CSC-SY

في سؤال
أنو متل ما بتعرفو في 6 ليرات عالساعة للمقسم في حال استخدام بطاقات الانترنت مسبقة الدفع (يعني كل شي إلا الـ 190 )
والسؤال هو
كيف بيتم حساب هالـ6 ليرات
قصدي
أول ما تفوت بينحسب عليك ساعة
يعني سواء فتت دقيقة ولا نص ساعة ولا ساعة إلا ثانية نفس الشي
أم بنتحاسب عالدقيقة بـ 60 قرش ؟؟؟

يعني بالعربي الحساب عالساعة ولا عالدقيقة ؟؟

ولكم جزيل الشكر

اي والله يا ريت يلي عندو الجواب اليقين يجاوبو

حسب ما بعرف انو كل 6 دقايق مع بعض بينحسبوا 60 قرش ... بس دخلت ببداية الـ 6 دقايق بزيد العداد !

هالحكي من شي سنتين ما بعرف اذا هلأ في شي جديد

بدك تسأل شي حدا بيشتغل بالاتصالات

وينو Nightwolf .... يمكن بيعرف

ليكو NightWOlf يا شريك

حسب ما بعرف العدادات بتمشي من أول ما تدق رقم ال 198 والمحاسبة هون على الدقيقة وليس على المكالمة ( متل المكالمات العادية الهاتفية حيث المكالمة = 3 دقايق)
على الدقيقة 10 قروش

الفكرة وين يا حزركم ؟ يلي بدو يوفر هال6 ليرات ؟

اذا بتعرفو الجمعية 195 ما كان يطلع على الفاتورة ولا شي لما تتصل عليها انترنت
ولهلق كل مشتركي الجمعية ما بيدفعو هالست ليرات

بينما مشتركي المؤسسة العامة للاتصالات بيتخورفو ليوم الخورفة بتعرفو منشان تدفعولنا الراتب

أهلين بكل الشباب ويا أهلين ب كرم ..

أنا فتت ع موقع شركة الإتصالات من فترة ..

بيحسبو كل ست دقائق حزمة ... يعني كل ست دقائق ب 60 قرش ..

وهيك بتكون الساعة 60 قرش ضرب 10 = 6 ليرات ..

يعني إذا شتغلت دقيقة ولا 5 ولا ست دقائق بتنحسب حزمة وحدة وبينحسب 60 قرش ...

وإذا اشتغلت 7 دقائق بتنحسب 120 قرش ..

يعني حزم من ال 6 دقائق .. وكل 6 دقائق ب 60 قرش ..

نشالله كون وضحت .. ويكون شرحي منيح ..

سلااااااااااااااااااااام

شو مشان !!! الـ 195 ما بيدفعوا ؟

عنجد ؟؟؟

مستحيل لأنو انا بشتغل عالـ 195

ودائما بيجينا فواتير انترنت عالتلفون !!! 

بعد الثورة يلي صارت حأتاكد بكرا واعمل كم اتصال بالشغل من موضوع ال 195 ( مع أني بعرف ناس مجربينها وما بيطلع بالفاتورة انترنت منوب )

كلام NightWolf والأخ عبد الرحمن صحيح مية بالمية

 بس أحسن شي مشان تتخلصوا من اشتراكات الانترنت والهاتف انكون تتوظفوا بالمؤسسة وتعملوا RAS مثل المعلم نايت

انا دائما بتصل على 195 وبيطلع فواتير عالتلفون !!!!

الحمد لله هلأ صار في كفي نت , لا 190 ولا 195 ولا 196 ولا .... .

شكرا عالجواب
يعني هلأ توصلنا
لأنو كل 6 دقايق بيمرك العداد
ممم
يللا منيح هيك

حسب ما بعرف اللي بيشتغل على الانترنت غير 190 بتجي تحت بند مكالمات داخلية بالفاتورة بدون ما يحس فيها وبتنسحب متل ما قال الأخ abd alrahman
أما المكالمة الداخلية العادية تنحسب 60 قرش ل 3 دقائق
وشكراااااااااااااااً

الجواب النهائي بعد البحث والتمحيص

الكل عليهن 60 قرش عالمكالمة الـ 6 دقايق
منشان حسابات الجمعية القديمة فلا يوجد حساب منوب والحسابات الجديدة عم تنزل تحت بند محلي وهادا بالنسبة لرقم 195-196
على فكرة مكالمة المحلي 3 دقايق ب 36 قرش ..

المعلومة من موقع الاتصالات الرسمي:
من بعد إذن الإدارة حطيت الرابط:
http://www.190.sy/index.php?m=196

لك يسلمون يا كبيييييييييييييييييييييييييييييير
من الأول يا رجل
رابط مفيد جدا