بحثالمحتوياتتسجيل دخولفي الموقع حالياهناك حاليا 7 أعضاء و 21 ضيوف في الموقع.
الأعضاء المتصلون |
لا تلعب بنا أرسل من قبل mpcabd في الجمعة, 2008/06/20 - 3:24pm.
السلام عليكم ورحمة الله وبركاته ... والله شيء محزن يحز في نفسي ما آراه بين شعوبنا العربية, والقصة تبدأ كما يلي: كلنا يصله يوميا ً عدة رسائل Spam على بريده الإلكتروني, وأغلبها يتم حذفها تلقائيا ً من برامج منع الـ Spam عند مخدمات البريد الإلكتروني, إلا أن الظاهرة التي منذ فترة ألاحظها هي وصول رسائل لا يعدها البعض Spam إلى بريدنا الألكتروني, هذه الرسائل تتراوح مواضيعها غالبا ً حول نقاشات دينية, وقد تكون في بعض الأحيان صورا ً لأشياء حدثت أو يتوقع حدوثها, كما قد تكون مواضيع تقنية خاطئة. إن من ينشر هذه الرسائل ببراءة يعتقد أنه يقوم بتنبيه الناس لأمر عظيم سيحدث, فمثلا ً أعتقد أن أغلبكم وصلته رسائل عديدة عن عدم التكلم أو استخدام جهاز الخلوي أثناء شحنه, وقد تكون الرسالة مزودة بقصة شاب في العشرين من عمره احترق لأنه استخدم جهازه الخلوي, وقد يتم تزويد الرسالة أيضا ً بصور كاذبة وملفقة وذلك لدعم كذبتها. كما أن أغلبكم وصلته رسائل تفيد بأننا سوف نضطر لدفع الأموال مقابل بريدنا الإلكتروني عند MSN وذلك لأنهم قد وجدوا الكثير من الناس لا يستخدمون بريدهم, كما تكون هناك وصلة في آخر الرسالة تقول لك: "اضغط هنا وادخل إلى بريدك الإلكتروني حتى لا تدفع مقابله", وبالتالي تسرق كلمة السر الخاصة بك وأنت تضحك وتلعب. كما أنه ينتشر رسائل تقول لك: الهولنديين يصوتون على منع القرآن في هولندا, ادخل هنا (مع وصلة) واضغط على Nee لكي تصوت بــلا, وعندما تقوم بترجمة الصفحة بأي طريقة ستجد أنها مثلا ً تصويت لفتح مدرسة في مدينة ما, أو أنه قد يكون قرار إلغاء وجبة غداء مدرسية من إحدى المدارس, وتكون قد أكلت المقلب. كما أنه مثلا ً في الأسبوع الماضي وصلني (كما أنه وضع موضوع هنا وتم حذفه مباشرة ً) أن الشمس ستشرق من الغرب على كوكب المريخ, وقد أثبت العلماء رياضيا ً وفيزيائيا ً وفلكيا ً أن هذه العملية ستتم على كل كوكب لمرة واحدة على الأقل في حياته, وكما نعلم فإن من علامات الساعة الكبرى طلوع الشمس من مغربها على كوكب الأرض, وليس اعتراضي على أي من الكلام السابق, لكن اعتراضي على أن الرسالة تقول أن المريخ سيقف عن الدوران ويدور بالاتجاه المعاكس لتحصل له هذه الحادثة يوم 30 تموز لعام 2008! أي بعد عشرة أيام! رسالة أخرى تروي لك قصة طفلة بريطانية ولدت وهي تعرف اللغة العربية (مع أن أبويها بريطانيين), وأنها قرأت القرآن وأسلمت في عمر الخمس سنوات!!! وقد تلحق الرسالة بالصور, وقد تصل أيضا ً لأن تعطيك أسماء مفصلة للعائلة.
ما العمل؟ قبل أن تقوم مشكورا ً بإرسال اي رسالة من هذا النوع, رجاء ً تأكد منها, والتأكد يكون بسؤال أهل العلم عن المسائل العلمية والبحث في الإنترنت, فلا أعتقد أن حادثة شروق الشمس من المغرب على المريخ لو كانت صحيحة موجودة فقط في المنتديات العربية!!! والقصص التي تأتي مع أسماء الناس فبمجرد البحث عن الاسم ضمن المواقع لن تجد له دليل, وبمجرد البحث عنه في المواقع العربية ستجد أن آلاف المنتديات تتكلم عن نفس القصة! إذا كانت الصفحة التي وصلت لها من الرسالة بلغة لا تفهمها ترجمها للغة تفهمها, وأبسط طريقة ان تستعمل أدوات Google للغة, وعندها ستفهم ما هي الصفحة وعلام توافق! الأخبار التقنية التي تمس شركة ً معينة لا بد ان يكون لها مصدر ضمن هذه الشركة, فأخبار Microsoft لن أحاول البحث عنها ضمن شركة Apple! لذلك فاي خبر متعلق بشركة معينة ابحث عنه ضمن موقع الشركة. الأخبار العلمية حاول أن تفكر فيها ولو قليلا ً فأنت مهندس (ضمن مجتمع منتدانا وكليتنا) فلا يجب أن تمر عليك هذه الأمور دون أن تفكر فيها, فمثلا ً انطلاق شحنة كهربائية بقوة 100 KV من جهاز خلوي موصول بتيار 220 V وبعد المأخذ يوجد محول من 220 V إلى 9 V, كيف مر التيار؟ ومن أين نبع؟ امرأة تموت لأنها نامت أمام جهازها الخلوي, فأبعد جهازك الخلوي عنك عندما تنام!! هل تعلم أن شركات الخلوي مجبرة على التزام حدود لمجالات إشاراتها ومعيارات سلامة قياسية بحيث لا تكون إشاراتها مؤذية على المدى الطبيعي؟ فكيف ماتت المرأة؟
رجاء ً تأكد من الأخبار والرسائل قبل أن تزعج بها بريدي الإلكتروني.
الأمر الذي تحدثت عنه يتعلق بالجهل الذي ما زال أغلب الناس مصرا ً على التمسك به, فكل من سمع كلمة دين اعتقد أن الكلام الذي يليها لا تشوبه شائبة, ما زالت الشعوب العربية وبنسبة ليست بقليلة يعمها الجهل بهذه الأمور, فإذا بدأنا بإصلاح أنفسنا أرجو أن يتم إصلاح مجتمعنا بعدنا. أرجو أن يرتقي مستوى تفكيرنا في هذه الأمور لكي لا يضحك علينا من لعب بنا وبدأ الرسالة من عنده وانتظر ليرى رسالته وصلات الآلاف وهي كاذبة. انتبهوا رعاكم الله.
ملاحظة: لا تردو بمشكوررر والله يعطيك العافية, يعني يا ريت يلي عندو حل تاني لهيك مشاكل يعرضو, ويا ريت الكل يتفكر بيلي حكيتو لأنو مشكلة والله كبيرة. ( عام )
 في خطوة كمان ممكن تفيد , وهي إنو لا نعمل Forward لأي إيميل بيوصلنا فورا ً دون التأكد من مصداقية المعلومات يللي فيو!  في خطوة كمان ممكن تفيد , وهي إنو لا نعمل Forward لأي إيميل بيوصلنا فورا ً دون التأكد من مصداقية المعلومات يللي فيو!
اي والله هاد الحل لحالو شغلة أنا أصلا بتدايق من كل ايميل بيبلش يأمنوني فيه أنو بعتو للكل وأنك كسبت مدري كم مليون حسنة و و و و وأنا بدوري بحذفه دغري خصوصا ً يللي بتحوي مواضيع دينية , أوقات بيحطولك بآخر رسالة " ارسلها لـ 100 شخص خلال "؟؟" دقيقة تكون قد كسبت "؟؟؟؟؟" حسنة !" فوقتها فورا الشخص يللي وصلو هالايميل بيعمل Forward لكل الـ Contacts يللي عندو بدون ما يتأكد من إنو هالموضوع صح ولا لأ ! برأيي اذا كل واحد عمل هيك , ممكن ينحل جزء كبير من المشكلة . اذا حدا عندو حل آخر ممكن يفيد يا ريت ما يبخل علينا . 
 أنا عندي حل (فيو ربح تجاري) و موجه لوكالات الأخبار: إذا كل وكالة أخبار (أو موقع إنترنت تخصصي) بتشوف إيميلات حسب إختصاصها و بتتأكد من صحتها (بالتفصيل الممل) ولما بتلاقي أنو الخبر صحيح، بترسل نفس الإيميل و بترفق بنهايتو وصلة مرتبطة بصفحة (ضمن موقع هالوكالة) فيها المعلومات الكاملة اللي بتأكد صحة الخبر (للإطلاع)، وهيك بتزيد هالوكالة من مصداقة أخبارها (وبالتالي هي بتكون ربحانة). وحتى ممكن تفتح قسم ضمن موقعها بيحوي الأخبار اللي تم التحقق منها و طلعت خاطئة...
لأنو مو كل واحد منا فاضي يتأكد من كل خبر بيوصلو.  هي المشكلة أكبر من مجرد موضوع تمرير الايميلات أو نسخ المواضيع بالمنتديات, المشكلة بطريقة تفكير الأغلبية الساحقة بمجتمعنا ويلي فينا نسميها تفكير متخلف. بالنسبة للخبر تبع المريخ أنا حذفته (لأنو الخطاب الي فيه كان ديني) بس كنت حابب علق عليه لأنو عنجد شي مو طبيعي: معقولة؟ لهالدرجة وصلنا؟!
هي المشكلة أكبر من مجرد موضوع تمرير الايميلات أو نسخ المواضيع بالمنتديات, المشكلة بطريقة تفكير الأغلبية الساحقة بمجتمعنا ويلي فينا نسميها تفكير متخلف.
حكيك تمام وأنا ما هدفي من هالمدونة غير رفع مستوى التفكير بين الناس يلي بعرفهم, وبالتالي بدورو كل واحد بيرفع مستوى تفكير يلي حواليه وبيمشي الحال.
 في مواضيع احلا  هي الشغلات يللي البعض بيستغل فيها سذاجة بعض الناس مو بس موجودة عالإيميلات.....أحياناً بتلاقي موضوع بشي منتدى إنو كيف بتسرق إيميل واحد و بيعطيك شرح و لعي و حكي فاضي و بكون من ضمن هالطريقة إنو تبعت رسالة لإيميل معين فيها الإيميل يللي بدك تسرقو بس لازم يكون فيها إيميلك و كلمة السر تيعك مشان ياهو أو الهوتميل يصدقك إنك مضوع إيميلك و بدك تسترجعو  قصة الفتاة العمانية التي تحولت لعنزة مشوهة لانها استهترت بقراءة القرآن ------------------ قصة الشاب الذي فتحوا قبره بعد 3 ساعات فوجدوه متفحما من اثر عذاب القبر ونشرت صوره ------------------ صورة لحديقة بالمانيا وقد كونت جذوع الاشجار على الجانبين شهادة التوحيد مع الادعاء ان المانيا قد اغلقت الحديقة ----------------------------------- في احد المستشفيات الامريكية جهاز رسم القلب لأحد المرضى يرسم كلمة الله -------------------------------- صورة الشيطان في أحداث 11 سبتمبر ------------------------------ كل الأخبار اللي فوق هي أخبار كاذبة .. مالها أي أساس من الصحة إذا حاولنا البحث عنها وإنما هي مجموعة ملفقة من الصور والأحداث "ذات الطابع الديني" تستهدف عقول الشعوب العربية الإسلامية"بشكل خاص" .. التي تنتظر الخبر الذي له صدى أو له أثر قوي على الناس حتى تكون هي صاحبة هذا التأثير ..للأسف لم نتعلم في مدارسنا أو في مجتمعاتنا أن نتوثق من صحة الخبر .. وهذا ما نراه أمامنا هنا في أصغر مجتمع "منتدانا" عندما أي عضو "جديد" يقوم بإضافة أخبار غير موثوقة .. دون البحث عنها .. ثم يتعلم أن يبحث عن أي شيء قبل تصديقه ونشره.. وللأسف هذه الأخبار لا تنتقل فقط عبر الايميلات أو الانترنت وإنما تصبح أحاديث الناس فأنا شخصياً سمعت معظمها من الناس وليس من الايميلات .. الحل .... التوقف عن إرسال هذا النوع من الفوروردات .. وإعلام أكبر عدد من الناس أن هذه الأخبار ملفقة .. لتخريب العقل العلمي العربي ..  ما تسمعو الخزعبلات اللي بسمعها من بعض الناس ... بيشيب راسكون ... أكثرها طرافة أنو قال في وحدة ضلت محتفظة بلعبتها لحتى كبرت .. و بعدين مدري كيف انثت الروح بهاللعبة و قامت و حرقت صاحبتها .... بعتقد أنو هالمشكلة مالها حل كتير ناجع .. لأنو أغلب اللي عم يبعتوها مقتنعين أنو الإيميل اللي عم يبعتو أمر إلاهي و لازم يتنفذ ... أو معجزة إلهية و من الضروري تنتشر .... للأسف ... هاد حال عقول أغلب أفراد مجتمعنا ..... الفكرة أنو غيروا يلي بتقدروا تغيروه ورح يصيروا الناس يحسوا بأهمية هالشي. مزبوط يعني في اشياء يمكن تكون مزبوطة..يعني مش كل شي صح بس كمان مش كل شي غلطي.يعني المطلوب انو نتاكد من صحة المعلومة قبل ما ننشرها..بس مش هون المشكلة,المشكلة في هي قديش احنا كشعوب عربية عم يستهان فينا وقديش عم نستغل,والناس مش منتبها يعني هيك اشي اهدافه كبيرة وخطيرة,منها الهاء الناس عن كتير شغلات مهمه,وانو يضل الشعب العربي بنفس المستوى"المتخلف جدا"في التفكير  Beautiful Russian Woman Wants to Marry Me!!
>>From: wendy
>>Reply-To: wendy@thaibestmail.info >>To: beleneagle@hotmail.com >>Subject: Your FaceBook >>Date: 5 Aug 2007 15:04:58 -0700 >> >>Hey there, My name is wendy >>I noticed your online profile i was wondering >>do you have facebook or can we chat on IM? ... A week later I get this extensive email reply but from a different name as well from a completely different email address: Hi my new friend هي وحدة روسية اشتهرت كتير قصتها وانا وصلتني رسالة منها كمان انا اول شي استغربت محتوى الرسالة بس لما فتت على غوغل اكتشفت هالشي . انا حطيت الرسالة بس منشان إذا بدكم تدورو على القصة كاملة المهم انو هيك شي ما فينا نوقفو لانو متل الطاعون ومالح يوقف . صحي لازم يغيرو الموضوع ويصير لا تعلم عليي wazzz و hackerintheworld الموضوع مو عن هدول الرسائل يلي هي Spam عالمي, الموضوع عن الرسائل يلي العرب بيطلعوها والهرب بيصدقوها والعرب بيجدبوها فيها, أما هي الرسائل يلي عمتجيكم هي يلي فيك تسميها Spam رسمي. كإنو الموضوع تحول لمناقشة الخزعبلات و الخرافات.....اكيد في عنا كتير من هالقصص يللي بتختلف الدوافع لإنشائها بس مو معناه إنو إذا شغلة ما شفناها أو عقلنا ما بيتحملها أصبح هي كذب....  يعني كلامكم كافي و وافي و بدي وضح شغلة أنو جهل الناس بقيمة الإسلام و تعاليمه و الإعجازات الموجودة فيه بتخليهن يدوروا على خزعبلات و أشياء بيعتقدوا أنها معجزة ليبرزوا عظمة الله  مافيني ضيف شي ع اللي حكوه الشباب والصبايا مرت فترة عملت هالقصة قصتي وكل ماحدا يبعتلي ايميل ( أحاديث أغلبها موضوعة ومواضيع متل قصة المريخ ) دور عليها ازا صحيحة أو لأ وبعدين ارجع خبر اللي بعتلي اياه انو موضوع غلط ( وخصوصا قصة الأحاديث الموضوعة لانها كتير مهمة ) بس يعني مو دايماً الواحد بيكون عندو وقت ليعمل هيك فبطلت اعمل Forword إلا فيما ندر واز بتسمحلي عبد بدي انسخ موضوعك وابعتو لأصحابي وازا ممكن الكل يعملو نفس الشي بلكي كم حدا من اللي رح توصلون هالرسالة بيبطلو يعملو هيك أنا ما عندي مشكلة, يعني لو مو محروق قلبي ما بكتبها, لذلك يلي بيحب ينسخ أي قسم بدو ياه (بدون ما يغير المعنى العام) ويحطو بمدونتو بغير موقع, أو بيعتو لرفقاتو (بشرط ما تصلني  من فترة قريت مقالة ناسي وين إنو المسلمين و خاصة العرب هنن لساعدو على انتشار الصور المسيئة للرسول(ص) بطريقة غير مقصودة بس كتير غبية  من فترة قريت مقالة ناسي وين إنو المسلمين و خاصة العرب هنن لساعدو على انتشار الصور المسيئة للرسول(ص) بطريقة غير مقصودة بس كتير غبية
تحت شعار(شوفو شو عم يساوي الأوربيين). طبعا هيك موضوع مالازم نسكت عنو بنوب بس مو نقعد ننشر الصور كمان. هي الفكرة يلي كنت حابة ضيفها الفكرة أنو واضع هالصور عم يستغل براءة أو سذاجة العرب لما بيشوفوه هيك صور وبيرحو دغري بيعملولها Broad Cast لكل العنوانين يلي عندون ظانين انهن عم يكشفوا الغرب وإسائتهن..بس بعدين ليدركوا انو هالشي لمصلحة يلي يرسم هيك صور بحيث انها بتساعد بنشر الصور بشكل أسرع  شكراً عبد الله على طرح هالموضوع، فشيتلي ألبي شوي..
لأ هنن يعني علماء الدين يلي أثبتو هالشي
بس مزبوط حكيهم :http://www.elnaggarzr.com/?l=ar&id=32&pid=91 http://www.ahlalhdeeth.com/vb/showthread.php?t=55089
لأ هنن يعني علماء الدين يلي أثبتو هالشي
بس مزبوط حكيهم :http://www.elnaggarzr.com/?l=ar&id=32&pid=91 http://www.ahlalhdeeth.com/vb/showthread.php?t=55089 الفكرة بمثال lool هو النقاش والطريقة العلمية بالتفكير وثقافة العناوين يعني الواحد بيسمع عنوان وبفسر من عنده. أو بيطرح العنوان بدون مايكون فهمان شو المضمون وهيك ممكن يحكي العنوان غلط أو يشرح غلط لما حدا يسأله شو قصدك. متل بمثال المريخ كمان الخبر بيستند على ظاهرة علمية بس التفسير والاستنتاج كله غلط لأنو مبني عالعنوان فقط.
لأ هنن يعني علماء الدين يلي أثبتو هالشي
بس مزبوط حكيهم :http://www.elnaggarzr.com/?l=ar&id=32&pid=91 http://www.ahlalhdeeth.com/vb/showthread.php?t=55089 الفكرة بمثال lool هو النقاش والطريقة العلمية بالتفكير وثقافة العناوين يعني الواحد بيسمع عنوان وبفسر من عنده. أو بيطرح العنوان بدون مايكون فهمان شو المضمون وهيك ممكن يحكي العنوان غلط أو يشرح غلط لما حدا يسأله شو قصدك. متل بمثال المريخ كمان الخبر بيستند على ظاهرة علمية بس التفسير والاستنتاج كله غلط لأنو مبني عالعنوان فقط. يعني المفروض lol ما تطرقت لهيك موضوع بالاصل , لانو هالموضوع محسوم من قبل . الموقف يلي صار مع lool واقع فيه شي ستين مرة, وللأسف مع مهندسين وأطباء ومتعلمين ومتدينين. أول شي بعتذر عن طرح مثال ديني مو مكانه وممكن يكون مثار جدل .. وبفضل إذا بده يعمل نقاش إنو الإدارة تحذف المثال والتعليقات اللي نتجت عنه.. |
)
© 2004-2008 CSC-SY
فعلا ً معك حق والله , أنا أغلب الايميلات يللي بتوصلني عادة ً تصنف كـ spam !!! وخصوصا من منتديات عربية !
والغريب بالموضوع انو بتصلني من منتديات أول مرة بسمع فيها
شي فضيحة فلان الفلاني مع فلانة الفلانية ! وأشياء كثير الها علاقة بالدين أغلبها غلط !
فعلا ً , أرجو من هواة ارسال مثل هذه المواضيع (Spammers) التأكد من صحة الخبر الذي ينقلوه , وإلا فلا داعي لأن يكون له مكانا ً في الـ Inbox لدينا .
ملاحظة :مرة وصلتني رسالة كثير محرجة من أحد المنتديات العربية , ففورا حبيت رد عليها , فبعتلهم رد مدلل ! وبعد فترة قليلة رجعو بعتولي يمكن فوق الـ 10 رسائل أسوأ من يللي قبلها ! (يعني كأنو الشغلة صارت جكارة )!
ما يمكنني قوله هو : اتقو الله جميعا ً في عقول الناس .