CSC-SY

مساء الخير..
بعرف إنو وقت امتحانات ودراسة وماحدا فاضي يرد عليي .. بس بالمقابل أنا كمان عندي امتحانات لذلك عم اتفقس
هالمشكلتين صرلن فترة عم يواجهوني ..
الأولى : وقت بكتب رد أو تعليق .. وبعمل إرسال .. بيصير عندي تسجيل خروج من المنتدى .. وهالقصة صارت معي على أكتر من جهاز .. المتصفح Mozilla Firefox 2.0.0.14
الثانية: وقت بشارك بشي تصويت وبعد ما اضغط على زر التصويت بينقلني لصفحة " لا يحق لك الوصول" وبالدخول اللي بعده على المنتدى بيقلي " تم تسجيل تصويتك".. وكمان هالمشكلة ظهرت على أكتر من جهاز ( بس نفس المتصفح المذكور بالبند الأول )
إذا في حدا كمان عنده مشاكل تقنية خلونا نجمعها بهالموضوع بركي بعد الإمتحانات إدارة الموقع بتلاحقلنا هالمشاكل ..
بالتوفيق بالإمتحانات للجميع..

غالبا هلمشاكل عمتكون من جهتنا يعني من طرف الـ " client" مو من جهة الموقع أو إدارته أو السيرفر
لهيك إدارة الموقع ما ممكن تعمل شي بهلحالة إلا إذا كان قصدك إنو ينعمل موضوع بالمشاكل اللي عم تصير وكيف نحن بنقدر نحلها
بس بشكل عام معظم المشاكل اللي عم تصير بتنحل بحذف الكوكيز و إعادة تشغيل المستعرض

أنا بالعادة بعاني من 3 مشاكل :
أولاً ما بقدر اعمل تسجيل دخول وهي بدها خوارزمية لتنحل ( لا تتضمن حذف الكعكات )
ثانياً وقت يكون الاتصال سريع جداً .. ما عاد تتحدث الصفحة ( أي محتوياته ) حتى لو كبست على تحديث - مشاركات حديثة - ... وما إلى هنالك
وما بتنحل القصة إلا ب ctrl+ f5 يعني تحديث كامل حتى أني لما رد على موضوع وترجع تفتح الصفحة ما بيطلع الرد تبعي ..
ثالثاً ما بيقبل روابط من ImageShack ولا أدري لماذا ..

ما مشي حال تصغير الكاش للصفر نفس المشكلة ضلت قائمة

كتب NightWolf:

أنا بالعادة بعاني من 3 مشاكل :
أولاً ما بقدر اعمل تسجيل دخول وهي بدها خوارزمية لتنحل ( لا تتضمن حذف الكعكات )
ثانياً وقت يكون الاتصال سريع جداً .. ما عاد تتحدث الصفحة ( أي محتوياته ) حتى لو كبست على تحديث - مشاركات حديثة - ... وما إلى هنالك
وما بتنحل القصة إلا ب ctrl+ f5 يعني تحديث كامل حتى أني لما رد على موضوع وترجع تفتح الصفحة ما بيطلع الرد تبعي ..
ثالثاً ما بيقبل روابط من ImageShack ولا أدري لماذا ..

المشكلة الأولى بتصير عندي بس انحلت بحذف الكعكات ...
و المشكلة التانية بتصير عندي كتير و بشكل مستمر بس أحياناً بتزبط بالctrl+f5 و أحياناً ما بتصير .....
بس الغريب بالموضوع ... أنو عنا لسا محتفظين بالنظام الحجري win98 إلى جانب الxp و لما برجع لهداك النظام الحجري بيمشي كل شي تمام .... مشان هيك قررت ما أحذفو .... خليه لوقت الأزمات ....

بس شو دخل النظام بالموضوع ...؟؟؟

و في مشكلة تانية ... أنو وقت أرجع لهداك النظام الحجري في مواقع ما بتطلع منيح عليه .. بتطلع القوائم فايتة ببعضها و في كلام مو موجود .... هي الشغلة إلها حلة شي ...؟؟؟ و لا لأنو هداك النظام من عصر الصفيح ...

طبعاً لأنو مو النظام يلي من عصر الصفيح هو المشكلة وإنما المتصفح يلي من عصر الصفيح يلي بيجي معو (IE)

طيب ما قلتولي كيف بخلص من قصة تسجيل الخروج بعد كل مشاركة ؟؟

كتب foaad:

كتب NightWolf:

طي بلي ما بتصير هالحالةعلى ال IE ?

مابعرف!
بس ممكن اخنرعلك سبب (بجوز يكون صح )
مثلاً بلكي الـ IE بضيف شي attribute عالـ HTTP Header هي الخاصية بتطلب من البروكسي انو لاتعطيني من الكاش روح جبلي صفحة جديدة يعني متل لما تكبس Ctrl+F5 بـ FF (عم تقول عم يمشي الحال)

طلع فعلاً في فرق بين الطلب العادي بـ Firefox و الطلب باستخدام Ctrl+F5 انو بالحالة التانية في زيادة على الـ Header:
Cache-Control: max-age=0
أكيد هاد الي عم يحل المشكلة بحالة Ctrl+F5

والفرق بين IE7 و Firefox بالتاني في زيادة
Keep-Alive: 300
مابعرف اذا هاد كمان عم يسبب مشكلة!

على كل حال جرب التالي:
نزل برنامج لمراقبة الـ HTTP Header متل fiddler (للمراقبة مشان تتأكد انو التعديلات الي عم تساويها فعلاً عم تأثر عالـ Header فيك تستغني عنه بعدين)
ونزل الإضافة Modify Headers لـ Firefox
أول شي جرب احذف الـ Keep-Alive وشوف اذا بيمشي الحال.
اذا ما مشي الحال جرب ضيف Cache-Control: max-age=0 دائماً.

لحتى تحذف Keep-Alive لازم اتضيف Filter بتحط اسمه Keep-Alive بتعمله Enabled وبتحط بالـ Configuration خيار Always On
وبالاضافة نفس الشي بس بتختار Add بدل فلتر وبتحط الاسم Cache-Control والقيمة max-age=0