CSC-SY

كلما أخبرت أحداً بأنني سأدخل معلوماتية قال لي لا أنصحك لأن أي شخص بيعمل دورات برمجة وغيرها بيمشي حالو
مو متل الطب و الهندسة

بس يا حبيبي مو كل واحد بيعمل دورات برمجة بتقبل الشركات تشغلو عندها كمهندس
وحتى بعض خريجي المعاهد و أنا بعرف واحد كتير شاطر ما بتقبل الشركة تزيد راتبو ولا قرش
لأنو مو مهندس علماً أنو أفهم من المهندس اللي بيشتغل فيها و اللي راتبو أكتر من ضعفي راتب الأول
هاد من ناحية المرتبة
من ناحية تانية
إذا عطل عندك شي شغلة (عطل بتمديدات الكهربا مثلاً)
بتروح لعند دكتور سنان بيفهم بالكهربا
ولا لعند مهندس كهربا دارس و مختص أو أي شخص شغلتو هالشغلة :

بقا كون أكيد مليون بالمية أنو أقل من 1000000000/1 من اللي بيعملو دورات برمجة وغيرها بيمشي حالون
خاصة وأنو كل العالم عم يتجه نحو التخصصات

اضافه للكلام الي انذكر
المعلوماتية بحر كبير ومعرفة واسعة
يعني ممكن تفوت دورة جافا وفيجوال بيسك وتصميم مواقع ... وبعدين !!!
بس اذا ما كنت بجامعه ومجتمع فيه مختلفين بالخبرات
وتشوف مشاريع رفقاتك واقتراحات الدكاتره ... بتوصل لتقنيات وافكار عمرك ما سمعت ولا هتسمع عنها
من وين بدك تعرف عن شي اسمه uml أو wireless protocol أو GA أو ... الخ
اكيد ممكن تعرف من النت ووسائل الاعلام .... بس بيضل بمجتمع الكلية غير

للأسف مجتمعنا لساتوا تقليدي و ما بيفكر لبعدين و لو حتى سنة، لأن برأيي لا الطب و لا الصيدلة رح يخلوناا نلحق بالدول المتقدمة لأنها بتبقى مهن تقليدية ،و بعدين يللي بيعمل الدورات ما عندوه أي أساس علمي ، و ما رح يصير متل المهندس إلا بحالة وحدة إذا المهندس نفسه ما اشتغل على حاله ، فإذا ما كنت مستعد تشتغل على حالك و لحالك ، فبلالك هالفرع....
و بدك تراعي إنو فرعنا لساه جديد و ناقصه كوادر و خطط و مراجع و شغلات كتير ، بس شوي شوي عم يتحسن الوضع
وآخر شي بحب قلك إنو سمعنا هالحكي كتير متلك وقت اللي دخلنا الفرع ، و لسانا عم نسمعه كل يوم بس الحمد لله بظن الأغلبية غير ندمانين

بالاضافة لكل الحكي يلي انحكى :
مو حيلا واحد رح يقدر يعمل دورات و يشتغل على حالو لأنو هالشغلة
مو زي م الناس متصورين ....لأ هيي أصعب من هيك :
أصلا الدورات يلي بتصير هون بالبلد
مستوى معظمها مو عالي لدرجة تفيد بالشغل الجدي
و اذا الواحد ناوي عنجد لازم يدور على مكان بيعمل دورات و بيعطي شهادات
قوية و هاد شي بيكلف و مانو ببلاش
و بياخد مصاري كتير و عمر طويل
و بالآخر ما رح يعطوك شهادة جامعة متل المهندس النظامي

البرمجة جزء من المعلوماتية ....
ما بظن في دورات للغات الصورية و المترجمات و الاتومات و تعقيد الخوارزميات و وو ..

faith مو طرحت هالتساؤل سابقا ؟؟؟؟
شكلك كتيرمنردد !! خيو اتكل على الله و ادخول معلوماتية، خلص بقى عن جد خيلة !! بدك أكتر من هيك ؟؟

أنا كمان قبل ما ادخل معلوماتية سمعت هالحكي كتير...

رح شبهلك تشبيه يمكن قريب من الواقع
إلي عامل دورات برمجة متل العامل إلي بيبني البناء
إلي دارس هندسة معلوماتية متل المهندس إلي بصمم البناء, معلوماته بتأهله يبني و يصمم, بينما المبرمج بنفذ بس...
بالهندسة المعلوماتية مندرس مقررات كتير بتكمل بعضها, البرمجة لحالها ما بتكفي, تخيل عامل بدو يبني قصر, أكيد ما بيقدر, ممكن يبني غرفة, غرفتين ان كترت...
مهندس البرمجيات قادر يبرمج و يصمم , دراسته و أساسه العلمي بأهله حتى يقدر يتطور مع تطور التقنيات...

المعلوماتية ما خرج تندرس غير بكلية الشام لأنو ما تبقى من الكليات زبالة.

تشبيه كتير حلو

ورح اعطيكون كمان تشبيه احلى

من زمان كان الحلاق يحلق للناس و يقلعلهون سنانهم و يعالج معظم الامراض
و حاليا صار في حلاق للحلاقة وبس و دكتور سنان عادي و اخر مختص بالجراحة بيقلع الاسنان الصعبة(كاسنان العقل) ودكاترة بشري بمئات الاختصاصات

يمكن ببلدنا حاليا المبرمج(الحلاق) متل مهندس المعلوماتية(الاختصاصيون) بس كون على ثقة انو بعد كم سنة رح يصير متل قصة الحلاق

للاسف سوق العمل المعلوماتي الضحل في سوريا هو الي بيفرز هيك أفكار خاطئة

يعني نحنا اللي عم نهلك لناخد هالشهادة بالهندسة المعلوماتية ما عم نحس أنو قادرين نكون على مستوى مرتب
إذا ما عملنا دورات على مستوى متل (CCNA, CCNP , ORACLE ....)
فكيف اللي بدو يعمل هالدورات و ما معو هندسة :

لك المعلوماتية مو خرج تندرس هون أبدا ......

طب وين بتنصحو الزلمة يروح يدروس

كتب Firas:

للاسف سوق العمل المعلوماتي الضحل في سوريا هو الي بيفرز هيك أفكار خاطئة

لك يضرب هيك سوق معلوماتي ليش فينا نعتبر انو عنا سوق معلوماتي .......

أي محل إلا تشرين

سوق معلوماتي
:lol: :lol:

كيلو السيديات بعشرة فلش و ب خمسطعش تنقاية
قرب عالطيب
أصابع البوبو يا رام

:cry:

كتب SG:

كتب Firas:

للاسف سوق العمل المعلوماتي الضحل في سوريا هو الي بيفرز هيك أفكار خاطئة

لك يضرب هيك سوق معلوماتي ليش فينا نعتبر انو عنا سوق معلوماتي .......

حيرتني انت عم تحكي عن الدراسة او عن الشغل

عن الأتنين .........

الكلام إللي قلتوه عن المعلوماتية وعن الكلية كتير حلوا بس...
مع الأسف أنا كنت مفكر أنو الواحد ما بيتخرج من الكلية إلا إذا كان كتير فهمان خاصة يلي بيتخرج هندسة برمجيات يعني لازم يكون فهمان البرمجة تمام وكنت رافع راسي عنا بالشركة أني عم أدرس هندسة معلوماتية بس هلق عم نعمل مقابلات مشان نوظف مبرمجين وعم يجينا خريجين هندسة برمجيات مستواهم كتير ضعيف يعني مو الكل بس الأغلبية.
و بالنسبة للحكي اللي صار عن الرواتب أنو إذا كان معك شهادة بتاخد أكتر مو مظبوط على الأقل عنا بالشركة و بكل الشركات الفهمانة لأنو المهم أنت شو بتقدم للشغل مو شوفي معك شهادات.

SG إذا لسا ما لقيت شغل بعتلي PM

السلام عليكم أخي العزيز
صحيح أنا مالي طالب معلوماتية
بس دراسة هندسة المعلوماتية حتى بالمواد يلي بكرها الطلاب متل الرياضيات بساعدك على تكوين فكر رياضي ممكن تجعل منك مبرمج محترف بالنهاية ..
أما الدورات فتعطيك مهما كانت منظمة بداية الطريق و لا تعطيك كل ما تريده للوصول إلى الإحتراف
طبعاً الحالات الخاصة كتيرة يعني أنا بعرف واحد ماناجح بالبكلوريا و هلأ عم يشغل بأحد الشركات البرمجية الكبيرة

المعلوماتية بالشام أحسن من ميت طب و صيدلة إن كان بالشام أو بغير الشام مع إنو وضع الكلية مو كل هالقد بس أحسن من غيرها بكتير .........

يا رينوار يا عزيزي :رح قللك كل فرع شو مصيبتو ok
أولاً: الطب بدك تضل 10 سنوات حتماً لحتى نقول عنك دكتور ماشي الحال لأنو الطب بدون اختصاص متل البوط اللي بدون نعل وبعدين بدك تخدم بالريف و بعدين بدك عيادة بالشام شي مليون دولار وبعدين ممكن تشتغل و ممكن لألألألألأ .
ثانياً:الأسنان شغلة مقرفة اييييييييه شو بدك تضل طول النهار ايك بتمام العالم و الله أعلم بتمام العالم ونظافتها وو ساختها ,بعدين طول نهارك على الواقف يعني بدو يصير مع دكتور الأسنان دوالى حتماً .
ثالثاَ : الصيدلة فرع رائع و ممتاز بس الصيادلة نزعو و خللو الصيدلة أو الصيدلاني تاجر مثقف .
أبو الخل (نعتذر من أصحاب الكليات السابق ذكرها في المقال أو أقربائهم).

أنا لم أدرس في المعلوماتية و لا عملت دورات لذلك عندما أسأل عن مهنتي فلا أقو أني مبرمج

الموضوع المثار هو أشبه بمهندس دخل دورة ليتعلم قيادة السيارة، ربما أصبح أفضل من سائقي السوزوكي مهارة في السواقة و لكنه يبقى ليس سائق سيارة بل مهندس
البرمجة هي أداة تستخدم من قبل الآخينر و ليست حكرا على فئة محددة.
ولكن لا يجب أن تنسب كمهنة إلا من خلال التعليم الأكاديمي، و إلا تبقى مجرد وسيلة.

أنا كذلك أوافق الأخ زاهر بالرأي , مع أنني مهتم جدا بالعلوم المعلوماتية , ولكن رغم ذلك لم أسجل في كلية الهندسة المعلوماتية , والسبب أنني لم أهتم بكلمة مهندس ..
فهناك فرق بين مهندس ,وبين (مبرمج , أو مطور تطبيقات , أو أخصائي تقنية , أو خبير في مجال IT مثلا ) .

أدرس حاليا الصيدلة عن متعة , وأقضي جزء كبير من يومي في مجال العلوم المعلوماتية , ورغم ذلك لست حزين أنني لاأقول عن نفسي مهندس معلوماتية .. فالكومبيوتر بالنسبة لي هواية ومتعة اكثر من كونه أختصاص مستقبلي

عندما ذهبت عند سباك طلبت منه أن يقص لي انبوب و حصل أنني غيرت من طريقة قصه لأستفيد من بض الثايا إلخ ... المهم من كان معي قال انك تفهم اكثر من السباك فقلت لا حتى لو كنت افهم منه تبقى مهنتي كمحاسب.

قد أدخل دورة في السباكة حتى أوفر أجرتهم يعني خلاطات بيتي كلها بدلتها بنفسي، هذا لا يعني أن مهنتي هي السباكة.

طبعا أنا لا أعتبر من مهنة السباكة مهنة أقل من مهنتي كما لا أعتبر هندسة المعلوماتية مهنة أرفع فلا حدا يفهمنا غلط...

بالمناسبة هذا الموضوع مستطرق بكثرة في الواقع الذي نعيش فيه.

كلامك ما صابنا بالاحباط و مارح يصيبنا لانو كل هالكلام منعرفو
و يا ريت الكلام اللي رح قللك ياه ما يصيبك يالاحباط اذا ما بتعرفو

لتكون صيدلاني مو شرط تدرس 5-6 سنين بيكفيك 6 شهور تدريب عند صيدلانيي

الدليل -قصتين واقعيتين-
بعرف واحد تاسع ما معو و بانكليزي اكتر من الاحرف ما بيعرف
هاد الزلمة عندو اخت صيدلانية المهم اشترو صيدلية و بلش الشب يتعلم
بعد اقل من سنة صار يشتغل لحالو لك حتى الجيران بعد كم سنة صارو يقلولو الدكتور

وبعرف واحد تاني معو التاسع بس بكالوريا ما معو اشتغل بصيدلية
و بعد فترة صار صاحب الصيدلية يعتمد علية متل ايدو ورجلو

و اذا بدك روح ع 90% من الصيدليات و شوف انو اغلبهم مو دارس

طبعا انا اسف اني قول هالحكي بس انت بلشت

الخلاصة
بلدنا مو قاعدة للقياس

بيضل المبرمج مو متل المهندس
والصيدلاني مو متل اللي تعلم المهنة

يبدو يا أخ زاهر أنو انفهمنا غلط !! ..

ملاحظة
زاهر ديركي ... هممممم مو حضرتك أبو عمر تبع شركة سهلي سوفت لبرمجيات المحاسبة ..

على الأقل أنت عندك جواز سفر وبطاقة تعريف خاصه فيك هي منتجات شركتك وبرامجك يلي عم تشتغل فيها , ورصيد من المعلومات يلي نشرتها بالمواقع والمنتديات العربية , أما معظم خريجي المعلوماتيه بدهم يقدموا أنفسهم بشهادتهم بس .

يعني بيوقف وبيقول أنا مهندس معلوماتية .... وبيستنا من كل الناس تحترموا لمجرد انو الهندسة المعلوماتية بدها علامات بكالوريا ...
مو الكل ..
بس هالظاهرة للأسف موجودة ..

أهلين أخ زاهر
بتذكرك من أيام arabDevelopers أنت وكم واحد الله جمعنا معهم