CSC-SY

برايكون شو هي الطريقة الانسب لتعلم الشغلات الجديد وخصوحا بمجالنا نحن إن كان برمجة (لغات جديدة) او أي برامج تانية Graphics او أي شي تاني
انا بحس انو هدول الشغلات مو ضروري الواحد يتعلمون بدورة فيو يتعلمون لحالو فشو رايكون انتو انا اكيدة انو الكل متعلم شي من هالشغلات و مجرب كزا طريقة فياريت تخبروني شو هي الطرقة الاحسن للتعلم
(فيديو – كتب الاكترونية – كتب عادية – دورة في معهد ما-مواقع انترنيت)

أنا جربت كل الطرق يلي ذكرتيها
والأكثر فائدة بالنسبة لل Graphics :
الدروس الجاهزة (فيديو-دروس مكتوبة)
والكتب الإلكترونية الأجنبية(حصرا)
أما مواقع الأنترنت فهي مفيدة في الإجابة عن سؤال أو استفسار وليس التعليم
وأخيرا المعاهد.........مو نصيحة أبدا

الطريقة مو مهمة بقدر أهمية تصميم الشخص و إرادته و صبره " في حالات التعلم الذاتي"
أول الشي التصميم على التعلم بعدين ما توفري شي من اللي بصحلك
و أكيد الواحد ما رح يحمل عشرين بطيخة بأيد وحدة
يعني بكون حاطط بباله يركز على تعلم شغلة على الأقل
فيستغل شو بيقدر يوصله من هلشغلة سواء كان من كتب أو مواقع أو تعليم بالملتيميديا لحتى يتكون عندو خبرة و إطلاع أعمق و ما يعتمد على مصدر أو مرجع معين
بشكل إفتراضي :
الملتيميديا: بتعلمك خطوات معينة أو بتعطي نظرة عامة عن الموضوع
الكتب ( مافي فرق بين عادي و إلكتروني) : أكثر قدرة على التعليم بشكل أوسع و إيصال المفهوم الأكاديمي و النظري
المواقع : تعطي أمثلة و أفكار جديدة

نسيت قول إنو دورات المعاهد مجرد إختصار للوقت برأيي يعني بالنهاية إذا ما اشتغل الشخص بإيدو ما رح يستفيد شي سواء بمعهد أو بغيرو فإذا كان الواحد بدو يتعلم شغلة على السريع " خلال الصيفية مثلا " و ما كان عندو الوقت الكافي للتعلم الذاتي فدورة بالعهد هي خيار جيد جدا
و أكيد أفضل شي بخلي الشخص يستفيد و يثبت الشي اللي عم يتعلمه هي بناء مشاريع حقيقية " بغض النظر عن الموضوع اللي عم يتعلمه "

أنا بأيد BlackSigma بكل كلمة قالها
بس كأنو بعض الشباب شايفين انو المعاهد لازم تكون آخر الحلول و انها الأقل فائدة

بس على سبيل المثال شخص (متلي) دخل عالكلية ولقى انو في نقص كتير كتير كبير بمعلوماتو الأساسية ، لحتى يستدرك الأمور ويرمم نفسو شوي بظن الدورات هي الخيار رقم واحد بالنسبة الو

بعدين كون الدورات بتختصر الوقت و الجهد ليش منخليها آخر الحلول؟؟

أنا رح قلك ليش خليت المعاهد آخر الحلول، حسب تجربتي :
لأنك وقت تسجل في دورة من الدورات..........بالتأكيد لن تكون لوحدك
ستكون مع مجموعة، وأفراد هذه المجموعة ليسوا جميعا بنفس المستوى
وبالتالي ستكون سرعة الإعطاء بسرعة أبطأ فرد من أفراد المجموعة(من حيث الفهم)
الوضع في المعاهد مو نفسو بالجامعات
الكل لازم يفهموا لأنو الكل دافعين $$$
يعني يلي عم يدرّس مافي يتجاوز الفكرة قبل ماالكل يفهمها
وبما أنك لاتختار أفراد المجموعة بنفسك ، فإنك لن تستطيع التحكم بالسرعة

أما إذا كنت تدرس لوحدك ففهمك يحدد السرعة
ومابعتقد في شي مستحيل تتعلمو لوحدك ، ماأغلب مواد الجامعة الوضع فيها هيك

من أهم الأمور قبل أن تتخذ الكتب أو دروس الفيديو أو أو يجب أن يكون الانسان على علم بأكبر قدر ممكن من الشئ الذي يريد أن يتعلمه بشكل ذاتي و أن يحدد مالذي يحتاجه

و أهم شئ المنهجية في التعلم الذاتي ، فمثلا

 على مستوى الكتب الالكترونية بالنسبة للغة C# .NET :

 هناك العديد من الكتب المفيدة من عدة دور نشر مثل SAMS - Apress وغيرها عندما أحصل على 4 أو 5 نسخ من عدة كتب تتحدث عن هذه اللغة و ميزاتها أقوم بما يلي : حصر محتويات كل كتاب و من ثم المقارنة بين المحتويات لكل الكتب و من ثم انشاء فهرس خاص بي يضم جميع الأمور عن اللغة بدون أي تكرار و بالتالي أكون قد حصلت على كتاب شامل للغة

كــــــــــــــيف بنتعلم؟؟؟

أكيد الجواب نسبي يعني حسب الطبيعة الدماغية والقشرة المخيةلكل طالب فمتل مو الكل بيعرف

في ناس سمعيين وفي ناس بصريين

فالطالب السمعي هو يلي بحب الحضور وبيفهم المعلومات يلي بيسمعها

 أما البصري يلي بيعتمد  عالكتب والقراءة لحالو بدون ماحدا يشرحلو وبحياتو مابيفهم مزبوط على أي إستاذ أو محاضر(يعني متلي تقريبا)

بالتالي أي طالب أكيد بيعرف حالو من أي نوع وعلى هالأساس بكمل!

اي صج هاد الحكي بس في كتير كتب او دروس فيديو بتفوت الواحد بالحيط بدل ماتعلمو بشكل صحيح يعني الا مايحتاج الواحد انو يعريف من وين لازم يبلش خصوصي ازا كان مبتدا

بتوقع قصة الاختلاف بكيفية البدء أو مصدر التعلم ناتجة عن اختلاف المعلومات السابقة كل شخص عن الآخر