي لننفي نظرية المؤامرة من هالموضوع.
بعدين وقت يكون في Partners للشركات الكبيرة مثل مايكروسوفت واوراكل وسيسكو رح يتضاعف حجم السوق السوري يعني مثلا بدال ما تجي شركة اردنية مثل انتراكوم تنفذ عنا مشروع بملايين الدولارات بس لأنها partner لاوراكل رح ينفذ هيك مشروع بالتاكيد شركة سورية مع العلم انو موظفي انتراكوم معظمون سوريين وبالتالي قرار المقاطعة سياسي بحت وهو مضر بمصالحنا بالتأكيد ولدرجة كبيرة
بعدين لو افترضنا انو مايكروسوفت خايفة على كتبها من السرقة في سوريا ليش على الاقل ما بتوافق بفتح مركز بالشام يقدر يقدم امتحانات MCSE, MCSD,MCP, MCDST, ...... كمان هي الشهادات رح تنسرق من شخص لآخر ..؟؟
وبالتالي عم يضطر السوريين اللي عايشين بالشام انو يطلعوا على لبنان والأردن لحتى يقدموا هالامتحانات ..وانت بتعرف قديه عم تحصل هي المراكز من ورا السوريين لحالون .. شو بتسمي انت هالحركة هي ؟؟ عم يدافعوا عن شهاداتون من السرقة ؟؟؟
يا مـن رأى عـمرَ تكسوه بردتـه والزيــتُ أدمٌ لـه والـكـوخُ مأواه
يهتز كسرى على كرسيه فرقـًا من بأسه وملوك الروم تخشاه
هي الشريعة عين الله تكلؤهـا فكلما حاولوا تشويهها شاهــوا
|
| |
دخول أو تسجيل لإرسال التعليقات |
|
مدير
تاريخ التسجيل: 2004-01-24
مشاركات: 2798
الجامعة: تشرين
الكلية: الهندسة المعلوماتية
المرحلة: متخرج
الاختصاص: هندسة برمجيات
|
كتب Mr.IT:
تجهيزات محددة وذات سوية معينة فقط هي اللي عم تمنع من الخروج من البلدان المذكورة ولو انت رحت على مواقع الشركات الكبيرة مثل HP ,Dell.. رح تلاقي انو بعض المنتجات الـ shipment فيها بس للدول المذكورة وحتى لو رحت على المواقع التجارية مثل الـ ebay رح تلاقي نفس الشي ولما أنا سألت شخص أمريكي عن هاد الموضوع قللي حتى وقت كان هو بأمريكا ما كان قادر ببعض الحالات انو يبعت بعض المنتجات الحاسوبية (مثل حواسب محمولة من طرازات حديثة جداً)لبرا أمريكا حتى عن طريق الشركات المتخصصة بإرسال البضائع وما شابه مثل الـ American Express لأنو ممنوعة من الخروج ...!! عدة مشاكل بهالحكي:
١) "صديقي قال لي أنو سمع أنو ... " مانو مرجع موثوق.
٢) المواقع الرئيسية لشركات متل Dell ما بتشحن لأوروبا لأنو بكون في مواقع مخصصة لأوروبا. مثلا http://www.dell.de/ و السبب هو اختلاف الأسعار و الضرائب و ما شابه.
اقتباس:
بالنسبة للـ linux , Open office, firefox كلنا عم نستخدمها ومو بسبب انو مجانية بس لانو مفتوحة المصدر ومعظم الأحيان استخدامنا الها لغرض تعليمي مو أكتر ...
أما اللابتوبات اللي عم يجي معها نسخ OEM وهي بس لأنو اجت OEM مع اللابتوب ما اشتروها وإلا كانوا راحوا جابوا نسخة بـ 25 من البحصة مثل ما عملوا مع حواسبون العادية بالبيت وحتى حواسبون المحمولة بدي اطلب منك تروح تشوفها وتشوف الـ Utilities المقرصنة اللي نازلة عليها يمكن ما شرحت قصدي منيح. البعض من الأعضاء ما بيستخدم برامج مقرصنة و استعاض عنا ببرامج مفتوحة المصدر. و بالتالي ما بحق إلك تعمم على الكل و تقول أنو:
اقتباس: .
ثالثاً والشي المزعلني بصراحة انو كلكون عم تستخدموا برمجيات ونظم مسروقة وانتوا نفسكون بتجوا بتحرموها هون ..يعني كيف عم تجمعوا الازدواجية بشخصياتكون بصراحة ما بعرف يعني يا أما أبيض أو أسود أما نص نص بصراحة ما ركبت معي .!! هدا قصدي.
اقتباس: السوق السورية مو أصغر من السوق اللبنانية أو الأردنية مثلاً اقتباس: بعدين وقت يكون في Partners للشركات الكبيرة مثل مايكروسوفت واوراكل وسيسكو رح يتضاعف حجم السوق السوري يعني مثلا بدال ما تجي شركة اردنية مثل انتراكوم تنفذ عنا مشروع بملايين الدولارات بس لأنها partner لاوراكل رح ينفذ هيك مشروع بالتاكيد شركة سورية مع العلم انو موظفي انتراكوم معظمون سوريين وبالتالي قرار المقاطعة سياسي بحت وهو مضر بمصالحنا بالتأكيد ولدرجة كبيرة بالعكس، لازم يتأمن ظروف ملائمة للشركات الكبيرة من بنية تحتية و قوانين و ما شابه حتى تجي و تفتح فروع هون. لحتى تجي الشركات و تفتح فروع لازم يكون الاستثمار بالنسبة إلا مجدي اقتصاديا. من غير المنطقي أنو تطلب من الشركة تجي و تفتح فرع لتحسن الظروف المحلية من دون ما تقدم أي شي بالمقابل.
اقتباس: بعدين لو افترضنا انو مايكروسوفت خايفة على كتبها من السرقة في سوريا ليش على الاقل ما بتوافق بفتح مركز بالشام يقدر يقدم امتحانات MCSE, MCSD,MCP, MCDST, ...... كمان هي الشهادات رح تنسرق من شخص لآخر ..؟؟
وبالتالي عم يضطر السوريين اللي عايشين بالشام انو يطلعوا على لبنان والأردن لحتى يقدموا هالامتحانات ..وانت بتعرف قديه عم تحصل هي المراكز من ورا السوريين لحالون .. شو بتسمي انت هالحركة هي ؟؟ عم يدافعوا عن شهاداتون من السرقة ؟؟؟ هي جزء من الكل، اذا كان الاستثمار بشكل عام غير مجدي، بشو الفائدة من الاستثمار بجزء معين؟
لحتى توضح وجهة نظري، كان في مركز Amideast بالشام ممكن يقدم فيه الطلاب امتحانات TOEFL و GRE و غيرا من امتحانات القبول بالجامعات الأميريكية. بعد عدة سنوات من تقديم هالمركز لخدمة الامتحانات و الشهادات، تم إغلاقو فجأة من قبل السلطات المحلية. و حاليا على حد علمي ما في طريقة لتقديم امتحان الـGRE بسوريا ولازم تسافر لغير بلد إذا كنت بحاجة إلو. أنا عملت الامتحان بالمركز قبل إغلاقو بأقل من شهر لهيك بعرف تفاصيل الموضوع منيح. هل الي صار هو جزء من المقاطعة و المؤامرة؟
بالطبع كل الحكي السابق هو آرائي الشخصية...
|
| |
دخول أو تسجيل لإرسال التعليقات |
|
مشرف
تاريخ التسجيل: 2006-10-12
مشاركات: 1714
الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: هندسة برمجيات
|
النقاش كتير حلو ويا ريت نوصل لشي
عندي تعليق صغير واستفسار لأيمن خصوصي
ليش منتجات Google وSun وماإلى هنالك من منتجات مجانية معروضة على النت بيقلولك إنو ممنوع على بلدك تنزيل هاد المنتج ..
معلش بأي نظرية هي بدها تتفسر.
New look, new work, new laptop, new room, new challenges,and many new stuff It's not my birthday it's my revolution
|
| |
دخول أو تسجيل لإرسال التعليقات |
تاريخ التسجيل: 2008-02-20
مشاركات: 155
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: هندسة شبكات
|
كتب أيمن:
٢) المواقع الرئيسية لشركات متل Dell ما بتشحن لأوروبا لأنو بكون في مواقع مخصصة لأوروبا. مثلا http://www.dell.de/ و السبب هو اختلاف الأسعار و الضرائب و ما شابه.
كتب أيمن:
بالعكس، لازم يتأمن ظروف ملائمة للشركات الكبيرة من بنية تحتية و قوانين و ما شابه حتى تجي و تفتح فروع هون. لحتى تجي الشركات و تفتح فروع لازم يكون الاستثمار بالنسبة إلا مجدي اقتصاديا. من غير المنطقي أنو تطلب من الشركة تجي و تفتح فرع لتحسن الظروف المحلية من دون ما تقدم أي شي بالمقابل.
وقت كنت اشتغل بسوريا بالشركة الاستشارية الكندية واللي صاحبها سوري حامل للجنسية الكندية ومعوا كل شهادات اوراكل ونفذ مشاريع للمفوضية الاوروبية بسوريا وكل هاد الشي ما شفعلوا انو اوراكل تسمحلوا يصير partner الها بالشام بالرغم من محاولاتوا المتعددة ....هل بتفسرلي هاد الشي غير انو ..قرار سياسي بحت؟؟
بعدين مثل ما قللك Nightwolf ليش وقت بتطلع على الانترنت بدك تعمل حساب مجاني بموقع سيسكو (على سبيل المثال لا الحصر) بقوم السيرفر تبعون بحددلك الـ IP تبعك وبقللك انت من ضمن الـ range المحظور سياسياًً...
كمان هاد داعي اقتصادي !!!!
يا جماعة والله أنا ضد السرقةو القرصنة بس وقت الشركات بتتعامل معنا بهاد الشكل لدرجة حساب مجاني على الانترنت ....شو بتتوقع مني أعمل ؟؟
يا مـن رأى عـمرَ تكسوه بردتـه والزيــتُ أدمٌ لـه والـكـوخُ مأواه
يهتز كسرى على كرسيه فرقـًا من بأسه وملوك الروم تخشاه
هي الشريعة عين الله تكلؤهـا فكلما حاولوا تشويهها شاهــوا
|
| |
دخول أو تسجيل لإرسال التعليقات |
تاريخ التسجيل: 2005-02-20
مشاركات: 258
الجامعة: غير ذلك
الكلية: الهندسة المعلوماتية
المرحلة: ماجستير
الاختصاص: هندسة شبكات
|
كتب NightWolf: النقاش كتير حلو ويا ريت نوصل لشي
عندي تعليق صغير واستفسار لأيمن خصوصي
ليش منتجات Google وSun وماإلى هنالك من منتجات مجانية معروضة على النت بيقلولك إنو ممنوع على بلدك تنزيل هاد المنتج ..
معلش بأي نظرية هي بدها تتفسر.
هلق في بعض الشركات عمتتعامل بس مو بشكل مباشر بل عن طريق فروعها بكندا أو غير بلدان , و بعض البضائع عمتنشحن لجبل علي بدبي بعدين عمتصلنا
بعدين أنا بصراحة مالي شايف علاقة بين الحجب و انك تستخدم برامج مقرصنة
بماليزيا مثلا مالهن محجوبين أبدا و فيها أكبر نسبة قرصنة للبرامج على حسب علمي
بالنهاية وحسب رأيي نحنا عمستخدم برامج مقرصنة لعدة أسباب أهمها
- غياب قوانين الحماية الفكرية عنا بالبلد , يعني هون اذا حدا شافك عمتركب Oracle with a cracked license ما حدا بيحكيك شي بينما بالبلاد يلي فيها قوانين حماية الملكية ممكن تتعرض للمحاكمة و غرامة كبيرة و سجن كمان
- الفرق الكبير بين أسعار البرامج المقرصنة و الأصلية
يعني ما حدا منا مرتاح لأنو استخدم ويندوز مو اصلي و على طول كنا نلاقي مشاكل بالتحديث و غير شغلات , بس أنا لما بلاقي سعر نسخة الويندوز الأصلي 200 دولار مثلا و بالسوق 50 ليرة وما بتلحقني أي مسؤولية راح اخذ تبع ال50
المفروض هيك أمور الدولة تنظمها
و مشان موضوعنا الأصلي أنا برأيي انو كل موقع الو سياسة معينة و هدا الموقع من أول ما بلش كانت سياستو هيك , وأنا مع انو تظل هيك
|
| |
دخول أو تسجيل لإرسال التعليقات |
|
مدير
تاريخ التسجيل: 2005-07-15
مشاركات: 3149
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
كتب as_els: كتب NightWolf: النقاش كتير حلو ويا ريت نوصل لشي
عندي تعليق صغير واستفسار لأيمن خصوصي
ليش منتجات Google وSun وماإلى هنالك من منتجات مجانية معروضة على النت بيقلولك إنو ممنوع على بلدك تنزيل هاد المنتج ..
معلش بأي نظرية هي بدها تتفسر.
هاي الشركات ملزمة بقانون البلد تبعها لأنو حسب قانون محاسبة سوريا يي اقرو الكونجرس ممنوع أي شركة أمريكية تتعامل تعامل مباشر مع سورية تحت طائلة المسؤولية
هلق في بعض الشركات عمتتعامل بس مو بشكل مباشر بل عن طريق فروعها بكندا أو غير بلدان , و بعض البضائع عمتنشحن لجبل علي بدبي بعدين عمتصلنا
مابعرف شو تفاصيل القانون بالظبط وليش ميكروسوفت مثلاً بتسمحلك تنزل شومابدك من موقعهون بينما صن بيمنعوك!
بس القرصنة هي مو خيارك الوحيد في عدة طرق لتحصل على الكتب والبرامج بطريقة شرعية. بأسواء الأحوال في كتب وبرامج بديلة.
|
| |
دخول أو تسجيل لإرسال التعليقات |
|
مشرف
تاريخ التسجيل: 2006-10-12
مشاركات: 1714
الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: هندسة برمجيات
|
اذا القصة قصة حقوق فأنا معك بكل كلمة قلتها
بس القصة فيها نوع من الرد على قرارات جائرة صادرة عنهم يعني عم يحاربونا بكل ما بيقدرو ... ليش نحنا لنكون الطرف المسالم والملتزم بآداب الملكية الفكرية ؟
أنا ما عم بحكي منشان يصير المنتدى منتدى Download بس عم بحكي ليش لحتى تحمي حقوق عدوك وهو محرم عليك تاخد حقوق عم يوزعها ببلاش بس إنت لأنك سوري ممنوع عليك شو هالشغلة خيار وفقوس ؟
New look, new work, new laptop, new room, new challenges,and many new stuff It's not my birthday it's my revolution
|
| |
دخول أو تسجيل لإرسال التعليقات |
تاريخ التسجيل: 2008-03-05
مشاركات: 801
الجامعة: الافتراضية
الكلية: تكنولوجيا المعلومات
المرحلة: السنة الرابعة
الاختصاص: غير ذلك
|
كتب NightWolf: اذا القصة قصة حقوق فأنا معك بكل كلمة قلتها
بس القصة فيها نوع من الرد على قرارات جائرة صادرة عنهم يعني عم يحاربونا بكل ما بيقدرو ... ليش نحنا لنكون الطرف المسالم والملتزم بآداب الملكية الفكرية ؟
أنا ما عم بحكي منشان يصير المنتدى منتدى Download بس عم بحكي ليش لحتى تحمي حقوق عدوك وهو محرم عليك تاخد حقوق عم يوزعها ببلاش بس إنت لأنك سوري ممنوع عليك شو هالشغلة خيار وفقوس ؟ في وجهة نظر
قرأتُ مجدَكِ في قلبي و في الكُتُـبِ شَـآمُ ، ما المجدُ؟ أنتِ المجدُ لم يَغِبِ
|
| |
دخول أو تسجيل لإرسال التعليقات |
|
مدير
تاريخ التسجيل: 2004-01-24
مشاركات: 2798
الجامعة: تشرين
الكلية: الهندسة المعلوماتية
المرحلة: متخرج
الاختصاص: هندسة برمجيات
|
كتب Mr.IT:
أولا مو كل المنتجات اللي بتلاقيها بأمريكا بتلاقيها بالموقع الاوروبي ..ثانيا الموقع الأم نفسوا بيسمح النقل لبريطانياً(جزء من اوروبا) حصراً مع العلم انو بريطانيا فيهاVAT على أي شي بمقدار 17.5% واللي هي مختلفة عن الضرائب بأمريكا وبالتالي القضية هي دولة اي ودولة لا.
عفوا، بس ما رح نوصل لنتيجة إذا بدك تضل تتجاهل أجزاء من حكيي و تعطي حكي غير مدعوم بأدلة. حكي من نمط "سمعت من مصدر موثوق" أو "قلي رفيقي أنو سمع عن رفيقو أنو" ما بيعتبر دليل. عطينا إثبات لكلامك من مصدر موثوق و بعدين مناقش هالنقطة الغريبة و إلى أول مرة بسمع فيا.
اقتباس:
أنا ما قلت انو هنين يجوا يفتحوا فروع لشركاتهون عنا بالبلد ويستثمروا ويخسروا وإنما يسمحوا على الأقل للشركات الموجودة بأنها تصير parters إلون وهاد رح يطور الوضع كتير ...
وقت كنت اشتغل بسوريا بالشركة الاستشارية الكندية واللي صاحبها سوري حامل للجنسية الكندية ومعوا كل شهادات اوراكل ونفذ مشاريع للمفوضية الاوروبية بسوريا وكل هاد الشي ما شفعلوا انو اوراكل تسمحلوا يصير partner الها بالشام بالرغم من محاولاتوا المتعددة ....هل بتفسرلي هاد الشي غير انو ..قرار سياسي بحت؟؟ ليش أنو تصير partner هو مجرد موافقة الشركة الأصل و خلص الشركة الأصلية بتنسى الموضوع و بتصير المسؤولية كلا على الفرع؟ أكيد الشركة الأصل بدا الـpartner يقدم خدمة من مستوى بناسبا، و بيعطي أرباح، و متل ما حكيت، الوضع الحالي محليا ما بيسمح بهيك شي أبدا.
اقتباس: بعدين مثل ما قللك Nightwolf ليش وقت بتطلع على الانترنت بدك تعمل حساب مجاني بموقع سيسكو (على سبيل المثال لا الحصر) بقوم السيرفر تبعون بحددلك الـ IP تبعك وبقللك انت من ضمن الـ range المحظور سياسياًً...
كمان هاد داعي اقتصادي !!!!
يا جماعة والله أنا ضد السرقةو القرصنة بس وقت الشركات بتتعامل معنا بهاد الشكل لدرجة حساب مجاني على الانترنت ....شو بتتوقع مني أعمل ؟؟ اسا عم تتجاهل عدة نقط:
* الكتب متوفرة بالسوق السورية و بإمكانك تنزل و تشتري الي بدك.
* في نسبة من هالكتب مترجم للعربي و بتصريح من الشركة الأصلية Microsoft.
* إذا تخطيت مشكلة الدفع عن طريق الانترنت (وهي مشكلة محلية تماما) بإمكانك تطلب الكتب عن طريق الانترنت.
و أولا و أخيرا، ما في أي سبب مهما كان قوي بخلي شي غير أخلاقي يصير مقبول أخلاقيا.
|
| |
دخول أو تسجيل لإرسال التعليقات |
|
أرسل من قبل 
