CSC-SY

مرحباً

شو رأيكون انو يكون في للمنتدى شخص يحمل رتبة (مدير عام ) يكون المسؤول المباشر و الرئيسي عن كل شي بيصير بالموقع

من قرارات و إضافات , و كمان انو يكون في شخص رتبته ( مشرف عام ) و هو يللي بيعين المشرفين الجدد ....

و بيكون تسلسل الأعضاء:

عضو عادي ( له صلاحيات إضافة المواضيع و الرد و ....)

عضو فعال ( عضو عادي يشارك في منتدى الأعضاء الفعالين { دون اختلاف الصلاحيات الحالية للعضو الفعال } )

مشرف ( مراقبة المواضيع و تقديم آرائه حولها و حول المخالفات للمشرف العام )

مشرف عام ( يقوم برفع المخالفة باسم المشرفين بعد اقتناعه بمضمونهاإلى أحد المدراء العاديين )

مدير ( نفس صلاحيات المدير الحالية مع رده على مقترحات المشرف العام )

مدير عام ( كل صلاحيات التصنيفات السابقة , مع وجود الحق في تعديل أو حذف أو إضافة أو.... أي شي بالموقع )

مرحبا
اقتراحك جميل وحلو وموضوعي انا معك بطرح الموضوع تقبلي مروري وتعليقي الخواجة اسامة
سلام

http://www.csc-sy.net/rules/ranks

انا بعرف المستويات و التصنيفات الحالية للأعضاء,

و فكرتي من ورا هاد الموضوع انو تتغير !!

شو السبب اللي خلاكي تفكري بالتغيير ؟؟؟
يعني في مشكلة بالتصنيف الحالي لحتى تفكري بالتغيير ؟؟؟

المشكلة هيي انو التصنيف الحالي بيسمح لأكتر من 6 أعضاء انو

يعملوا يللي بدون اياه..

أما التصنيف فوق , فبيسمح بس للمدراء بالتحكم بالموقع ...

بس هيك ما رح يظبط
لأنو الفكرة من التصنيف الحالي تقسيم العمل
لأنو أكيد المدراء ما لون فاضيين يراقبو الموقع طول النهار
لذلك بيحطو أكتر من مشرف ليقومو بهالمهمة
وبس يغلط المشرف بيصير دور المدير

المشرفين بيضلوا محتفظين بصلاحياتهم , بس بدل ما يتعدل موضوع من قبلن , بيتعدل بعد موافقة واحد من المدراء على اقتراحون

في إحدى المواقع (ما لح أذكر الأسم مشان الدعايات )
في مديرين و مشرفين و لكل منتدى في مشرف ..
و هيك كل منتدى بالموقع بيشرف عليه 3 أشخاص ... المديرين و المشرف الخاص بهالمنتدى ...
و الأمور ماشية تمام ....

على كل حال .. ما بعتقد أنو هالتقسيم الحالي مدايقنا بشي ....

بس إذا بدكون تطورو بالموقع بقترح تطورو بعض الأمور الفنية فيه ... متل تنظيم الردود و هيك شغلات .... (طبعاً عم إحكي من باب النقد البناء ..)

هبت رياح التغيير

لو كان المنتدى متنوع..بعتقد من الضروري انو يكون لكل منتدى مشرف

شو رأيك نشكل حكومة

بس بدها الشغلة انتخابات

برأيي مافي داعي لزيادة المناصب الإدارية
شوي تانية رح يصير على كل عضو في مدير ومشرفين
بالعكس كل ماخففنا من هالأمور بكون أحسن. المهم هو انو القانون يكون واضح وعادل والكل يلتزم فيه.
يعني مو المهم أساليب فرض القانون المهم المجتمع يكون مقتنع بالقانون وبالتالي بصير فرض القانون سهل.
طبعاً هون في حالتين إما ينحط القانون على كيف المجتمع (الأغلبية) أو يتم تثقيف المجتمع ونشر الوعي بأهمية هالقانون وبالتالي الوصول لنفس النتيجة (موافقة الأغلبية).
عنا بالموقع منتبع الأسلوبين الأعضاء الفعالين بوافقوا عالقانون وبعدين منحاول نقنع باقي الأعضاء بهالقانون, وطبعاً بما انو هالقانون مو الزامي (بمعنى انو العضو اختار يوافق عليه لما اشترك بالمواقع, وممكن ينسحب من الموقع ايمتى مابده) فبظن مافي مشكلة.

أنا مع أنو يكون في زيادة بمستويات العضوية ولو لمستوى واحد زيادة فقط
مثل عضو نشيط مثلا هاد بين العضو العادي والعضو الفعال
أما المستويات الإدارة فهيك أحسن شي

انا رأيي من رأي فؤاد : الفكرة مو بكيف بنطبق القوانين ، إنما هل رح نتلزم فيها من الاساس او لأ.

بمعنى آخر لو كان كل واحد رح يسجل بيقضي وقت بالمنتدى وبيشوف المشاركات وطبيعة التفاعل بين اعضاء المنتدى وبيقرأ شروط التسجيل والقوانين منيح قبل مايسجل وبعدين لو اقتنع فيها وطبقها على موضوعو الجديد قبل مايضيفو ،، ساعتها بنكون حلينا كتير مشاكل ووفرنا من زعل الاعضاء ومن جهد المشرفين الشي الكتير