CSC - SY

سنقوم إن شاء اللّه بطباعة التصميم الفائز و تعليقه في كليّات الهندسة المعلوماتيّة في جامعات دمشق و حلب و البعث و تشرين, و في مراكز نفاذ الجامعة الإفتراضيّة.

بالنسبة للجامعات الباقية (الجامعات الخاصّة و المعاهد و المعهد العالي للعلوم و كليّات هندسة الحاسبات في دمشق و حلب) بإعتبارها غير مذكورة على التصميم أقترح التصميم الذي حاز على ثاني أكبر عدد من الأصوات (تصميم أبو البيس) على شرط تعديل النقاط التالية: 1)عنوان الملصق إذا يذكر "منتدى كليّة الهندسة المعلوماتيّة'" و هذا لا يصح بإعتبار المكان الذي يعلّق فيه. 2) تصحيح النص إلى جانب منتديات بإعتباره يصف الويكي 3) إلّا يمسّ التعديلان المذكوران بالتصميم من ناحية الشكل و أن يتمّا خلال قترة لا تزيد على أربعة أيّام لنتمكن من البدأ بالطباعة.

طبعاً لن نتمكّن من تعليق شيئ إذا لم يكن هناك متطوعون, و يفضّل من طلّاب الكليّات المذكورة. لهذا يرجى التطوّع!

أول شي بحب بارك لأخي en.karam.1989 على الفوز بالمسابقة:)
مبارك أخي والله يعطيك العافية على الجهود المبذولة.

ثاني شي , بصراحة ما توقعت انو يكون هو الفائز بالمسابقة(برأيي الشخصي) كنت متوقع انو تصميم Abo Albees رقم 1 هو يللي رح يفوز.
حتى أنو تصميمو شافو أشخاص من ذوي الاختصاص بالتصميم وكان رأيهم من رأيي.
على كل حال هاد بضل رأي يللي صوتو من اعضاء الموقع.
ومرة ثانية , مبارك لأخي en.karam.1989 على فوزه بالمسابقة.

وحظا ً أوفر للذين لم يفوزوا في المرات القادمة

الله حيو كرم ...

مبارك معلم =D>

>

سيدي الحمد لله إنشاء الله خيرها بغيرها ...

مبروك كرم ... كانت منافسة كتير حلوة .. ألف مبروك

الله يبارك فيكم جميعا
كانت تجربة حلوة وكان في تنافس وهاد الشي اللي عطى فكرة المسابقة نجاح جيد
وبتمنى يصير فعاليات تانية (مسابقات) بغير نواحي حتى نضيف شي جديد للمنتدى

مبروك أخي كرم, بدنا الحلوان, ما بعرف بارك بدون حلوان أنا

كتب mpcabd:

مبروك أخي كرم, بدنا الحلوان, ما بعرف بارك بدون حلوان أنا

ليكك باركت

Congratulations Karam

الله حيو كروووش ..... بس بدي الحلوان هه .....

ألف مبروك كروووش والله بتستاهل يلا عقبال ما نربح لعبة بكره كمان.....

ألف مبروك كرم

ألف مبروك كرم و حظا أوفر لباقي المشاركين
بس ما بنمرقها بدون حلوان

انشالله ألف مبروك كرووم , رفعتلي راسي و اسمي
و انشالله عقبال ما تفوز بشي مسابقة لشي جامعة عالمية

ألف مبروك كرم والله بتستاهل وأبو البيس كمان بيستاهل كان منافس شرس
وحظ أوفر لبقية الأخوة الذين أغنوا المسابقة بأعمالهم الجميلة
بس لازم الطباعة تكون عالية الدقة حتى التصميم يحافظ على جماليته
وبظن الأفضل تكون البوسترات من الحجم الكبير

مبروك كرم

ألف مبرووك كرم...والله بتستاهل..و عقبال المسابقات الجاية

فعلا مبروك إستاذ كرم ,(مشان تتأكد إنو الألوان الغامقة كانت كتير حلوة),

وكمان Abo albees   الله يعطيك العافية  لأنو تصميمك بصراحة كان مرتب كتير.

أشتم رائحة حلوان ... يا شاكر وينك ؟

كتب BlackSigma:

ألف مبروك كرم و حظا أوفر لباقي المشاركين
بس ما بنمرقها بدون حلوان

كتب Karam - H:

انشالله ألف مبروك كرووم , رفعتلي راسي و اسمي
و انشالله عقبال ما تفوز بشي مسابقة لشي جامعة عالمية

أكيد أنا ما كنت فزت لو أنت مشارك بالمسابقة (أنت الأشرس )

الله يبارك فيكي

كتب Joolnar:

ألف مبرووك كرم...والله بتستاهل..و عقبال المسابقات الجاية

عقبال عندك

أنا متأكد

خليك عم تشم

[

بس طبعاً في شوية تعديلات عالتصميم قبل مانقدر ننشره
1- "Informatics in Syrian Flavor" مو شعار الموقع فينا نستخدم "الهندسة المعلوماتية في سوريا" بما انو مو مذكور بالشعار
2- أسماء الجامعات مافينا نستخدمها لأنو موقعنا غير رسمي.
3- ياريت اذا ممكن تستخدم غير فونت مثلاً BankGothic أو Calibri
4- كمان اذا ممكن نحط الـ popup blocker براس البوستر (اذا كان بيمشي مع هاد التصميم)

أنا أؤيد هذا المقترح لأن الفكرة فعلا مبتكرة

بالنسبة للنقطة الرابعة فكرة حلوة و معقولة, بإعتبار ممكن تتطبق على كل التصاميم.

بالنسبة للنقاط الاخرى بشكل عام 1) ما بنقدر نغيّر كل هالتغييرات, لإن بعدين بيتغيّر الملصق كتير و ما بيضل نفس الشي اللي أخد الأصوات, و ممكن ما يحبّوه بعد التغيير. 2) كمان مو من حقنا (إدارة و مشرفين) نرجع retroactively و نغيّر اللي وافقنا عليه (و لو ضمنيّاً) من قبل. (ممكن أحياناً بعض الشغلات تمرق, و يكون لازم تعديلها ,متل بوستر أبو البيس, بالنسبة لهداك ذكرنا من قبل نقاط الإشكال بس للأسف ما تم تعديلها قبل النسخة النهائيّة و أنا ما انتبهت عليها إنو ما تعدلت. بس ما لازم تعديلها الآن يغيّر بشكل الملصق.)

وين المشكلة اذا تغير البوستر (للأفضل) ؟!
قصدك لأنو تم الموافقة عليه بالتصويت؟ بس متل مابتعرفوا التصويت العام غير ملزم, يعني بحسب قانون الموقع تصويتات اتخاذ القرار لازم تكون للأعضاء الفعالين حصراً.
أنا كنت عم فكر انو ناخد التصاميم التلاتة الي حصلوا على أعلى نسبة تصويت نطلب من الأعضاء الي صمموها يظبطوها ويعدلوها بما يتوافق مع شروط محددة بعدين منعمل عليهون تصويت بمنتدى الأعضاء الفعالين. بس انت سبقتني واعلنت النتائج

على كل حال رح نستخدم بوستر en.karam1989 بس بعد شوية تعديلات. طبعاً اذا en.karam1989 ماعنده مانع.

معك حق.

أنا كل علمي إنو هادا التصويت هو التصويت النهائي. عموماً مو مشكلة, حتّى لو عملنا تصويت آخر للأعضاء الفعّالين, بس بعتقد نتيجة الجولة الأولى كافية بالنسبة للهدف تبعنا و ما رح تتغيّر بالتصويت تبع الأعضاء الفعّالين. كمان إدخال شروط جديدة بعد ما انعملت التصاميم و خلصت رح يخربط المصممين و بدّو وقت و جهد و نحنا من الأصل مو كتير ملحقين لنخلص الطباعة و النشر على هادا الفصل...

Congratulation Mr. Karam

U deserve that

المهم لازم يتعلقوا البوسترات قبل بداية الإمتحانات

كتب foaad:

بس طبعاً في شوية تعديلات عالتصميم قبل مانقدر ننشره
1- "Informatics in Syrian Flavor" مو شعار الموقع فينا نستخدم "الهندسة المعلوماتية في سوريا" بما انو مو مذكور بالشعار
2- أسماء الجامعات مافينا نستخدمها لأنو موقعنا غير رسمي.
3- ياريت اذا ممكن تستخدم غير فونت مثلاً BankGothic أو Calibri
4- كمان اذا ممكن نحط الـ popup blocker براس البوستر (اذا كان بيمشي مع هاد التصميم)

بالسنبة للنقطة الأولى فتكرم عينك
النقطة التانية بظن أنو بوجود أسماء الجامعات أفضل وإذا أمتون رح يضل مكانون فاضي (يعني رح يصير في فراغ) {عطيني بديل عن أسماء الجامعات}
النقطة التالتة كمان تكرم عينك
والرابعة بجربها إذا لبقت للبوستر بحطها
ولو
كم فؤاد عنا

مبروك كرم
Professional Designer

منشان الخطوط الزرق كان المفروض يكونو هيك
بس كلمة Syria خلتني سوي اللي سويته
ومن شان الضو الأزرق فمنجرب
ما منخسر شي

نسيت أسألك
خلي اللمعانات اللي حطيتها على حواف الشعار ولا شيلها
(اللمعانات اللي ضفتها بالتصميم الجديد -- بالقديم ما كانت موجودة )

في البداية أريد أن أهنئ الفائز و أشكر كل الذين شاركوا في المسابقة..
و لكن لقول الحق و للاستفادة مما حصل في تجارب لاحقة يجب علي أن أقول أنه لم يكن من المناسب فتح مجال التصويت للجميع في أمر نحتاج فيه إلى اختصاصيين للتقييم، و هذا ما يمكن أن يجعل الأمر مجرد جمع أصوات بصرف النظر عن القيمة الفنية..
هذا يذكرني بالاستفتاء الذي أجري في سوريا لاختيار تصميم لوحات السيارات الجديدة مع أن المنطق يقول بأخذ آراء الخبراء و ليس فتح باب التصويت لكل الناس..
بكل الأحوال هذا رأيي الشخصي و أحببت أن أشارككم به
مع التحية

قرار سليم

أخي Mohammad كلامك سليم مية المية
بس مين قال أنو مافي اختصاصيين عم يصوتوا على البوسترات
أكيد في........وكمان في غير اختصاصيين بمثلوا وجهة نظر اي أنسان ممكن أن تقع عيناه على البوستر........
وبالتالي أنت بحاجة الى معرفة وجهة نظر الطرفين
مع ملاحظة أنو كان في عرض للأعمال من قبل المتسابقين قبل بدء التصويت وكان في ملاحظات عليها وتعديلات

يمكن اذا بتخليها بس بتخففها شوي أحلى