CSC-SY

السؤال جدي :
أي اختصاص أحسن برأي كل واحد؟؟؟
رجاءً نحكي بطريقة علمية وجدية شوي بهالموضوع..
لأنو فعلاً حابة استفيد من آرائكون...
ملاحظة: عندنا بحمص ما في غير اختصاصين (برمجيات وشبكات)

الموضوع انطرح أكتر من مرة ....
برأيي
1- تشوفي بالإنترنت و بين رفقاتك أي إختصاص بتحبيه أكتر
2-تشوفي أي إختصاص عم ينعطى بشكل أفضل بكليتك

صعب إنو شخص يقول : هادا الاختصاص أحسن من التاني لإنو الشغلة شغلة نسبية خصوصا بهالفترة ، شي تاني أنا بقتنع فيه إنو أي اختصاص الانسان بيحبو وبيقتنع فيه وبيكون فيه أحسن شي هوي أحسن اختصاص بالنسبة إلو

شوفي انتي شو بتحبي أكتر ، اية قسم بتحسي إنو رح تكوني فيه أحسن

يعني الشباب كفو ووفوا

بذكر أنو انطرح الموضوع قبل هالمرة بالموقع هون

أنا بقترح تجريب عملي ( ولو بسيط ) لكل اختصاص , او على الاقل قراءة موضوع معين من كل اختصاص و البحث : أين أجد نفسي أكثر ؟
بغض النظر عن مستقبل الاختصاص داخل البلد او خارجها , و بغض النظر أيضا عن مستوى التدريس في اي من الفروع , لأن ابداع الانسان بعيد عن كل ذلك !!

أنا برأيي قبل ما نفكر شو الإختصاص لازم نعرف شو منقدر نعمل بكل اختصاص و أهم شي الهدف في ناس بتفكر بالأسهل و في ناس بتفكر بالمادة و شو الوطن بدو و شو برا بدن بس الأهم يا رهام إنت شو بدك تعملي إذا كنت برمجيات و لا شبكات و وين فيك تبرعي و وين فيك تحققي شي اسمو رهام؟؟؟؟؟؟؟؟؟؟؟؟؟؟؟؟؟؟؟

كتب reham:

كتب lama:

أنا برأيي قبل ما نفكر شو الإختصاص لازم نعرف شو منقدر نعمل بكل اختصاص و أهم شي الهدف في ناس بتفكر بالأسهل و في ناس بتفكر بالمادة و شو الوطن بدو و شو برا بدن بس الأهم يا رهام إنت شو بدك تعملي إذا كنت برمجيات و لا شبكات و وين فيك تبرعي و وين فيك تحققي شي اسمو رهام؟؟؟؟؟؟؟؟؟؟؟؟؟؟؟؟؟؟؟

يا عيني عليكي على هالحكي شو حلو
بس شو قصدك ؟؟ يعني مابيهمك أنو نكون سوا
أنا بالنسبة إلي المهم أنو نضل أنا وياكي سوا .. لأنو ما منحقق شي حلو وكويس إلا سوا
شلوني معك؟؟؟؟

حلو يكون في هيك نوع من المحبة لسه موجود بين الناس ، إن الإنسان يلاقي حدا بيحبو وبيرتاح معو بكل شي ويبقى معو أطول مدة ممكنة شي كتير حلو وبيستاهل كل احترام وتقدير

بس متل ما قال Klaghstan : هالشي مانو أولوية فضلا عن إنو يكفي : يعني هلأ كام سنة رح تضلي مع lama ؟ سنتين وبيصير التخرج وبعدها ؟؟!!! طيب هل هالشي بيكفي حتى تقرري على اساسو ؟

يمكن ما بكفي برأي كتار بس برأيي"" الصديق قبل الطريق"" و متل ما الكل بيعرف و متل ما كان الدكتور أحمد الخضر يقول مهنتنا مهنة العمل الجماعي و إذا ما كنت مرتاح مع الجماعة مارح يكون في إبداع و بعدين مين قال إنو لسة سنتين بس؟؟؟!!!!!!
و لا شو رهام ؟؟؟؟؟

هلأ أنا معك إنو مهنتنا مهنة العمل الجماعي ، مااختلفنا على هادا الشي ، بس كمان مامعناها إنو اختص بشي ممكن ماحبو كتير أو مايكون إلي رغبة فيه بس لمجرد فلان من الناس ، بالعكس لإنو مهنتنا مهنة العمل الجماعي لازم الواحد فينا يكون عما يشتغل بالمجال اللي هوي بيرغب فيه علشان يقدر يحقق أعلى درجة من الابداع ويعطي أحسن ماعندو وكمان يكون جاهز للعمل مع فريق أكيد رح يكون فيه ناس يمكن مايحبهم أو مابيحب يشتغل معهم أو حتى في بينو وبينهم خلافات

العمل الجماعي مانو محصور بشخص واحد ، الشغلة شغلة فريق كامل ، إذا كان عندك فريق كامل بترتاحي معهم وبتحبي تشتغلي معهم وبتشتغلو كلكم بالاختصاص اللي الجميع بيحبو فعن جد نيالك ، بس بظن إنو هيك شي مستحيل

أنا قلت إنو باقي سنتين ويمكن يكون باقي اكتر : بس بالآخر ماحدا رح يكون معك أو يشتغل الشغل اللي لازم تعمليه لحالك إن كان هلأ أو بعد سنين

كل واحد إلو رأيو الخاص بس يعني إذا حس الواحد أنو كل رفقاتو وكل الأشخاص اللي بيرتاح معهون رح يختاروه نفس الاختصاص فبدون ما يحس رح ينحاز لهلاختصاص
ما بعرف هادا رأيي الخاص

عندي اقتراح بهذا الموضوع طرحته على أحد الأصدقاء
وهو:
لماذا لا نطلب من العميد على اعتباره متعاون جداً مع الطلاب وهذا واضح
ويقوم أحد المختصين عندنا بالكلية أو أحد الطلاب المتخرجين أو المعيدين من الاختصاصين بشرح ما يتم في كل اختصاص ، وما هو العمل الممكن للشخص من ممارسته بعد التخرج
إذا حصل إجماع ممكن يتعمم الموضوع
اقترح التصويت!!!!!!

أنا بأيد فكرة الأخ العزيز iyadhel والله عطول انت أفكارك غير شكل...

وأنا كمان مع فكرة iyadhel

بتذكر بكل سنة بيكون في اجتماع مع العميد "هيك كان السنة الماضية" قبل تحديد الاختصاص لطلاب السنة الثالثة حتى يعرفهم بالاقسام ، إن شاء الله هالسنة بيضل هالتقليد متبع بالكلية وقتها مابيكون في حاجة للاقتراح

أكيد الجميع مع الاقتراح ، بأسوأ الاحوال اللي ماعاجبتو الفكرة مارح يعارض ، المهم كيف بدكم توصلو هالشغلة للعميد ؟

الفكرة معقولة بس بشرط تتم من اطراف حيادية ( مشان مو كل واحد يشد اللحاف لطرفه )
بس بصراحة أنا من جهتي : بعرف شو بدي أختص من لما كنت بالبكالوريا

بس سؤال : الاختصاص اختياري ولا عالمعدل ؟؟
لأنو إذا عالمعدل مشان نعرف نستعد نفسياً

كتب reham:

بس سؤال : الاختصاص اختياري ولا عالمعدل ؟؟
لأنو إذا عالمعدل مشان نعرف نستعد نفسياً

على حسب مافهمت من طلاب السنة الرابعة إنو الشغلة بتكون اختياري ، إذا زبطت مع النسبة اللي المفروض إنو تكون بين الاقسام بيخلو كل واحد متل مابدو ، أما إذا كانت النسبة مانها مزبوطة بيصيرو بياخدو على المعدل وبيحطو هون هون حتى تزبط معهم

السنة الماضية والسنة اللي قبلها كان كلو على الرغبة ، إن شاء الله هالسنة تكون هيك كمان

بس ماقلتيلنا شو ناوية ؟ قررتي ولا لسه ؟؟؟

أنا برأيي الإختصاص الثالث هو أفضل شي ......... و ما بدو معدل كمان .....

الفكرة حلوة كتير ، و إذا انتبهتوا صار في شي جديد بالكلية اسمه صندوق الشكاوى ، إذا بتحبوا منقدم الطلب من خلاله ، و الأفضل نشوف العميد شخصيا و نطرح الفكرة و ما بظن عنده مشكلة ، و ممكن نطرح الفكرة أيام مناقشة المشاريع لأن الكل بيكون موجود تقريبا

كتب reham:

والله أنا بدي برمجيات بس إذا كانت القصة عالمعدل وما طلعتلي بيكون الله كاتبلي أدخل شبكات ولا اعتراض على حكم الله
بس أنا متمنية برمجيات

ياعين وهي زادو طلاب قسمنا شخص

يتم تقديم مفاضلة يضع الطالب فيها رغبتين بالترتيب مثلا ذكاء ثم شبكات و يتم توزيع لطلاب وفق رغباتهم و يجب أن يكون الوزيع على الشكل التالي
40% شبكات 40% برمجيات 20% ذكاء و في حال حصول overflow في اختصاص معين يجبر بعض الطلاب على الانتقال إلى الاختصاص الذي يكون الاقبال علية فليلا في العادة يكون الضحايا هم الذين يحملون أربع مواد في السنة الماضية كانوا من حمل أربع مواد كلها من السنة الثالثة