CSC-SY

السلام عليكم

يبدأ غدا -بإذن الله- معرض مشاريع طلاب الكلية بحضور السيد العميد
عند الساعة الواحدة في قاعة المطالعة - المكتبة
بمشاركة 10 مشاريع
في مجالات معالجة الصورة - الأنظمة البيانية - معالجة النصوص - الحسابات العلمية - تطبيقات مكتبية ..

يرجى من المشاركين التالية أسماؤهم التواجد في المكتبة الساعة 12:30 للترتيبات النهائية:

- رالة حداد, علاء الخطيب, رولا حداد
- سوزان رمضان, ريم قباني
- أمجد المحايري,
- مدحت الصوص, عمار النحاس
- حسان سيف, محمد حجازي, عماد مهايني
- محمد المسالمة, مهند بجبوج
- أحمد هلال
- إيهاب الحراكي, إياد جوابرة
- هلا جمال , غزل جابر
- عماد الرفاعي , زاهر حنبرجي

أود أن اشكر كل الزملاء والزميلات من وافقوا عالمشاركة بالمعرض وإفادة الطلاب ...
وأرجو أن يشاركنا الباقين باليوم الثاني (يوم الخميس) -خصوصا يلي وعدوني !-

كما أرجو من جميع زملائي الحضور للاستفادة والاطلاع على ما سيعرض..
لعل ذلك يساعدك مستقبلا في اختيار مشاريعك وتخصصك..
-----------------------------------------------
تم دمج الموضوعين بواسطة hanihh

ان شاء الله رح نعمل جهدنا نكون مشاركين يوم الخميس ان شاء الله

مبروك لإسبانيا
لعبوا واستاهلوا الكأس

كتب The Tornado:

ان شاء الله رح نعمل جهدنا نكون مشاركين يوم الخميس ان شاء الله

بتمنى هالشي, لأنو بعرف مشاريعك الحلوة

كتب EhabLM:

كتب The Tornado:

ان شاء الله رح نعمل جهدنا نكون مشاركين يوم الخميس ان شاء الله

بتمنى هالشي, لأنو بعرف مشاريعك الحلوة

الله يجبر بخاطرك

بس اول شي كنت متردد لأنو ما رح تطلع مشاريعنا بمستوى المشاريع الموجودة ومشان الوقت

بس اذا في مشاريع حسابات علمية منفوت ان شاء الله، ليش لأ ...  

مبروك لإسبانيا
لعبوا واستاهلوا الكأس

نحنا مشاركين بمشروع السنة الثالثة "محلل ومولد صرفي لكلمات اللغة العربية"، واللي بيحب ياخد فكرة أوسع عن موضوع معالجة اللغات الطبيعية - معالجة النصوص كمان ممكن نعطيه فكرة عن مشروع السنة الرابعة (قيد التحقيق implementation حالياً) وهو "محلل ومولد نحوي ومعرب آلي للنصوص العربية" أو عن مشروع التخرج "الترجمة الآلية باستخدام لغة وسيطة" وعن موضوع الترجمة الآلية بشكل عام..
الجميع مدعويين وبتمنى عن طريق هالمعرض اتعرف على زملائي بالمنتدى اللي ماتعرفت عليهن ..

I am intrested to have a LOOK

so I will Be There

أرجو من الزملاء المشاركين المساعدة ممن كان لديه الفكرة عن مشروع

تميز الأشخاص من خلال القزحية

اليوم كان المعرض ..بجد أنا كتير حسيت بالفخر وقت شفت هالمشاريع
يمكن أنا ما أقدر قيم علمياً .. بشكل دقيق .. بس .. عنجد عنا بالكلية طاقات فظيعة .. ولو أنو المشاريع كانت قليلة وكنت بتمنى شوف مشاركين أكتر .. بس كان الجو حلو واللي عم يعرضوا مشاريعهون كانوا متحملين لكل الأسئلة"مع الشرح المفصل" الله يعطيهون العافية.. عنجد فكرة المعرض كتير قوية .. وياريت تكرر كل سنة ويتشجع طلاب أكتر وأكتر انهون يشاركوا .. وامبسطت أكتر بأني اتعرفت على ناس من سنوات متقدمة .. يعني يمكن الفرصة كانت كتير مفيدة من أكتر من جهة .. ان شاءالله بيوم من الأيام بشارك أنا بعرض مشروعي

يا ريت (إذا ما فيها غلبة) تعطونا فكرة ولو موجزة عن المشاريع المعروضة .

كتب shashi:

اليوم كان المعرض ..بجد أنا كتير حسيت بالفخر وقت شفت هالمشاريع
يمكن أنا ما أقدر قيم علمياً .. بشكل دقيق .. بس .. عنجد عنا بالكلية طاقات فظيعة .. ولو أنو المشاريع كانت قليلة وكنت بتمنى شوف مشاركين أكتر .. بس كان الجو حلو واللي عم يعرضوا مشاريعهون كانوا متحملين لكل الأسئلة"مع الشرح المفصل" الله يعطيهون العافية.. عنجد فكرة المعرض كتير قوية .. وياريت تكرر كل سنة ويتشجع طلاب أكتر وأكتر انهون يشاركوا .. وامبسطت أكتر بأني اتعرفت على ناس من سنوات متقدمة .. يعني يمكن الفرصة كانت كتير مفيدة من أكتر من جهة .. ان شاءالله بيوم من الأيام بشارك أنا بعرض مشروعي

واسمحولي اشكر كل المشاركين وكل يلي حضروا وبتمنى يكونوا استفادوا وأخذوا ولو فكرة عن المشاريع والمجالات يلي ممكن يشتغلوا فيها بالمستقبل, وبتمنى فعلا تتكرر هالتجربة بالسنوات الجاية..

ونشوف كليتنا للأحسن بطلابها وبمشاريعها

بإذن الله, رح جهز قائمة بالمشاريع يلي انعرضت والمشاركين وتوصيف عن كل مشروع -بأقرب وقت-

شكلو شي مثير للإهتمام و مفيد.

لإيمتى المعرض؟ و موجود يوم الثلاثاء (بكره)؟

بكرة عطلة ما فينا لأنو المعرض بمبنى الكلية - قاعة المطالعة

رح نحاول إنشاء الله نكمل فيه الخميس..

معليش يا جماعة (لو أنو خارج نطاق الموضوع), بس حابب نبه عن شغلة كثير لاحظتها بالمنتدى هون (وبغير مكان) كمان , وفي كتير ناس بتقع فيها للأسف وهي كالتالي:

الفرق بين "إن شاء الله" و "إنشاء الله" :

( إن شاء الله ) هذا من المشيئة.

و ( إنشاء ) هذا من الإنشاء .

وهذا الأخير ( إنشاء ) لا يُقال في هذا الموضع في حق الله تبارك وتعالى .

وإنما الذي يُقال ( إن شاء الله ) لتعليق الأمر على المشيئة فيما يُريد الإنسان فِعله .

والله تعالى أعلم .

لا تواخدوني يا جماعة , بس الأمر اقتضى التنويه .

نحنا كطلاب من الجامعة اللإفتراضية فينا نحضر المعرض ؟؟

يعني الدعوة عامة ..

أهلا وسهلا فيكم

عفوا بس سؤال .. يعني عند الدخول ما بيطلبو بطاقة الجامعة ..؟؟

ويوم الأربع في معرض ولا بس الخميس ..

وشكرا

الدعوة عامة...
على حد علمي ما في يوم الأربعاء بل سيكون يوم الخميس ان شاء الله
و أهلاً وسهلاً بالجميع

خلص بنروح الخميس إن شاء الله.

بنقدر نعمل مجموعة و بنروح, و منها كمان بنتعرف على بعض. شو رأيكم؟

-----

إيمتى وقت ملائم للزيارة؟ 

الله يجزيك الخير
شكرا عالتنبيه وما عاد نقول غير إن شاء الله

كتب EhabLM:

الله يجزيك الخير
شكرا عالتنبيه وما عاد نقول غير إن شاء الله

لكان إذا رحتو عالمعرض (طلاب الافتراضية) خدولكم كم صورة إلكم , ممكن تنضاف لقسم "صور من الأعضاء- زيارة طلاب الافتراضية لمعرض المشاريع في كلية الهندسة المعلوماتية" , شو رأيكم؟

يا ريت تجو عال 10 منها منروح عالمعرض ومنكسبكم عالفطور
بس أنا ما بعرف غير ahnaqsh وحابب اتعرف على الباقيين ..

شكرا إلكم شباب ع الترحيب الرائع

أنا برأيي الصبح .. بس ما بتفرء معي ..ايمت ما بتحبو أنا جاهز

بس متل ما قال NightWolf الساعة 10 أحسن مشان نكسب الفطور

بانتظار تحديد الموعد أخي ahnaqsh .. أنا جاهز بأي وأت بتحب ..

وشكرا كتيييييييييير لتجاوبكم السريع

السلاااااااااااام عليكم

بس كأنو المعرض بيفتح ع الساعة 3 ... ع كل حال أنا جاهز بأي وقت

عندي بكرة دوام لحوالي التلاتة و الوقت الحمد لله ملائم بإعتبار المعرض بيفتح على التلاتة. معناها ممكن نلتقى عند شي نقطة (مثلاً أمام مكتبة المستقبل) و ننطلق.

معناها بتكسبونا عالغدا شلون ؟

شكرا للكل ...

من زمان كنت حابب نلتقي بس ما صارت الفرصة, بلكي اليوم إن شاء الله.

---

يا ريت إذا حدا كمان من طلّاب الجامعة الإفتراضيّة حابب يجي على هادا المعرض ما يتردد. و أنا رح اتصل باللي بعرفهن شخصيّا (شخص واحد).