CSC-SY

فتحت هالموضوع منشان نتناقش بمواد الفحص بما أنه عنا وقت كبير بين المادة والمادة وبالتوفيق ..

بس كأنو بكير شوي أبو حميد لسا في أكثر من أسبوعين لبداية الفحص

عنا فحص عملي ابو شريك وبكرا منبلش بالذكاء الصنعي حكيت أنا وDAM اتفقنا نحط كل واحد شو آخدين اجرائيات بدون حل
اذا حدا ناقصو شي اجرائية منحط الحل

إي و الله بدها هيك موضوع
مع اقتراب الامتحانات
بس بدنا مشاركة من كل طلاب السنة التالتة المسجلين
Vielen Dank Mein Freund NighVolf !

لو احنا بلشنا بالنقاش الكل بيصير يفوت ويقرأ المشاركات وبيصير بيشارك وهيك بيكتروا الزباين

بالتوفيق جميعا .... نشد على أياديكم ...

كأنكم ما حطيتو شيء ... مو مشكلة
بما انو ناويين تتناقشو بالأسئلة وحلولها على أساس هيك انطرح الموضوع
فشو رأيكن انو نناقش حلول أسئلة الذكاء العملي يلي أجت اليوم؟
يلي عنجد ناوي يناقش وحابب انو يناقش يبلش بشيء سؤال ..

والله نحنا ما حطينا شي لأنو ما كانت مستاهلة المادة ولقيناها سهلة للغاية بس ماشاء الله اليوم اجت الأسئلة متل السم الهاري .. فشو بدك تناقش تفضل ..

السؤال الأول مثلا : تبع الثنائيات كان سهل جدا بنظري
السؤال الثاني : أنا حليته ( أو اعتقدت إني حليت ) استخدمت تابع MoreThan وتابع Less Than وكل واحد بيرد عدد العناصر الأكبر والأصغر وأنا ضليت امسح السلسلة عنصر عنصر وقارن بينهم حتى اذا كان الفرق بينهم بصير برد ال Index يلي وصلتلو بس كان عندي غلطة وهي أني بكل مرة كنت عم احذف رأس القائمة وهادا غلط لأنو كان لازم احتفظ بالسلسلة الأصلية ..
السؤال التالت : يلي ما بينحل بال C# ماشاء الله
حلي بين هلالين .. هو كالتالي :
نمط Person فيو String يعبر عن الاسم وChar يعبر عن الGender وinteger يعبر عن العمر
نمط عائلة مكون من (p , p , p*) بس يلي ما عرفتو شلون بدي حدد أب وام أصلا أنا آخر الشي لغيت هالفكرة وخليت العائلة هي مصفوفة Persons واعتبرت الفكرة كتير حقيرة ..
النمط التالت هو Families ويلي هو مصفوفة عائلات

هلق فكرة التمرين نفس فكرة ال Sort يلي بتدور ضمن قائمة جزئية بس يلي كان كتير طويل وحقير هو شلون بدك تفوتي من list ل list ل list لحتى توصلي على الAge وتقارني ويكون في تابع Add Person والطريقة تبع بناء السلسلة هي أنو تفضي السلسلة وتستخدمي تا بع الAddperson للاضافة في المكان المناسب ..

كل هاد ومالي مقتنع أنو هاد سؤال لحتى الواحد يحلو حسيتو سؤال تكسير نفسية وأكيد في تخبيص كتير بالتحويل بين الأنماط ..

على كل صحة وهنا وكل ذكاء وأنتو بخير .

يسلمو على الإجابة
كان بودي لو انك تجاوبني على السؤال التالت
نفس المشكلة يلي واجهتك واجهتني
وماكنت أعرف حل السؤال
وماني لاقيه حدا يعطيني حل صحيح
هو في حدا حلو ولا كأنو ما حدا حلو ؟
يسلمو كتير
بس ملاحظة : أنا اسمي ابتــــــــسام يعني مرة تانية بتقلي
" شو بدك تناقشـــــي تفضـلــــي " من بعد إذنك
وشكرا مرة تانية

شو وضع مادة مبادئ الذكاء الصنعي هالسنة؟
شو المنهاج؟
من وين لازم ندرس؟
وعلى شو نركز؟

والله المادة فايتة بميت حيط

بشكل أساسي الدراسة من السلايدات والمحاضرات ولا في كتاب ولامرجع (على علمي) إذا حدا عندو شي بفيد ينورنا

ومشكور

هلق في محاضرات نزلت بالشرق هيئتها ظريفة لسه ما شفت شو فيها
وفي اذا بدك السلايدات
واذا فؤاد عندك وقت ( مع أني ما بتصور ) برفعلك المحاضرات الصوتية تسمع على رواق

على فكرة كمان بالشرق في أسئلة دورات كتير ومحلولة مفيدين

كتب NightWolf:

هلق في محاضرات نزلت بالشرق هيئتها ظريفة لسه ما شفت شو فيها
وفي اذا بدك السلايدات
واذا فؤاد عندك وقت ( مع أني ما بتصور ) برفعلك المحاضرات الصوتية تسمع على رواق

على فكرة كمان بالشرق في أسئلة دورات كتير ومحلولة مفيدين

طيب في سؤال تقريباً كل سنة بيجي حدا بيعرف شو الطريقة الي بيستخدمها الدكتور لحله؟
مثلاً بدورة 2007:

أثبت أنه إذا كان كل طالب هو إنسان فإن عقل الطالب هو عقل إنسان.
استخدم:

S(x): x is Student
H(X): x is Human
D(x, y) Head of x is y.

بتذكر الدكتور حلو بالمحاضرات ومذكور حلو بس والله بدك تعذرني أخي فؤاد شي اليوم مالي فاتح شي لسه اصلا المحاضرات لساتها بالكيس

بتذكر شي طفيف عن استخدام قواعد ال( مهما يكن ) والنفي مع شجرة الحل تبع نقض الفرض وحل نفس المثال على رأس الحصان

مسالخير بس سؤال اذا حدا بيعرف او سمع من الدكتور ...فيه داعي نقرا من الكتاب و الا المحاضرات و السلايدات بيكفو؟؟؟ لأنو كأنو ما بيندرس!!!!

مفيدين كتير؟؟و الا عادي ...بس مشان ما نروح بهالشوب

أنا ما بتوقع حقرب عالكتاب بس الدورات بتوقع أكيد مفيدة على الأقل الواحد بيتأكد من اجابته ..

و أنا حأدرس من السلايدات و نوطة المستقبل و أسئلة الدورات
بعتقد بكفو و و زيادة مبدئياً

و أنا حأدرس من السلايدات و نوطة المستقبل و أسئلة الدورات
بعتقد بكفو و و زيادة مبدئياً

مرحبا شباب

يلي بيحب القراءة من الشاشة متلي ومو جاية على بالو ينزل يجيب النوطة تبع المستقبل فاليوم وصلني من زميلنا العزيز مدحت الصوص نوطة ال Lectures Team تبع الذكاء الصنعي العملي والنظري ويا ريت ما تنسوه من دعواتكم

Download Here

الله يسلم هل ايدين يا أبو حميد
بالنسبة للكتاب , فهو فعلا بضيع و مادرست منو غير بحث النظم الخبيرة
والباقي رح ادرسون من السلايدات والمحاضرات

بما أنكم عم تقرو منها بس استفسار عن المحاضرة الاخيرة(10+11) نحن شو  عطانا منها الدكتور هي السنة؟؟ لأني حسيتها غريبة

يا ريت حدا من يلي كانو يحضرو يأكدلنا

كانت آخر محاضرة حل تمارين
بس قبلها ما عاد اتذكر شو أخدنا
يفضل حدا معو المحاضرات يذكرنا بآخر شي أخدناه
و عندي استفسار :
النوطة بتحوي محاضراتنا بحذافيرها و لا فيها زيادة أو نقصان ؟
و خاصة أنو في قسم من المادة كان عم يعطيه الدكتور عمار جوخدار ...

أنا والله حضرت أغلب المحاضرات بس الأخيرة ما حضرتها وبدك الصراحة لسه ما فتحت النوطة هي من بكرا انشالله ببلش

ياترى الدكتور حل شي أمثلة عن برامج prolog ؟
مثلاً بدورة 2007 كان في سؤال عن برنامج لتحديد اذا كانت قائمة جزئية من قائمة تانية حل هيك شي؟
أنا هلأ حليته وطلع معي:

sub(L, L).
sub(L1, [X|L2]) :- sub(L1, L2).
sub(L1, L2) :- 	head(L2, L22), sub(L1, L22).
				
head([X], []).
head([X|L], [X|L1]) :- head(L, L1).

بس بدي أعرف اذا الدكتور حله أو حل شي شبيه فيه

وكمان كان في سؤال عن إيجاد طريق بين نقطتين ببيان, الدكتور وقتها قال انو حل متله بالمحاضرات ياترى موجود بشي نوطة؟

حللك فؤاد على قائمة جزئية من البداية أو النهاية أو من النص ؟

بالنسبة لسؤال البيان فحلو الدكتور داخل المحاضرة وقلنا كتبوه لأنو مو موجود بالسلايدات
على كل انا بتذكر أني صورت الحل بالموبايل وطلع ظاهر هلق بدور عليه وبرفعلك الصورة انشالله

حدا حس أنو في بالمحاضرات حكي كتير علاك وبلا طعمة وشي تنظير ومعلومات عامة و و و و يعني حسيت حالي عم بقرا شي مجلة ( حكيي على أول محاضرتين لهلق )

مرحبا.

من شان الذكاء الصنعي ركزوا على التمارين يلي بحلّن الدكتور بآخر محاضرة..بيجيب منهن أو شبيه فيهن أو على نفس المبدأ

موفقين

قبل اخر محاضرة عطى الدكتور عن النظم الخبيرة Expert Systems
وبأخر محاضرة حل من اسئلة الدورات, ما عطى شي جديد!

prefix([], L).
prefix([X|L1], [X|L2]) :- prefix(L1, L2).

suffix(L, L).
suffix(L1, [Y|L2]) :- suffix(L1, L2).

طبعا ما حدا لقينا عندو دورة 2007
وصلوني هدول اليوم من Im

تفضلو

http://i290.photobucket.com/albums/ll259/nightwolf_alsati/1.jpg

http://i290.photobucket.com/albums/ll259/nightwolf_alsati/2.jpg