CSC-SY

وصلني ايميل من الجمعية

بيقول أنو مع بداية الشهر القادم رح يخفضوا اشتراكات الأنترنت ....

الأشتراك العادي 27 ساعة بـ 500 ل .س فقط
والمخفض 13 ساعة بـ 250 ل . س فقط

وكل الاشتراكات الأخرى انخفضت اسعارها كمان

لذلك مبروك للجميع ..........

عقبال ماتصير الساعة بـ 1 ل . س فقط ...

أنا كمان وصلني نفس الايمايل
منيح .. بس اذا الانترنت رح تضل على هالنشح ، بعد كم شهر لازم الجمعية تدفعلي مشان يقنعوني ضل على خط الجمعية

ماشي ... إتفقنا

كتير منيح بس لنشوف شو رح يصير لما بتنزل الشركات المنافسة هي إذا ما مشوها على كيفهم

آخ مالي مصدق ايمتى تنزل شركات منافسة .....

بس المهم تكون منافسة ............ لترخص الأسعار .

والله يا شباب لازم نطالب بتعويض عن كل أيام هالخدمة السيئة يلي عم نعاني منها، وكل مرة بينّفخ قلبو للواحد لينزلو شي ملف من الانترنت..
ومن ناحيتي، تفتح أي شركة منافسة بدي انتقل لإلها حتى لو الجمعية دفعولي مصاري لضل مشترك فيها..

لك أنا خايف أنو اذا صار في منافسين يخلوهم يخضعوا لشروط فايتة بالحيط مثلا يخليهم يحجبوا FTP ....ومن هالقصص

أكيد طبعاً ما رح يخلوهم مرتاحين
بس الحمد لله حالياً القصص بلشت تنفتح ويفترض تتغير شوي سياسة الحجب .. على أمل توفر خدمات جديدة مستقبلاً وفتح كل الخدمات المحجوبة

على حد علمي إنو ما ممكن نشترك بخط انترنت للجمعية إلا إذا كنا سنة رابعة و ما فوق ، فها الحكي صحيح و لا لاء : ، و إذا كان هيك ، و بما إني أنا مشتركة بخط بريد عادي ، فهل بتنصحوني ، اشترك بخط الجمعية ، لأن حسب ما شفت كلامكم ما بيشجع كتير

كتب imessa7:

على حد علمي إنو ما ممكن نشترك بخط انترنت للجمعية إلا إذا كنا سنة رابعة و ما فوق ، فها الحكي صحيح و لا لاء : ، و إذا كان هيك ، و بما إني أنا مشتركة بخط بريد عادي ، فهل بتنصحوني ، اشترك بخط الجمعية ، لأن حسب ما شفت كلامكم ما بيشجع كتير

هالحكي مانو صحيح ، حاليا كل الناس بتقدر تاخد خط ، كل مين معو هوية بيقدر يقدم طلب ويشترك وهوي واقف

أما بالنسبة للنصيحة فما بعرف : في ناس بتقول إنو الجمعية أحسن من البريد ، وفي مين بيقول إنو البردي أحسن من الجمعية ، بس كلو متل بعضو

انت الصادق الأتنين أتعس من بعض ....

رحت عالجمعية اليوم لحتى ادفع فاتورتي قام طلع زايدلي عندهم وههن دفعولي

شلون صارت هي؟