مرحبا للجميع
أنا من طلاب الرابعة
بدي اسأل عن دورة للملتي ميديا
سمعت كان عندكون دورة قديمة شوي

بس مالقيتها عند رفقاتي
في مجال حدا يساعدني

ضروري

وشكرا على كل الاحوال

في عندي هي الأسئلة

هالسنة بس الدكتور كويتر يلي عم يعطي المادة
حدا بيعرف اذا صارت مأتمتة 100% ؟

هي من السنة الماضية مؤتمتة100%

مادة الوسائط المتعددة مؤتمتة بشكل كامل من السنة الماضية, لهيك أسئلة الدورات السابقة غير مفيدة..
الأسئلة يلي اجت بالامتحانين السابقين (الدورة الأساسية والحملة) كانت إجمالا سهلة (مو متل ما عودنا الدكتور غسان كويتر )
كانت الأسئلة شاملة نوعا ما يعني من كل محاضرة كان في عدة أسئلة..
نسبة الأسئلة النظرية كانت عالية, وبقية الأسئلة عملية ع نمط الأمثلة يلي بالسلايدات بس كان في بعض الأسئلة المرتبطة ببعضها..

نصيحة: ادرسوا السلايدات بعناية ولاتركوا شي وركزوا عالجمل الغامقة بالسلايدات..

وموفقين بإذن الله

..

السنة الماضية الدورة الأساسية ودورة الحملة هالفصل كانت مؤتمتة 100% ... هي متأكد منها

بكل الأحوال ما كتير فارقة الدورات الماضية على اعتبار انو هالدورة مؤتمتة المادة

الله يستر

بس سؤال لطلاب الخامسة لو سمحتو

كم سؤال كان بالفحص ؟ وكم علامة على سؤال ؟ وأديش كانت مدة الامتحان ؟

والأسئلة بالعربي أو بالانكليزي ؟ 

عدد الأسئلة 35 سؤال -على ما أذكر-
الأسئلة بالعربي
مدة الامتحان ساعتين
بظن (حسب علامتي) انو بعض الأسئلة كان الها علامات اكتر من غيرها!!

لأ المادة كانت مؤتمتة بشكل كامل وما كان في جزأ للدكتور عمار خير بك - كان ملتميديا بس بدون جزء ال هيبرميديا-
والدورة يلي معكن مو دورة 2006-2007 أو بالأحرى مو دورة بالأساس !! يبدو حدا من طلاب عاملها!!

شايفتلكن ,,حالي بعد هالمادة رح تصير إنكليزتي قوية

الشي الوحيد يلي بتذكره أنو كانت الأسئلة مو متناسقة (مثل عادة امتحانات الدكتور) باعتبار أنو ناسخ كل جزء من جامعة, وهيك لقينا صعوبة نعرف حو الجواب الصح, مثلاً طلع معنا الجواب بأحد الأسئلة هو 23000 بايت وكان في خيار 23 كيلوبايت وخيار غير ذلك , وفي سؤال ثاني طلع معنا كمان الجواب 23000 بايت وفي خيارنين 22,46 كيلوبايت وغير ذلك.
وبتمنى تجي الأسئلة هالسنة واضحة والله يوفق الجميع

الله يستر