|
اول شي مرحبا فيكي وان شاء الله بتخلصي امتحاناتك بتفوق
انا مصيبتي اني بيحكي بصراحة ومالح خبي عنك شي
اول شي الفرع عنا رغم سلبياتو يلي هي اكتر من إيجابياتو ممتع كتير
هلق اول سنة ما لازم تحكي على الكلية منها لانو اول سنة كتير جوها جديد وبدو الواحد يتأقلم معها وتاني سنة اصعب شي كونها بتعطي اساس طالب المعلوماتية
هلق بالنسبة للدراسة عنا صعبة والشي الأصعب هو انو بتلاقي الكل شاطر وقليل هنن يلي ما بيدرسو (امثالي )
دراسة إجتماعية
طبقات المجمتع بالكلية المعلوماتية
طبقة الطلاب الشاطرين المهووسين nurdes
هي الطبقة بتتميز انو بتدرس ليل نهار وعندها حضور المحاضرات عبادة
التقييم إجتماعيا 1/10 بنحس انو في منون عندون مرض التوحد
بتلاقي انو إذا ما بتحاكيهم دراسة بيقردفوكي
هي الطبقة ما بتجيب كتير علامات بالنسبة لمستوى الدراسة يلي بيدرسوها بيمثلو نسبة 50% من طلابنا ويبتعود هالقصة مو لقلة دراسة بالعكس تمام
طبقة الطلاب الشاطرين المتمزين بكل الجوانب
بتلاقي الحديث معهم ما في احلى منو بيحكو دراسة وقت الدراسة اجتماعيا 10/10 عندهم ميزات كتيرة بيمزحو وعندهم الدراسة والمرح هنن من اساسيات النجاح عندهم وهنن للأسف قلال بس هنن يلي بيجبو معدلات عنا وفي كتير ناس ردو عليكي من فوق بينتمو لهالطبقة بيعرفو حالهم (: بنصح بمصادقة هدول لانو بيفيدوكي كتير وبيخلوكي تنبسطي وكلو باعتدال طبعا
نسبتهم عنا حوالي 30% من الطلاب
طبقة كاتبي المحاضرات :
هي الطبقة متل طبقة فرسان العصور الوسطى وعندهم قسم سقراط على انو يكتبو المعلومة يلي بتتاخد من الدكتور بكل امانة بس كمان البشر خطائين ولازم نراعي هالشي لانو يمكن ندرس شغلات ببعض الأحيان قد ما نفهمها إلا إذا ما اخدناها بشكل مطلق بل بشكل نسبي يعني المحاضرات مالها كتاب مقدس يمكن يكون فيها اخطاء وهالشي من طبيعة البشر ما فينا نغيرو والمصيبة بما انو معظم موادنا فهم فيمكن يكون الخطأ نسبي عند هاد الحل صح بينما التاني بيشوف هالحل مو صح بقى القرار الأخير بالدراسة من المحاضرات بيرجع إلك
هدول نسبتهم 2%
بيتوزعو على كافة المكتبات وغالبا بيجو من الشعبة الأولى (:
طبقة الفلاتانين :
هدول بايعين الكلية بما فيها جايين بس للمزح بدون الدراسة بنصحك تبعدي عنهم لانو لح يضيعوكي ومالح تستفادي منهم شي نسبتهم قليلة كتير عنا وإن وصلو على الجامعة فمالح يقدرو يطلعو للسنة التانية لانو بيصير نظام فلترة للطلاب نسبتهم حوالي 3% من الطلاب
طلاب الثانوية المعلوماتية (بيلقبو حالهم بالصناعة )
هدول نخبة طلاب المدارس جايين من كل حوب وصوب في كتير منهم بيساعد عندهم اساس جيد بالبرمجة والهاردوير وبالعادة بياخدو من كل ثانوية شي 3 طلاب من كل ثانوية نسبتهم حوالي 20 طالب كل سنة
طبقة ال Fake Jokers
هدول اخطر شي يمكن تشوفيهم يتلاقيهم على صياعة وضياعة طول السنة وبالاخير بتلاقي بيجبو معدلات نار بتتميز هالطبقة بخفة الدم والذكاء نسبتهم كتير قلال وما بيبنو غير وقت العلامات بيكرهو كل شي اسمو دراسة وإذا بيتحاكيم دراسة لح يحذفوكي من قائمتهم نسبستهم حوالي 1%
طبقة طلاب الموازي وأبناء الدكاترة :
هي الفئة الطلابية هي الأحسن من حيث التعامل وبينخاف منون من العلامات حاكم هي الطبقة عندهم إمكانات كبيرة مخباية بس بيكونو انظلمو بالبكالوريا يلي هو مو مقياس للذكاء بنوب بقى لح تلاقي انو ذكائهم ومواهبهم طلعت وقت المواد
هي الفئة ينصح بمصادقتها لانو هي من الطبقات المتواضعة الحسنة التعامل على عكس كتير من النظاميين وداميا كنت قول
(الموازي هنن بركة الكلية )
متوسط عدد طلاب السنة الاولى 300 بمقدار خطأ +-10%
الدكاترة :بشكل عام معظم الدكاترة عنا على مستوى كبير من الخبرة والمعلومات وفي منو بيشهي الواحد يدرس عندو وفي كتير غيرون على العكس
في بعض الدكاترة غير قادر على إيصال المعلومات بشكل بسيط للطلاب فبقى بيحكو الطلاب عنو انو ما بيعرف بمادتو بينما هو بالعكس وانا عن تجربة بيحكي انو هدول الدكاترة بيكونو كتير متعمقين ومتفوقين بالمادة لدرجة انو المعلومات البسيطة ما بيعرفو شلون بيدون يشرحوها وهي بجد شغلة صعبة يعني حاولي تشرحي العمليات الرياضية البديهية لطالب صف أول او تاني لح تلاقي صعوبة بالغة
بشكل عام الدكاترة عنا مستواهم منيح بس المشكلة انو لازم الواحد بيلش بالتعلم الذاتي لانو ما فيوو يعتمد على محاضرات الدكتور لانو لحالهم بيرسبو الواحد
لازم تتعلمي فن جديد فن إحضار المعلومة وهالشي كتير مهم بالحياة العملية يعني لازم تتعملي هالشي مو منشان المواد اكتر ما بدك هالشي منشان حياتك العملية
المواد ممتعة كتير وبالأخص الفيزيا والدارات ):
المواد بشكل عام بتعتمد على الفهم وقليل هنن يلي بيعتدمو الحفظ. في دليل السنة الأولى فيكي تشوفيه بالملفات بالمنتدى كتير فادنا بس موه لق بس تقرري تفوتي
بس الأحلى هي مواد البرمجة والرياضيات
المعلوماتية هالفرع المعتر بيعتمد على 3 شغلات
الهندسة الكهربائية – الرياضيات والمنطق – علم النفس -البرمجة
ولح تلاقي انو ما في شي بالعالم اسمو هندسة معلوماتية غير بسوريا الحمد لله دايما اسمها علم حاسب Computer Science
وهي المجال بيتفرع لكتير فروع منها هندسة كمبيوتر –هندسة إلكترونيات الحاسب –المنطق الرياضي –وفي كتير شغلات انا مالي متعمق كتير فيها
بس لما بدك تفوتي بدك تسالي حالك انا ليش فايتة ؟
ولوي نبدي وصل ؟يعني لما بتخرج شو المجال يلي لح اشتغلو كتير عنا ناس للأسف ما بيعروف هالشغلتين
هل يكفي حبي للكمبيوتر في ان يحقق لي تفوق في الجامعة ؟؟
لح جاوب كانا بشكل شخصي كان عندي معلومات كتير متخصصة بالكموبيتر بشكل عملي بس لما فتت اتفاجات انو كتير شغلات عم باخدها ومالها علاقة بالشي الجديد يلي كنت بعرفو يعني انا اكتر شي بنصدم لما بدرس مبادىء وبلاقي انو المعالج بينتوم 1 هو أحدث معالج بالسوق ؟
لما بيكون PCI هو أحدث منفذ للكروت ومن هالحكي القديم يعني لأسف المواد هلق قديمة بس بالسنة 4 وال5 بتلاقي المناهج عم تتغير كل سنة
بقى منشان التفوق ما بيكفي انو تحبي الكمبيوتر لانو مالح يجيبلك معدل
وماهي الصعوبات التي قد تواجهني في الكلي
التأقلم اول السنة –مشاكل ببعض الاحيان بالعلامات يعني بتلاقي في ظلم للأسف مجحف بس بشكل عام لا تتفاجأي إذا حملتي مليون مادة من الفصل الأول لانو مو عن قلة دراسة بل هي عن قلة حظ ببعض الاحيان
التخصص بيكير كتير عليه بس اعتمدو الدكاترة والطلاب انو ينادو طلاب الذكاء الصنعي بصائدي التنانين قصة طويلة بس تقريي تفوتي بيحكيلك ياها
منشان المواد متل ما قلتلك بتلاقيها بدليل السنة الاولى بموجود بالمنتدى خلي حدا يحطلك الرابط تبعو نسيان url تبعو من راسي
(:
هي شرح كتير مفصل عن الكلية وارجو انو تخلص البكالوريا بسلام
صحي قديش جمعتي بالتاسع حاكم عندي نظرية ساويتها مع رفيق شاطر بالرياضيات فينا نشوف بشكل تقريبي قديش ممكن تجيبي بالبكالوريا حسب معادلة معقدة بارتياب نسبي مقداره 20% يعني جربتها عليي وعلى كم واحد طلعت صح بقى ما بتعرفي (:
هلق يلي بدي ياه منك انو تدرسي منيح وصحي عم بيضربوكم شي بالمواد
I'll code Pascal codes for food and shelter
|
أرسل من قبل 
