بحثالمحتوياتتسجيل دخولفي الموقع حالياهناك حاليا 3 أعضاء و 8 ضيوف في الموقع.
الأعضاء المتصلون |
هل أنت مع إلغاء الاختصاصات (ذكاء-برمجيات-شبكات) -من الكلية ، وتأجيل الاختصاص للماجستير؟أرسل من قبل Aida_Kh في الجمعة, 2008/05/16 - 1:45pm.
نعم 44% (36 تصويتات) لا 50% (41 تصويتات) نفس الشي 6% (5 تصويتات) إجمالي التصويتات: 82 ( عام )
 بالعكس أنا مع التخصص بس بعد تغيير الخطة الدرسية .. بحيث بيتم زيادة المواد الإختصاصية وتنزيل بعض المواد الغير إختصاصية من السنة الرابعة للسنين السابقة متل هندسة البرمجيات 1 وخوارزميات البحث الذكية والبرمجة التفرعية اللي بتضيع الطالب بالسنة الرابعة عن اختصاصه الأساسي.  والله يفضل بلاهم منشان الواحد يستفاد بأكبر عدد ممكن من المواد "الاختصاصية"
أنا مع المهندس العام ذو الخبرة والكفاءة العالية
يعني خلي الشخص ياخد كل شي وهو بعدين ينقي طريقو واختصاصو يلي بيحبه بس اهم شي ما نحرم الشخص من مادة أو معلومة لأنو راح "لقبيلة " أخرى .وبالنهاية كلو متل بعضو لأنو يلي بدو معلومة ما حتوقف بوشو أنو عم ياخد هالمعلومة بالكلية أو بغيرها ..  مع أني مو دارس هندسة معلوماتية ,لكن أنا عم بقاء الاختصاصات ( بل وزيادتها الفكرة , أنو الاختصاص هو سبب رئيسي بل ومهم بالحياة العملية ومن الضروري وجوده خلال مرحلة الدراسة الجامعية( على خلاف الاختصاصات يللي بتصير بعد التخرج مثلا ً). يمكن تقولو أنو الطب غير الهندسة المعلوماتية!  أنا مع الدمج, بس بطريقة خاصة, يعني مثلا ً مبارح كنت عمبحكي مع L4W4ND وعمبقللو أنو بلاقي حالي بتطبيقات الذكاء الصنعي, بس بنفس الوقت بدي أتعلم Database بشكل قوي وبدي أتعلم تحليل نظم وهندسة برمجيات بقوة و Data Mining, فبرأيي أنو الدمج ما لازم يكون برفع المواد هي للماستر بل لازم يكون برفع المواد يلي بجد إختصاصية جدا ً وما رح يستعملها مين ما كان.  أكيد التخصص أفضل. طبعاً واضح ليش التخصص أفضل! (وإلا كانت الجامعة كلية وحدة!)  الطريقة المتبعة ببعض الجامعات برا هي انو الطالب بينتقي المواد الي بدو ياها (طبعاً بس يكون خلص المواد الي قبلها)
على فكرة بجامعة حلب مطبقين هالطريقة تبع إختيار المواد
يعني بكون في كلية علوم كمبيوتر وحدة وفيها عدد من المواد الأساسية وعدد من المواد الاختصاصية.  وأنا كمان مع الدمج ......لانو مواد كليتنا مو موزعة بشكل انو يكون الطالب عندو فكرة منيحة عن الاختصاصات التلاتة.....قصدي انو بأول تلات سنين قبل الاختصاص بيكون التركيز بشكل أساسي على البرمجة (متل ما حكيو الدكاترة بالمحاضرة) ويا دوب مناخد مادة أو مادتين بالشبكات وأكيد ما بيكفو لتكون فكرة واضحة عن هادا الاخنصاص.........
بلاقي حالي بتطبيقات الذكاء الصنعي, بس بنفس الوقت بدي أتعلم Database بشكل قوي وبدي أتعلم تحليل نظم وهندسة برمجيات بقوة و Data Mining
فيك تتعلم هالأمور لحالك .
بس الطريقة المتبعة ببعض الجامعات برا هي انو الطالب بينتقي المواد الي بدو ياها (طبعاً بس يكون خلص المواد الي قبلها)
هي موجودة عنا بسوريا (الجامعة الافتراضية والجامعات الخاصة).
وفكرة وجود الاختصاصات ما إجت عن عبث (يعني ما رح نكون نحنا أفهم من يللي حطوها).  وفكرة وجود الاختصاصات ما إجت عن عبث (يعني ما رح نكون نحنا أفهم من يللي حطوها).
طيب يلي حطوها هم يلي بدهم يغيروها  التخصص أفضل بكتير وفكرة وجود الاختصاصات ما إجت عن عبث (يعني ما رح نكون نحنا أفهم من يللي حطوها).
طيب يلي حطوها هم يلي بدهم يغيروها  بما أنو الواحد لازم يعرف شيء عن كل شيئ و كل شي عن شيء ... يعني أكيد ما لح نشتغل بكل الإختصاصات بشكل معمق .. بس بالمقابل ضروري يكون عنا إلمام بالكل .... لأنو المعلوماتية علم متكامل و وقت بدك تساوي أي مشروع أكيد لح يكون متقن أكتر إذا كان عندك إلمام ببقية الإختصاصات ... بالنهاية كل واحد إلو رأيو الشخصي و اللي منحترمو و التجربة المستقبلية هية اللي لح تثبت الرأي الصح ... لأنو كل كلامنا بيبقى نظري ما لم تتم تجربته على أرض الواقع .....  أول سؤال حدا بيعرف نحنا وقت منطلع ندرس برا شو بتكون الشهادة تبعنا؟ يعني نحنا بعاملونا على أساس شو ؟ شو دارسين ؟ برا ما في شي اسمو "هندسة معلوماتية" في شي اسمو "Computer Science" أو "Computer Engineering" أو "Information Technology"...... نحنا شو ؟ أكيد مو Computer Engineering بالنسبة للComputer Science ما في اختصاص فيه بكون الMSc هو الاختصاص و كذلك بتوقع الInformation Technology لذلك برأيي نفس الشي لأن هيك هيك لح نعمل اختصاص, بقى اذا كنت انا مختص هون بجامعة دمشق ذكاء مثلاً لح كمل الماجستر بشي إلو علاقة بمواضيع الذكاء (ليس بالضرورة) و إذا ما كان في اختصاص هون و انا مهتم بالذكاء بكمل نفس شي تماماً لذلك ما بتفرق على اي حال لح يعاملونا على أساس إنو نحنا دارسين CS أو IT مالح يقولو والله هاد دارس CS اختصاص Software Engineering بس السؤال نحنا IT ولا CS و الله مالي عرفان شو عم ادرس
 يجب العودة في هذا الموضوع الى نقطة تأسيس كلية الهندسة المعلوماتية : 1 - لماذ لم تسمى بكلية علوم الكومبيوتر مثل غيرنا من البلدان الأخرى 2- من وجهة نظري يجب تحديد أمر التخصص في هذه الكلية كما هو معمول فيه في الجامعات الكبيرة في البلدان الأوروبية مثل جامعات المانيا أو فرنسا أو انكلترا يجب العودة في هذا الموضوع الى نقطة تأسيس كلية الهندسة المعلوماتية :
1 - لماذ لم تسمى بكلية علوم الكومبيوتر مثل غيرنا من البلدان الأخرى 2- من وجهة نظري يجب تحديد أمر التخصص في هذه الكلية كما هو معمول فيه في الجامعات الكبيرة في البلدان الأوروبية مثل جامعات المانيا أو فرنسا أو انكلترا هو يمكن معك حق. بس شغلة الأسماء (برأيي) مو مهمة حاليا بقدر أهمية وجود الاختصاصات وتحسينها (أو إضافة المزيد منها).
1 - لماذ لم تسمى بكلية علوم الكومبيوتر مثل غيرنا من البلدان الأخرى
هلق كتير بتفرق معكم على الأسم ؟؟؟؟المهم متل ما قلك BEN ADAM المضمون و بالنسبة للماجستير هو موجود للأشخاص اللي حابين يتخصصوا أكتر يعني هنن لازم بالأساس يكونوا مختصين و مهمة الجامعة خلال الخمس سنين تخريج مهندسين قادرين على الانتاج و اللي حابب يتعمق بإختصاصه أكتر يكمل لحاله بعد التخرج و اللي بيقارنا مع كلية الطب الوضع كتير مختلف و غير قابل للمقارنة من عدة نواحي سواء ( القدرة على التعلم و البحث الذاتي أو القدرة على ممارسة العمل أو .... ) الله حيو Black Sigma
نحن من بعدك
 التخصص أفضل بكتير
بصراحة أنا مع هذا الرأي بالكامل ...في أيامنا هذه لم يعد هناك ما يسمى "هندسة معلوماتية" بالمعنى المجرد الذي تعني فيه أنك ملم بكل الإختصاصات..نحن الآن في عصر التخصص و ربما أذهب أبعد من هذا و أقول أن التخصص من الأفضل لو كان من السنة الثانية في الكلية...و برأيي لازم يكون التخصص من سنوات مبكرة مو بالسنة الرابعة لإنو المعلومات الإختصاصية أوسع و بدها وقت أكتر من المعلومات العامة و اللي عميفكر إنو الدمج أفضل من شان يلم الشخص بكافة الأمور بالعكس .... مافينك تحمل كذا بطيخة بيد وحدة يعني هيك بالنهاية بتطلع من الكلية عندك مجرد أفكار عامة ... ما حدى فينو يلم بكل الأمور بشكل معمق من شان هيك بيقولوا خود فكرة عن كل شي بس إختص بشي معين و تأجيل الإختصاص لمرحلة الماستر بكون هيك ضياعة وقت متل ما بتعرفوا إنو بكلية الهندسة الميكانيكية و الكهربائية كان في فرع اسمه الكترونيات و اتصالات و الإختصاص للسنة الرابعة "هيك على حد علمي" بس لما شافوا النتيجة من خريجي الكلية لاقوا إنو في كتير معلومات الطالب عم ياخد فكرة عامة عنها و بالتالي ما عم يكون منتج بعمله بعد التخرج و من شان هيك مو بس نزلوا الإختصاص لسنوات أدنى , عملو الإختصاص مباشة من السنة الأول و قسمو الكلية لفروع و متل مو شايفين طلعت اختصاصات جديدة يعني صار في كلية اتصالات و كلية هندسة طبية و كلية الكترون و كلية طاقة و كلية حاسبات وتحكم ألي و .... مع إنو معظم هاي الإختصاصات مرتبطة بعضها بس هاد بيدل إنو لازم قضي وقت بدراسة الإختصاص أكتر لإنو مناحي العلم عم تتوسع أكتر لا أحد يذهب إلى طبيب عام ليداوي ولده..الكل يبحث عن متخصصي طب الأطفال و الذين هم مثلاً ليس من الضروري أن يكونوا خبراء في اختصاص آخر كالجلد على سبيل المثال... عندما ينطلق المهندس "أو أي شخص آخر" إلى أي عمل كان فهو "من البديهي" أنه لن يعمل عشرة أشياء في نفس الوقت و إنما سوف يتسلم أمراً معيناً في عمله و هو الأمر الذي يجب أن يكون متخصصاً فيه و لن يستفيد ("بمعنى العمل و ليس بمعنى الإستفادة العامة") إذا كان يعلم أموراً أخرى لا علاقة لها بمجال عمله...طبعاً هذا رأيي المتواضع و أحترم كل الآراء... ان فكرة الغاء الاختصاصات غير مجدية لانه في النهاية لابد للمهندس المعلوماتي من الاختصاص في مجال معين (في الحياة العملية)، وانا مع فتح حرية اختيار الاختصاص للطالب وعدم الاجبار، ليبدع في اختياره . كما أطلب فتح المزيد من الاختصاصات الجديدة في الكلية  أنا مع الدمج, بس بطريقة خاصة, يعني مثلا ً انا بلاقي حالي بتطبيقات الذكاء الصنعي, بس بنفس الوقت بدي أتعلم Database بشكل قوي وبدي أتعلم تحليل نظم وهندسة برمجيات بقوة و Data Mining, فبرأيي أنو الدمج ما لازم يكون برفع المواد هي للماستر بل لازم يكون برفع المواد يلي بجد إختصاصية جدا ً وما رح يستعملها مين ما كان.
والله معك حق
 إلي رأي مطول عن الموضوع..بس إستنوني شوي..لخلص كومبايلر  أكيد إبقاء التخصصات و زيادتهم أفضل بكتير من إلغائهم .... مابدها مناقشة  التخصص أفضل بكتير
تماما 100% برأيي لازم يتطبق هل شي بكليتنا بس يا حسرة كليتنا كلها بنائين و نص يعني مو حمل فتح اختصاصات جديدة و متل ما بتعرفو إذا بلش الإختاصص من بكير بصير بدو مخابر و قاعات دراسة و بحث أكتر و برأيي لازم يكون التخصص من سنوات مبكرة مو بالسنة الرابعة لإنو المعلومات الإختصاصية أوسع و بدها وقت أكتر من المعلومات العامة  :(
 أنا مع الااختصاصات لأنو واحد بدو يختص شبكات الأفضل أنو يتبحر بهالاختصاص مو يدرس ألف شغلة ما بتفيدو بالأخير ما يطع بشي !  أنا مع التخصص و حتى لازم يعملو من السنة التالتة.. اي حاجة الواحد نازلين فيه حشي مواد شي بطعمة وشي بلا طعمة، بس بالاسم عطوك مادة. و يا ريت يطبقو اختيار المواد هيك بيكون أحسن..  طبعا مع التخصص بس لو بتصير متل ما قال فؤاد بيقدر الواخد ينقي مواد بتصير الشغلية غير شكل وكمان انا مع ريم انو يبلشو من السنة التالتة وبلا مواد بلا طعمة يالي حاشرينا ياها على الفاضي بس يا جماعة والله حلو الواحد يفوت على مجال مو مشتغل فيه لسه ولو على سبيل التعرف |
© 2004-2008 CSC-SY
انا مع هذه التغييرات لأن الاختصاصات الثلاثة مترابطة ولا يمكن الفصل بينها لذلك يفضل دمج الفروع الثلاثة مع بعضها البعض طبعاً مع حذف بعض المواد يلي مالها طعمة من الفروع الئلاثة