CSC-SY

شو وضع مواد هندسة البرمجيات 2 و التسويق هالسنة؟
يعني:
شو المنهاج؟
من وين لازم ندرس؟
على شو نركز؟

وبالنسبة للتسويق كان في فحص عملي؟ ولا فحص النظري من 100؟

وياريت اذا حدا عنده شي ملفات مفيدة يحملها عالموقع أو يحط رابط إلها.

يسلموا.

التسويق مادة نظري من 100
الدكتور عطى سلايدات موجودين هون
أما مشان على شو نركز و الله علمي علمك محسوبك حظو قليل هالفصل يمكن انت داومت اكتر مني
مشان هندسة البرمجيات كمان ما عندي معلومات عنها
يلا بلكي بس تجي Eng.Samar بتفيدنا بالموضوع أكتر

هلأ كونها التسويق مشتركة مع السنة الخامسة .. ففيك تاخد السلايدات من ilines group الخاص بالسنة الخامسة .. بظن إنك مشترك فيه فؤاد ؟؟؟
وفي احتمال تاني إنك بتلاقيهن مطبوعين بمكتبة الشرق .. بكل الأحوال هي أخر مادة لاحئ تجيب السلايدات..

هلأ أنا حملت السلايدات هون عالموقع( هني بس 4 شي ؟؟ )
بس بانتظار موافقة حدا من المشرفين على الملف لينزل

هنن 10 سلايدات تسويق

على كل حال رجعت رفعت الملف من iLines محل الملف الي رفعه Renwar

طيب شو مشان هندسة البرمجيات 2 ؟!

Just pushing the thread up to Human range of sight
شو يا جماعة ما حدا عندو شي مشان هندسة البرمجيات 2 ؟

آسفة ما انتبهت للموضوع لهلأ ....كنتو  بعتولي رسالة خاصة ذكروني

المهم: 

من شان هندسة البرمجيات (2 ) في دفتر أحد الزملاء مصور ومحطوط بكشك الكلية

ومن شان الأبحاث المطلوبة من الكتب والمراجع شوفوا هالرابط

بعدين صحيح تذكرت أنتو التنين (Renwar & foaad)

عندكن ID بالأندرينا وأحيانا بشوفكن أونلاين..وبتعرفوا أنو دفعتنا ما بتفتح نقاشاتها بالمواد غير هونيك..
يعني شروفونا بزيارة لهنيك والله نحنا شعب مضياف وبنهتم كتير بضيوفنا

مخالفة للقوانين
عم تعملي دعاية لمنتديات أخرى

لاء المحاضرات وحدها لاتكفي ..

في كتاب برس مان الطبعة السادسة موجود بمكتبة الشرق على أول حاسب على اليمين ..بمجلد إسمو كتاب هندسة البرمجيات الطبعة السادسة
وكمان في مجلد إسمو SE فيه 2 سلايد عن إدارة المخاطرة وإدارة الجودة

مثلا بحث التقديرات المعتمدة على النماذج التجريبية..كتير مختصر بالمحاضرات..والمحاضرات بسيطة بيوم واحد بتخلص معكن برياحة

موفقين

أنا لسا ما قرأت شو مكتوب بكتاب pressman عن اللغة Z
بس لاقيت إنو الدكتور بيركز عليها بالفحص
كنت عم دور على أمثلة باعتبار المثال تبع الBlockHandler كتير بسيط
و المثال التانيKernel حسيتو سئيل و صعب
لاقيت شوية شغلات هون
http://www.cs.um.edu.mt/~ecac1/files/csa2070_Formal_slides.ppt
بس كمان بسيطة
و في هاد
http://spivey.oriel.ox.ac.uk/mike/zrm/zrm.pdf
بس كبير و فيو حكي عالفاضي
يا ريت اذا حدا عندو شغلات محددة اكتر متل تمارين او أمثلة ينزللنا ياهون

و في هدول هلأ لاقيتهون حلوين كتير
http://geminga.it.nuigalway.ie/~s_flynn/courses/ct216/ct21603a.pdf
http://geminga.it.nuigalway.ie/~s_flynn/courses/ct216/ct21603.pdf
http://geminga.it.nuigalway.ie/~s_flynn/courses/ct216/ct21602a.pdf
http://geminga.it.nuigalway.ie/~s_flynn/courses/ct216/ct21600.pdf
http://geminga.it.nuigalway.ie/~s_flynn/courses/ct216/ct21602.doc
http://geminga.it.nuigalway.ie/~s_flynn/courses/ct216/ct21601a.doc
http://geminga.it.nuigalway.ie/~s_flynn/courses/ct216/ct21601.doc

حسب نظام مكتبة جامعية يمكن للطلاب والموظفين والمدرسين استعارة الكتب - ما يعنينا في هذا السؤال هو مجموعات الأرقام IDs للفئة --- الفئات. الموضفون والمدرسون فئتان منفصلتان تماماً بينما يمكن للطالب أن يكون موظفاً في نفس الوقت. ولا يمكن للطالب أن يكون مدرساً --- والمدرسون يمكنهم الاستعارة حكماً بينما يحتاج الطلاب للحصول على بطاقة --- ذلك (بعبارة أخرى الطلاب نوعان حاصلون على بطاقات وغير حاصلين). يطلب استخدام لغة Z لتحقيق مايلي:
1- مخطط schema لتعريف حالة النظام state واللا متغير في المعطيات data invariant.
2- --- --- تسجيل طالب جديد في الكلية.
3- مخطط لتعريف عملية قيام موظف بالتسجيل كطالب.

كأنو مارر معي هالسؤال!
يمكن اجى الفصل الماضي أو الي قبله.

شكرا فؤاد على نص السؤال
الطلب التاني بظن بدايتو متل التالت ( مخطط لتعريف عملية )
======
طيب في حكي عم يصير على الدورة نفسها مشان سؤال cocomo
انو هالنظام الجزئي الخاص بمصرف و يلي عم ينبنى على اسس خبرة سابقة
شو نوعو embeded, organic, semi detached
بظن انا و eng.samar متفقين انو organic بما انو جزئي و فيو خبرة
بس كمان برجع مرات و بقول نظام المصرف يا ترى شو وضع القيود المفروضة عليه؟ اذا كانت صارمة فهالشي ما رج يكون organic 100%
اي بس هاد جزئي يعني مو نظام كامل!!
==
السؤال : فؤاد انت شو رأيك ؟
طيب يا ترى اذا هيك سؤال عبارة عن سطر واحد شرح عن النظام شو الطريقة الاسلم انو اعرف شو ال Mode تبعو ؟
===
http://www.ii.metu.edu.tr/~ion545/demo/section1.3.html

يعني النتيجة بالأخير مو مهم أنا وانت شو رأينا بدنا نعرف شو رأي الدكتور

أنا برأيي هيك مواضيع لازم دائماً ينطلب تبرير الجواب وتنحط العلامة عالتبرير مو عالجواب نفسه. هو اذا بتلاحظ السؤال بدورة 2005 مطلوب التعليل بس هل الدكتور ممكن يقبل أحد الجوابين اذا كان التعليل صح ولا عنده جواب وتعليل مسبقين لازم نلتزم فيهون, الله أعلم.

بس بصراحة اذا اجى هيك سؤال بالفحص على الأغلب حطه organic مو مشان شي بس لأني دائماً بسيئ الظن بالدكاترة

ميزات النظام العضوي أنو صغير حجم فريق العمل صغير بس خبرة جيدة..

على هذا المبدأ قست لما جزأنا الشبه منفصل ...حتما الجزء رح يكون أصغر بالتالي بيصغير فريق العمل وطبعا هاد الشي ما لازم يأثر على خبرة فريق العمل فقط على العدد

بعتقد هيك غموض بينحل أكتر وقت الفحص لأنو أكيد رح يصير تساؤل عند اغلب الطلاب ويجي الدكتور كالعادة يزيل الغموض !!!

==========================================

بالنسبة للسؤال الأخيربالدورة  تبع حساب function point
كيف فينا نعرف إذا التعقيد يللي بدنا نختاره هو
  Simple or average or complex 

نفس الإحساس

فوق مو أنهن تطبيق مباشر  كمان  عاطيك  كل القوانين  اللازمة..

منطقياً مالازم يتغير نوع النظام لما نجزأه
لأنو حسب مومكتوب بالنوطة النظام semi-detached مشاريع متوسطة الحجم والتعقيد يعمل بها فرق متفاوتة الخبرة ...
وهو هاد الي بصير بالواقع يعني قدماكان المشروع ضخم بتم تقسيمه لأجزاء كل جزء بيستلمه فريق عمل وبالواقع مابظن في أي فريق عمل بالعالم بيحوي أكتر من 10 مبرمجين على أكتر تقدير,
فبرأيي اذا قلنا النظام بيشتغلو عليه فريقين أو فريق واحد عم يشتغل على جزء واحد (الجزء التاني لنفرض منفذ مسبقاً) نفس الشي يعني بضل النوع semi-detached

organic برأيي بكون لما المشروع بيقدر فريق واحد ينفذه ومابيعتمد كتير على أجزاء خارجية يعني برنامج قائم بحد ذاته.

لأ مافيهون إن.
الأسئلة بالعادة بتجي سهلة (أو سهلة كتير) أنا كنت رح رفع المادة (47/70) (صفر بالعملي طبعاً ) بس من قراءة المحاضرات (شي 50 صفحة) قراءة عالماشي
طبعاً اذا واحد مايعرف شو هي E أو D أو FP أو Fi مارح يعرف يجاوب.
ان شاء الله تجي الأسئلة سهلة هالسنة كمان.

في بالصفحة 112 من كتاب الجمعية جدول تحديد التعقيد بالنسبة لFP ثلاثية البعد
شو القصد بـ : تعابير دلالية ؟
المشكلة عم بقرأ سطر عم بنسى يلي قبلو الكتاب خرج ينقرأ على رواق و بالانكليزي
------
فؤاد : الدكتور غالبا عم يجيب القوانين و الجداول مكتوبين ؟؟

كتب foaad:

والله ماعجبني هالكتاب كتير نظري وبعيد عن الواقع يعني عطيني شغلات اقدر استخدمها مو تقلي كلفة المشروع = كلفة المشروع المتوقعة * 2.5315 \ 0.623

أوك معك انو الكتاب نظري بس الشي يلي فيو عم يتطبق عمليا
كيف؟ ما بعرف بس أكيد مو عنا عم يصير هالتطبيق

كتب foaad:

كتب eng.samar:

بالنسبة للسؤال الأخيربالدورة تبع حساب function point
كيف فينا نعرف إذا التعقيد يللي بدنا نختاره هو
Simple or average or complex

 

مكتوب بالسؤال نظام بسيط جداً والطالب حاطط شي 3 خطوط تحت بسيط [

 

.

يعني الشغلة بترجع لنوع النظام..كنا مفكرين أنو الشغلة بترجع للعدد..متأكد؟؟؟؟

طيب فؤاد بما أنك مقدمها السنة الماضية

بتتذكر الأسئلة؟

ياريت إذا بتذكر شي سؤال تساعدنا؟

الدكتور...ما جاب سيرة FP ثلاثية البعد بنوب بالمحاضرة..يعني شكلكن عم تقروا كل المرجع!

بالعادة أنا باخد الشغلات يلي أخدناها بالمحاضرة وبتوسع فيها من المرجع ..إلا إذا كان الدكتور جايب شي سؤال بش دورة..فوقتها حكي تاني