CSC-SY

السلام عليكم
أنا تخرجت هي السنة من السعودية وجمعت 213 بعد ما شالوا 10% و خصموا من العلامات
سؤالي:
ما مدى صعوبة هذا الفرع يعني و كم يحتاج من ساعات دراسة في اليوم أثناء العام؟
وهل الرياضيات و الفيزياء فيه معقدة؟
فكما تعلمون أنا من خريجي السعودية والمناهج هناك ضعيفة فهل أحتاج دروس خصوصية؟

جاوبوني أرجوكم

وهذا كله إذا طلعتلي لأنه السوريين المغتربين لهم مفاضلة خاصة (فيمكن في أمل)

أنا أنصحك بالمعلوماتية فرع رائع (-إذا كان عندك ميل للدراسة فيه-)
بالنسبة لأنك جايي من السعودية رح تتعذب بالرياضيات شوي بالسنة الأولى
اللي رح تكون أصعب سنة عليك بس إذا شديت حالك شوي بيمشي الحال وبعدين بتهون.

يا أهلا و سهلا فيك بأي فرع كنت رح تدرسه و في حال كان المعلوماتية ، فأكيد رح تتعذب شوي بمواد الفيزياء و الرياضيات ، بس كمان بيمشي الحال بشوية دورات متل ما قلت ، و كمان هالكلام بيعتمد لأي جامعة رح تنتسب لأن في شوية اختلافات بالمواد و أسلوب الإعطاء و العمل بين كل جامعة و جامعة ، بس بشكل عام فرعنا هون بيعتمد كتير على إنك تعتمد على حالك شوي و كل ما تعبت أكتر (طبعا مو قصدي على الدراسة، قصدي الشغل اللي عنجد اسمه معلوماتية ) كل ما لقيت أكتر ، و إذا تحددت الجامعة اللي رح تنتسب إلها بيقدر وقتها أعضاء المنتدى من نفس الجامعة يساعدوك أكتر ، بس نصيحة ، حاليا و بدون أي تحيز أفضل فرع عنا هو المعلوماتية

الحمدلله صرنا اتنين

بظن كليتنا من أكتر الكليات اللي بدا شغل عدا الحضور و الدراسة يعني دائماً في عندك وظائف و مشاريع و برامج بدك تساويها بجوز هي شغلة منيحة بالكلية مشان الخبرة العملية
بس بالنسبة الي أنا بحب بس روح وقدم الفحص (بجوز مشان هيك ما عم يمشي حالي)

at first informatic is easier than elecetrical and mechanical for u
and it depends on which city u want to stay in
for example in homs there are more math and Physics subjects
here in damas we have less subjects

ذكرتني بحالي : أنا كمان كان عندي نفس النسبة وطلع نفس المجموع أيامها (لكل اللي مابيعرفو أنا كمان خريج السعودية)

بالنسبة إلي عانيت من الرياضيات ، الاساس اللي كان عندي واللي عندك ضعيف ، بس لو تعبت على حالك رح تلاقي نتيجة ، بشكل عام كل الفروع بدها دراسة ، ومتل ماقال M-Ramy بتفرق من جامعة لجامعة : هلأ عنا صارت مواد الرياضيات والفيزياء قليلة ومانها صعبة بعد الاختصارات والدمج اللي صار بالمواد ، علشان هيك لاتحمل هم هالمواد لإنو مافي شي صعب مع الدراسة ، وإن شاء الله مارح تحتاج أية دروس خصوصية

أهلا و سهلا بكل الطلاب الجدد و المعلوماتية فرع صعب كتييييييييييييييييييييييييييييييير و مشان هيك حلو كتييييييييييييييييييييييييير لأن الفرحة بالنجاح ما بتتحقق إلا بعد ما بتشوف الويل و على كل حال الفصل الأول من السنة الأولى أصعب شي و بعدين النجاح أتوماتيكي(طبعاً للمهتمين و المتابعين) بس صدقاً أحلى شي عنا هو احترام الدكاترة إلنا هادا رأيي بشكل خاص
و أهلا و سهلا مرة تانية

يا شباب أنا غالباً في دمشق إن شاء الله

لكان عدد مواد الرياضيات و تافيزياء أقل وبتضل المعلوماتية بالنسبة إلك أسهل من فروع الكهربا و الميكانيك مع أنو الكلية عنا عم تصعب يوم بعد يوم

مرحبا يا أبو الشباب :أنا طالب هندسة معلوماتية سنة ثانية و رح قللك كم شغلة :
1-المعلوماتية هي أفضل فرع في الوقت الحاضر وإها مستقبل ممتاز إن شاء الله
2-الطب البشري و الأسنان و الصيدلة أصبحت فروع تقليدية و الي بيجمع أكتر بيفوت الفرع الأعلى دون الإهتمام بالرغبة (و هذا غلط فادح من الاهل و الطالب)
3-الكلية ليست بالصعوبة الخارقة و لكنها صعبة نوعاً ما و تحتاج دراسة عدة ساعات في النهار حسب الجهد و الاهتمام الشخصي (كما باقي الفروع العالية .... ولا تنس انك عم تدخل على فرع من الغروع الاولى على القطر و بالتالي ستكون الدراسة
شيء أساسي وفقك الله و السلام عليكم ورحمة الله و بركاته .
أبو الخل

وبعدين أكيد تحسين نوعية حياة الناس بشكل عام أهم من إنقاذ حياة شخص أو تنين.
أنا ماعم قول أنو مالازم يكون في أطباء بس عم قول أنو هالمهنة مو متل ما بصوروها أنو إنسانية كتير.
في مهن تانية أهم و بتخدم البشرية و الإنسانية أكتر بمليون مرة و من بيناتها البرمجة.

هذا رأي شخصي وما في داعي تعطوا الموضوع أكبر من حجمه

متل ماقال همام : الموضوع وجهة نظر ورأي شخصي ومافي داعي نكبر الشغلة كتير

شو القصة هاليومين كلو بدو يخانق ؟

خلونا نلتزم بموضوعية الحديث ومانبعد كتير عن الموضوع الاساسي ، إذا كان في حدا حابب إنو يناقش رأي أو فكرة معينة ببالو فالأحسن يحطها بموضوع لحالو

أنا بدي أعتذر من المدراء بس لازم رد على strontium90 لأنو ما عم يكون موضوعي بردوده.

بالبداية تطلعتوا عن الموضوع كتير

يعني كنتوا عم تحكوا على الهندسة المعلوماتية فصرتوا بالطب

وبالآخير صرتوا عم تحكوا عن الأسلحة والمخدرات ومدري شو

يعني النقاش اللي بلشتوا فيه من البداية عقيم لأنو هالنقاش أخيرا بيبقى وجهة نظر لكل واحد فينا

بشكل عام أي مهنة بالعالم اذا كانت بتساعد البشرية بأي مجال كان فهي مهنة محترمة وبتعتبر من أفضل الفروع

foaad شو مافي عنا بالكلية غير مهندسي البرمجيات يعني طلاب الذكاء والشبكات هدول شو ؟؟؟؟

عن جد foaad وهمام وhelwanif ليش حاملين السلم بالعرض.. ؟ كاتبلكن tongue-in-cheek هالقد. موضوعية شو؟ خناقة شو؟
خلص بطلت أحكي هون..

الشغلة مانها شغلة أخد ورد "ولازم رد لإنو مانو موضوعي بردودو" ، ومتل ماقال SG كنا بشي ووصلنا لشي تاني

مافي داعي نزيد ونعيد بهالقصص هاي (مين أحسن اختصاص وليش وكيف ..... ) خصوصا إنو الشغلة عما تتجاوز مجرد الرأي وعما توصل لحد النقد

بدي اعتذر من الجميع بس أية مشاركة تانية ضمن هادا الموضوع مابتتفق مع الفكرة الأساسية رح احذفها شو ماكانت الاسباب

لافضل دائما انو الواحد يدرس اللي بيحبو و ما يرد ع حدا اللي بيقول صعبة و اللي بيقول مملة هادا كلو كلام ما بيفيد شوف حالك شو بتحب و توكل على الوكيل

هلق بالنسبة للخلاف بين فؤاد و strontium9
هو انو فؤاد بيحب المعلوماتية و strontium90 بيحب الطب

فيا فؤاد الله ييسرلك
و يا strontium90 لا تضل تتذكر انك اخترت الفرع الخظئ و بتعرف انا عندي الك حل وسط
في هون بالجامعة في اختصاص اسمو Medzinische Informatik وهو اختصاص بيجمع بين الطب و المعلوماتية
سنتين طب و 3 سنين معلوماتية و بالتالي دراستك ما بتكون راحت ع الفاضي و بتكون حققت حلمك بدراسة الطب

بقا شو رأيك

هون http://www.klinikum.uni-heidelberg.de/index.php?id=1192

بتلاقي ايميل الدكتور المسؤول راسلوا و استفسر منو

و بالتوفيق