CSC-SY

قبل ان نتخرج من الجامعة اعتقدت ان الحياة العملية ستكون الطف و اكثر متعة, لكن للاسف كان العكس هو الصحيح, انا اشعر بأني دائما في حالة سباق مع الزمن و حتى في وقت الراحة, و مع اني لا املك التزامات اخرى غير العمل.

انتو ياللي تخرجتو شو عم يصير معكم !

و انتو ياللي لسا ما تخرجتو انبسطو شوي

آي نعم , معك حق , انا صارلي فترة بسيطة متخرج , وحاليا بشعر بفراغ كبير , حتى ولو انو عم اشتغل ,بحس إنو أيام الدراسة بتضل أمتع وبتسلي أكتر.

عكل حال كلو خير إن شاء الله .

أنا من ناحيتي رح انبسط كتير على ما يبدو.

كتب Firas:

و انتو ياللي لسا ما تخرجتو انبسطو شوي

كل مرحلة وإلا حلاوتا الخاصة فيها ..وإلا سيئاتا ..

وأكيد إذا صفنت شوي .. رح تتذكر مآسي بأيام الدراسة

اطلع عالموضوع من غير زاوية ..

أولا

 أريد أن اذكرك بأنه عندما كنت في مرحلة الثالث ثانوي كنت تعتقد بأن المرحلة الجامعية أفضل و أمتع واذا العكس تماما

 ثانيا

احمد ربك يا رجل أنك عم تشتغل في عصر البطالة

 ثالثا

 هو شايفلك بأنو هذا الاختصاص بشكل عام ( Computer Science ) وكل ما يمت له بصلة متعب جدا من ناحية اللحاق و تعلم ماهو جديد دوما حيث أن الجديد يصبح قديم بعد يوم من صدوره

Agree 

الشغلة نسبية يعني أنا الحمد لله  برأي الجامعة  كتير أمتع وأفضل ..وبتحس بيقيمة العلم لما بيطبق شي عملي

بسيطة عمي فراس, شبك الحياة هيك وهيك.
بزمانك حطيت هــالمدونة, وكنت لساتك طالب.

كتب mpcabd هون:

الشغل مع جمالو وفائدتو أخدلي وقتي, وصرت أستعمل البيت على انو مكان للنوم فقط, الصبح بالكلية ولآخر الليل بالشركة, وبرجع تعبان بتعشى وبنام.
فكرت من فترة أنو هالشي رح يأثر على دراستي أكيد, فأخذت إجازة دائما ً كل إثنين وأربعاء, الأربعاء بكتب محاضرة البنيان, والإثنين بدرسلي بشي ليرة!
وقت صار عنا وظيفة خوارزميات لقيت حالي مضطر أشتغل لآخر الليل صرت نام الساعة 3 الصبح كل يوم, وفيق الساعة 8, يعني 5 ساعات فقط, ما عدى وقت صلاة الصبح.
لقيت حالي بعدت عن أهلي, وصرت كأني زائر بجي كل يوم وبنام بالبيت عندهم, ما عاد عرفت أخبار حدى من العيلة! وهلأ ارتبطت بمشروعين خارج الشركة, وبوظيفة تانية يوم السبت, وبالتالي صار بدي اليوم يكون 48 ساعة لأقدر نام بس, والمشروع يلي مستلمو بالشركة تسليمو بآخر هاد الشهر, يعني ممنوع آخد أي إجازة.
بزمانو أخي Firas حط هالمدونة (عمل مرهق) ووقتها كنت لساتني سنة أولى وقلت لحالي "مو معقول الواحد يوصل لهالمرحلة", اكتشفت هلأ أنو أكتر طلابنا اللي بيشتغلو هيك صاير فيهم (أخونا The-X-Jack بينام بالشغل يعليي عليه ).
الضغط مفيد ببعض الأيان لأنو بيخلي الواحد يضطر يأنجز بسرعة وبإتقان منشان يخلص من الشغلات يلي عليه وما يرجعلها أبدا ً, بس احيانا ً بيصير الضغط مشكلة كبيرة وبتدايق صاحبها, وبتخليه يمشي وهو عمبيفكر بهمومو وبالتالي ممكن كتير حدى يسلم عليه وما ينتبهلو, أو يطلب منو شي طلب وينسالو ياه, وهون منرجع لأحد أسباب المشكلة السابقة!

Cracking the nutshell of C# 3.0

الله بيعين
أكيد إلها متاعب بس كمان إلها متعة

أستاذ فراس ممكن نعرف منك طبيعة العمل (وهل تعمل باختصاصك كمهندس ذكاء صنعي)
مجرد فضول ورغبة بمعرفة جو العمل بعد التخرج والفرص الموجودة
علماً اني أعمل الآن ولكن أظن أن القصة بتختلف بعد التخرج.

شلون لقيت وقت تكتب هالموضوع عمي فراس

والله يا صاحبي الحال من بعضو ....بس بيضل ارحم من ايام الجامعة
موفقين جميعا

بس في نقطة مهمة قبل التخرج بتكون عرفان حالك بالزبط شو بدك (بدك تتخرج) بس بعد التخرج!...

بس ماعرفت بالزبط انت من شو متدايق يعني عنوان الموضوع "شي بيملل" وبالموضوع كاتب "اشعر بأني دائما في حالة سباق مع الزمن"؟!
يعني تعبت ولا مليت, ولا التنين سوا؟

أحلى من ضغط الشغل مافي...

بس عن جد شو بدك بالحكي الكلية عنا غير شكل رغم لاصعوبات بس الواحد م بينصقل إلا من الشي الصعب بس احيانا بيباغلو بالصعوبة (:

على ما أظن فراس بيشتغل هون :

نحنا لساتنا سنة أولى و حاسين حالنا عم نركد ما عم نلحق ....
كيف بعد التخرج .... ؟؟؟؟

بس يمكن الخطأ الكبير بحياتنا أنو مالها منظمة ....
يعني بشوية تنظيم بتمشي الأمور تمام إن شاء الله ....

اكيد حياة الجامعة أجمل ... بس المشكلة انه ما منتذكر منها الا ضغط الدراسة والوظايف ....

والصحبة والطلعات بتلعب دور كمان بالجامعة .. يعني اذا كلو دراسة وقرف .. فاكيد ما رح تلاقي الجامعة حلوة .. بس الجامعة بتخليك تعمل شغلات بالثانوي ما كنت تقدر تعملها

بس بالنسبة للعمل ... ففي ناس "حسب اقوال شهود" شكروا الله ميت مرة على تخرجهم مشان يبدأوا يعمروا مستقبلهم وحياتهم ويكونوا أسر ويجمعوا مصاري ويعيشوا بوش الدنيا .. خارج سور الجامعة ودراستها ..

والله يا فراس حكيك صح, يعني المشكلة إنو معظم يلي بيشتغلو بمجالنا دوامهم طويل, وطوال الدوام تفكير وشغل بدون راحة هذا الشي بخلي الواحد يشعر بالملل والتعب وضيق الوقت.

•  الملل لأنك دائماً وجهك بوجه هالكمبيوتر ونادراً ما تلاقي حدا تحكي معه بفترة الشغل.
•  التعب بسبب طبيعة الدوام الطويل ونوع العمل المرهق.
•  ضيق الوقت لأنو بعد ما تطلع من الدوام ما بتلاقي إلا النهار خلص متل السحر.

بالنسبة إلي ما ابتعدت أبداً عن جو الجامعة لأني كتير بروح عالكلية بأوقات البريك تبعي وأوقات التدريس وخاصة إنو شغلي قريب من الكلية, هذا غير إني مستلم إشراف على مشاريع بالكلية. وبالشغل الحمد لله مبسوط وما بشتغل إلا اللي بدي ياه وحالياً عم اشتغل بالمجال يلي بحبه بس مع هيك بضل بشعر بالملل والضغط.

 إذا بدك نصيحتي عمي فراس لازم كل فترة تطلع رحلات وسيارين ومشاوير انت ورفقاتك وإذا بتكون رحلات بعيدة لخارج القطر بيكون أحسن, وبالإضافة لهالشي قدامك 3 حلول:

•  الحل الأول إنك تدرس إذا إلك مراق بالتدريس أو تسجل دورات لتنمي مواهب ومهارات انت بتحبها متل الرسم أو الموسيقا أو ...
• الحل التاني إنك تسافر وتبدأ حياة جديدة بمجتمع جديد فبيصير بدك فترة لحتى ترجع تمل مرة تانية.
•  الحل التالت إنك تتزوج يبدو إنو عندك فراغ لازم تمليه

أنا عم حاول استعمل كل الحلول , حالياً عم استعمل الأول وبعد شي سنة إن شاء الله عالتاني, أما التالت الله أعلم .

هاد الموضوع بعد سيران أم الطيور وهيك
ولاتنسى مايجري كل كم يوم

بظن أنو الوضع ماشي حالو

بس بالفعل معك حق
يعني أنا أملك بعض الالتزامات الأخرى غير العمل
الماجستير مثلاً

وبالفعل عم نركض ومنضل مقصرين
هاد وضع طبيعي، وأنا بعتقد إذا وقف الـ Input عندي بدي شي شهر لخلص كل الشغل يللي عليي

وفي كلمة حلوة سمعتها
الناس، انشغلوا بمستقبلهم ونسوا حاضرهم
فأضاعوا حاضرهم ومستقبلهم

كتب foaad:

بس ماعرفت بالزبط انت من شو متدايق يعني عنوان الموضوع "شي بيملل" وبالموضوع كاتب "اشعر بأني دائما في حالة سباق مع الزمن"؟!

يعني يومي ببساطة هو كم تعليمة : فيق اشتغل كول اشتغل كول نام.

يالله صار دور "نام" خاطركم.

غدا رح تشوفوني عالساعة 3 بالمحاضرة التعريفية للاقسام الثلاثة للسنة الثالثة, ممثلا لقسم الذكاء الصنعي , و سأتكلم عن عملي ان شاء الله

معلم يا مان , ما حدا عرفان وجعي غيرك  

ملك ابو جواد 

والله ما حسبتو لانك ماكنت معنا ابو الريم

وجعكما كلاكما واضح للجميع شريك

So
I will b waiting 4 u

It's the real battle between us
Let's see Who will win

اي مبينة
جماعة الشبكات هنن يلي رح يفوزوا
فلا تعذبوا حالكن

والله مبارح حكو الشباب الطيبة حكي حلو (Firas و M-Ramy و همام), بس أكتر واحد كان حكيو حلو هو القبطان M-Ramy, وحكي فراس وهمام كان حلو كمان.
الله يعطيكم العافية.

Cracking the nutshell of C# 3.0