CSC-SY

مرحبا
انا طالبة بكلوريا جمعت 231 وعم فكر اجي لعندكون على كلية هندسة المعلوماتية
لذلك حبيت اسألكون عن الكلية
شو المواد يلي بتدرسوها؟
وشو المجالات يلي بتشتغلو فيها لما بتتخرجو ؟
وشو السلبيات يلي لقيتوها بالكلية؟
واذا في شي تاني بتحبو تخبروني ياه عن الكلية بكون ممنونة
شكراً...

فيكي تشوفي هالموضوع ..here

طيب انشا الله يطلعلك الفرع يلي بدك ياه بس استني لتطلع المفاضلة بالأول
كليتنا حلوة بس بدها شغل خير الله وبدك تتعبي على حالك كتييييييييير
يعني أول سنة (سنتين ممكن) بتحسي بالتعب بعدين بتاخدي عالجو
بقا اذا عندك استعداد ترمي البكالوريا ورا ضهرك و تبدي تشتغلي من أول و جديد و تنسي انك فايتة كلية و تحطي ببالك الدراسة و بس ... دخلي .. حطيها أول رغباتك
هوة بجميع الأحوال بمجموعك رح تدخلي هندسات و ما بظن فرع هندسة ما فيه شغل مخ متعب نوعا ما
مجالاتنا واسعة كتير .. والمعلوماتية داخلة بكل شي متل ما بتعرفي
بس اذا ما بتعرفي شي أبدا عن الكلية اطلعي عليها شوية قبل ما تقرري مشان ما تندمي على انك تسرعتي و انشا الله ما تندمي
بالتوفيق

اذا حابة الكلية ...!! فوتي وان شاء الله ما بتندمي

كليتنا حلوة كتير والدراسة فيها حلوة وفيها ابداع كتير

وبتفتح الأبواب امام الطالب للشغل أو الاختراع من وقت الدراسة من دون ما ينتظر التخرج

!! بس بدها شغل وتعب كتير

الكلية بتجنن و حلوة كتير إذا رغبتك و ميولك رياضيات + فيزياء لا تترددي
لأنو رياضيات + فيزياء= معلوماتية
هههههههههه

هلأ بصراحةانا اول مرة فكرت بهالكلية من الحادي عشر
لما كنا عم ناخد بالمدرسة معلوماتية وعم ناخد تصميم مواقع وكمان لما كنا ناخد خوارزميات اذا بتتذكرون ووقتها كتير صرت حب الكومبوتر وتعلمت شوي لغة visual Basic ولمحة عن بعض البرامج متل فوتوشوب وفلاش وهلأ عاملة دورة صيانة كمان حبيت هي الشغلة فمشان هيك صرت فكر بالمعلوماتية يمكن ما عندكون صيانة انتو ....

هلأ التصور يلي ببالي انو بأول سنتين رح ادرس فيزيا ورياضيات ولغات برمجة بعدين بالسنة التالتة مدري الرابعة بختص شبكات أو برمجيات أو ذكاء صنعي ما بعرف بالضبط شو بدرس فيون

وبس اتخرج على هوا الاختصاص يلي درستو بشتغلي بشي شركة يا أما بعملون برامج يا أما بعملون شبكات يا أما بالذكاء الصنعي على هوا ما سمعت انو هاد المجال يلي فيو ابداع لانو بيتعلق بالروبوتات والأشياء يلي بتفهم ع الانسان
بس ما بعرف اذا بالبلد في فرص عمل متوفرة لخريجين المعلوماتية
وكمان بدي اسأل اذا كانو الطلاب بالكلية كتار ولا لاء لأنو كمان هالشي بهم الطالب متل ما بتعرفو انو اذا كترو الطلاب بتقل نسبة الفهم للطالب وبصير بدو يعاني ليلاقي مكان بالمدرج وما إلى ذلك

بس انا بصراحة كتير هلأ محتارة بين هندسة المعلوماتية وهندسة الحواسيب والاتمتة والهندسة الطبية وهندسة الالكترون

بس اكتر شي مفكرة في المعلوماتية
اسفة اذا طولت عليكون بس عن جد بتمنى انكون تفيدوني

تصورك قريب على جو الكلية.
اذا هيك معناها ما رح تعملي متل غيرك يلي بلشو يبكو بس فاتو عالكلية و لاقوها غير تخيلون .
بالنسبة لفرص العمل "لكل مجتهد نصيب"
بالنسبة للابداع بالذكاء هي كذبة بيضا
الابداع عنا بالبرمجيات
الطلاب كانو يكونو قلال على زماننا
بس هلأ للاسف صارو يقبلو كمية كبيرة بحدود ال 300 ل 400 طالب يمكن
و يقسمو الدفعة شعبتين و كل وحدة الها برنامج مختلف.
بالنسبة لنسبة الفهم : هي نفسها اذا كان في طالب او 500 طالب.
ويلي خايف ما يستوعب منيح من الضجة بيجي بكير و بيقعد بالاول
-------
الاختصاصات : ذكاء و شبكات و برمجيات ( شيلي الspace بعد الواو اذا بدك تفوتي برمجيات )
ما رح احكي عنهون بنوب لأنو انتي اعتمدي بالاول و بعدين بيحلها الف حلال.
========
بأول سنتين التركيز بيكون على العلوم الاساسية يلي رح تكون مملة و كريهة مع شوية شغل بالمجال عنجد.
و بعدين بتصير الكلية احلى بس بيصير بدها شغل اكتر.

شكراً renwar لردودك السريعة والسرعة بالأداء

اي هو renwar شغلة

ولسا على أرض الواقع شغلة أكترررررررر

السلاااام عليكم

أنا برأيي أهم شي إذا عم تفكري بهندسة المعلوماتية أنو تكوني بتحبي علوم الكمبيوتر بشكل عام ... وأكيد حتكون مجالات السوفت وير أكتر ..
وهندسة الحواسيب و الأتمتة بتهتم أكتر بالهارد وير

لأنو عن جد في كتيير طلاب متل ما قال الأستاذ Renwar دخلو ع الهندسة المعلوماتية ولقوها غير تصورهم تمام ...

وبناخد الكمبيوتر من الصفر .. يعني بنبدأ بالأساسيات بشكل ما بتتصويه .. وعن جد بتفهمي كل شي بتصميم الكمبيوترات وخاصة بمادة النظظم الرقمية وبنيان الحواسيب والإتصالات الرقمية

مواد رووووووعة وفرع رووووعة ... بس بدو دراسة وتعب . وأهم شي تكوني بتحبيه

لاوم تكوني عن جد مخك فاضي بس للكمبيوتر ومجال المعلوماتية .. وبدك أول فترة لا يقل عن 6 ساعات ورا الكمبيوتر وخاصة بالمواد الأساسية بالبرمجة ...

وعن جد فرع رااائع ومجال الإبداع فيه غير محدود ... وما بيتعلق بأجهزة حديثة وتطور متل كليات الكهربا والمكانيك والإلكترون .. وراس مالك هو كمبيوترك

أكبر نصيحة فيني قدملك ياها هي أنو تنزلي ع كلية الهندسة المعلوماتية وتسألي طلاب هنيك ... وإذا فيك تشوفي العميد الدكتور نوار العوا لا تقصري .. الدكتور رائع وكتييير فادني وأت سجلت هندسة المعلوماتية .. وفيك كمان تروحي تسألي كمان بالجامعات الخاصة متل القلمون .. السؤال ببلاش .. لأنو هنيك كتييير ممكن يفيدوك بهالمجال وفي لجنة خصوصي عندهم مشان يشرحو للطلاب الجدد .. أنا وأتها عن جد كتيير فادوني وحددولي بالضبط شو هو مجال دراست هندسةالمعلوماتية ... وخاصة في معرض الجامعات سيقام قريبا كمان ممكن يفيدك كتيير

انشالله كون إئدرت فيد .. أنا لسا خبرتي بالسنوات المتقدمة ما كتيير كبيرة . لأني لساتني سنة أولى وهلأ اطلعت ع التانية .. وأكيد السيد The Tornado والأستاذ Renwar جماعة السنة الرابعة صار عندهم فكرة أوسع

وأهم شي لازم تنزلي ع الكلية وتشوفي بعينك . هاد أهم شي

وعلى تمسيح جوخ يا معلم

My mobile was stolen, if you gave me your number after 1/4/2008 send it to me again

ما تواخذنا معلمنا ... سقطت سهوا

السنة تخرج .. بس بدنا الحلوان

شو قصة الكلفة ؟؟؟
يا ريت تقلي renwar بدون استاذ او سيد او معلم
هوو بصراحة غيرت البروفايل لما قرأت ردك
السنة الجاية تخرج انا و The Tornado مو هي السنة

شكراً كتير لتعاونكم معنا
بس عن جد الله يعينكون لانو حسيت انو كل واحد خاطرلو يدرس معلوماتية عم يسألكون على هالموقع
بتعرفو شو؟؟! يمكن انتو لازم تعملو صفحة بهالموقع للتعريف بكلية هندسة المعلوماتية وهيك بترتاحو من نأنا وسأنا

سؤال فني:
هلأ انا اسمعت انو في مو قع عملو طلاب السنة الاولى خاص فيون
اذا حدا منكون سنة اولى او اي حدا بيعرف الموقع يا ريت تعطوني ياه

تذكرت انو في سؤال فني اخر
سمعت اليوم انو بكليتكون ما في كتب يعني محاضرات فقط لاغير
فهل هذا صحيح ولا حكي عدوين ؟؟؟

طبعا في كتب بس مو لكل المواد في مواد بس إلها محاضرات وفي مواد إلها كتب مع محاضرات

آآآآخ ، شو بدي أحكي

لأنو ما كنت داير بالي على حالي في المرحلة الثانوية ما صحتلي هالكلية ، يلا مو مشكلة ان شاء الله

الله بعوضني و بيغفر لي تقصيري بحق نفسي

و لاحول و لا قوة الا بالله العظيم

أنابشجعك100%بس لازم تكوني قد حالك لأنو مانا سهلة يعني الطب والصيدلة اسهل 100%

أهلا وسهلا فيكي بجامعة دمشق للفحول بس اول شي الكلية المعلوماتية بدها كتير شغل مو بالسهل بتنجاب العلامة

ما في فرع سهل وفرع صعب

كل فرع والو طبيعتو وطبيعة الشغل اللي لازم ينشغل فيه

يعني هلأ لو بيبعتوني عالطب رح ارسب بجدارة لأنو في كتييير منو حفظ وحفظ وحفظ

وما عدت كتير متعود على هالشي بعد أربع سنين بالكلية

بس يمكن لو دخلت عليه بعد البكالوريا فورا كنت تعودت عليه وقلت لحالي المعلوماتية أصعب لأنها غير !!!

يعني الموضوع بيتعلق بطبيعة الاختصاص وطبيعة الطالب والجو اللي هو فيه

طيب سؤال للجميع
شو رأيكون باني ادرس صيدلة وببقا بدرس بشي معهد منيح علوم الكومبيوتر من برمجة والبرامج يلي بحبا واي شي تاني
بما اني ممكن اتعلم علوم الكومبوتر من معهد بس الصيدلة ما ممكن اخدها غير من الجامعة
واذا بتعرفولي حدا بيدرس صيدلة كتير بكون ممنونة اذا بتعرفوني عليهون
وشكراً مرة تانية

ما فينك

هي النظرية تبع المعهد العالمي العظيم اللي رح يدرسك مواد الكلية .. صدقي تماما انو هي نظرية فاشلة تماماً .... لأنو الكلية بتعطيكي الهندسة وبتعلمك كيفية التفكير الهندسي والمنهجي وهي ولا 100 معهد بيعطيكي ياها

برأيي أنا قد ما كان الواحد مهتم بالمعلوماتية اذا ما كان متفرغ لإلها وفي شي غاصبو يشتغل مشاريع كتيرة وكبيرة ما لح يشتغل !