طور أطباء صينيون طريقة جديدة لمعالجة إدمان الانترنت، وخصوصا ممارسة الألعاب الالكترونية، وهي العلاج بالصدمات الكهربائية.

ويقوم أخصائيو مركز علاج الإدمان في مقاطعة داكسنج، وهو المركز الذي يواكب تطبيقات الطرق العلاجية العسكرية والمدنية، بتوفير العلاج التقليدي للشبان المدمنين الكترونياً، إضافة إلى علاجهم بواسطة صدمات كهربائية خفيفة بجهد كهربائي يسير، وقد حققت الطريقة نجاحا عاليا في الشفاء وصلت نسبته إلى 70 في المائة.

وتعاني الصين -التي تشهد نموا في الثراء وازدياد الضغوط على الشبان وخاصة المراهقين- من انتشار إدمان الألعاب الالكترونية، حيث ترتبط هذه الظاهرة بمحاولة الشباب الهروب من الضغوط الاجتماعية والأسرية التي تتطلب منهم التفوق في التحصيل الدراسي، وتقودهم إلى الانغماس في لذة ممارسة الألعاب التي لا تتطلب أي مجهود يذكر.

وتنتشر في الصين مراكز صحية لمعالجة الإدمان الالكتروني، إلا أن مركز علاج الإدمان على الانترنت، يتميز عنها بالانضباط الصارم.

ويقول أطباؤه إن نسبة 30 في المائة من المدمنين لا يشفون منه، بسبب إصابتهم بالكآبة أومقاومتهم لنصائح الاستشاريين.

وتقدر السلطات الصحية الصينية نسبة المصابين بإدمان الانترنت من بين مستخدميه من الذين تقل أعمارهم عن 18 عاما، بـ13 في المائة.

المصدر: محيط.

فشو رأيكم !!!

صار ادمان الانترنت مثل الجنان

لأ خيو في شي ما بنشفا منو..... كلو بطيب بس بدو إرادة ....!

هلأ ..أنا مدمنة أنترنت..بس والله بيقدر أتحكم بحالي يعني مثلا وقت الفحص من شان ما ألتهى بالأنترنت متل السنوات الماضية لذلك هالسنة أتبعت أستراتجية جديدة عم أقعد أدرس بغرفة ما فيها خط تلفون من شان أبقى معزولة على الأنترنت

هي عندها Laptop لذلك صعب تفك المودم منو متل حالتي, ما عاد استخدمت الـ Desktop والمشكلة أنو المكانين يلي بقعد فيهم بالبيت قدامي خط التليفون تبعي وهنن المكانين يلي فيهم خط التليفون هاد

أمانة بس هيك !!

انا برأيي في وسائل تعذيب أحدث 

و الله أنا إذا رح يصير قصف نووي فوق راسي مو صعقات كهربائية ما رح يمشي الحال....

أنا والله الحل الوحيد إنو تكون البلدية عنا في البيت بدها تحكي عالهاتف

بعتقد أنو هي الحالة ما إلها حل إلا إذا قطعو خط التلفون من مؤسسة الإتصالات .....
بس بجوز ساعتها إعمل اعتصام أدام باب المؤسسة ...

هلأ ما بتصور انو بسوريا في هيك مرض ......لانو بالأصل ما في انترنت .....يعني الحمد لله ......!!!

ايواااااا

وأنا عم قول لحالي ليش ما عم ينزلولنا خطوط ADSL بالبلد

والله يا شباب الإدمان ناتج عن بطئ الانترنت
واللي ما مصدق رح أثبتلو هالشي
مبارح حكينا فيها أنا وعبد الله :
من يومين كنت عم اشتغل على انترنت بسرعة 1 ميغا يعني شي خارء حارء
ومتل العادة عندي قائمة التحميل (Download List )
يللي بعمرها ما رح تخلص طالما أنو موقع كوورة شغال
المهم قعدت وقتها شي 4 ساعات وإذا خلصت من الداولودات كلها ؟؟؟
وكنت وأنا عم أعمل داونلود عم اتصفح
يعني بالأربع ساعات ما صفى شي أعملو وقعدت فكر شو بدي حمل شو بدي حمل
ما كان يطلع براسي شي
أمت حملت حالي ورجعت عالبيت وأول ما وصلت واشتغلت على الانترنت العادية تعبت عندي قائمة تحميل جديدة
فالقصة أنو الإدمان من بطء الانترنت

أما وقت يكون عندك انترنت سريع فعندك يلي بدك ياه
تحميل برامج
تحميل أغاني- أفلام - مسلسلات - DVD's - أنظمة تشغيل - ألعاب
تلفزيون عالنت
رفع مواقع - ملفات
عداك عن البحث
الموقع لي بدك ياه بيفتح بثواني واذا ما فتح بتستخدم شي تقنية كسر من دون ما تخاف حتى لو نزلت السرعة للنص

عندي كل يوم ست ساعات عالنت وما بمل وبفتح المسا كمان بقى وين المزبوط ؟؟؟؟؟

New look, new work, new laptop, new room, new challenges,and many new stuff It's not my birthday it's my revolution

كتب BEN ADAM:

كتب NightWolf:

تحميل برامج
تحميل أغاني- أفلام - مسلسلات - DVD's - أنظمة تشغيل - ألعاب
تلفزيون عالنت
رفع مواقع - ملفات

, طول بالك يا زلمة , ما خليت شي شو هاد!!!
حط بالأخير : To be continue...

صحيح نسيت المسنجر والايميل ....
To Be Continued

New look, new work, new laptop, new room, new challenges,and many new stuff It's not my birthday it's my revolution