ليش طالب العلمي دائما حيران ((( ممكن مساعدة )))
تاريخ التسجيل: 2008-07-20
مشاركات: 12
الجامعة: دمشق
|
انا درست بكلوريا علمي بشكل ممتاز و كان تقديمي للامتحان ممتاز جدا و قدرت لحالي مجموع 227 كحد ادنى لكن كانت الصدمة لما اجا المجموع غير ما بتوقع !!!!!!!!!!!!!!!!!!! 183 صافي و 202 مع الديانة و فكرت حالي مو انا
بعرف انو هاد موقع خاص بالكومبيوتر و لأني كنت حابة كتيير ادرس هالفرع سجلت بهالمنتدى و بتمنى تقبلوني ؟!!!
اولا : فكرت بالاعادة ( اعادة البكلوريا )
بعدين : رتبت افكاري بحسب اولوياتي و كانت كالتالي
ممكن حدا يجاوبني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كيف فيني ادرس هندسة اتصالات أو نظم معلومات حتى لو بالخاص و كيف بتكون مفاضلة الموازي ؟؟؟؟؟
انا حابة فرع الصحافة و الاعلام بس شهادتي علمي !!!! فيني فاضل على هاد الفرع الادبي و شو المجموع المطلوب ؟؟؟؟
و ايمتا بتطلع المفاضلة ؟؟؟؟؟؟؟
هيك بيضل الطالب محتار و اخر شي ما ألو الا الجامعات الخاصة !!!شو رأيكن
بليز كل حدا فيو ينصحني او يقدملي خدمة بليييير انا عم استنى ردودكن على نار
غنى
|
| |
دخول أو تسجيل لإرسال التعليقات | قراءة: 541 |
|
مشرف
تاريخ التسجيل: 2006-02-19
مشاركات: 2655
الجامعة: دمشق
الكلية: الهندسة المعلوماتية
المرحلة: السنة الثالثة
|
كتب غنى:
درس هندسة اتصالات أو نظم معلومات
.....
الصحافة و الاعلام بس
أنا ما بعرف عن علامات الاختصاصين, بس بالخاص بيصحللك على ما أذكر تدرسي هندسة كمبيوتر.
أنا برأيي إذا ما عندك مشكلة بالإعادة وبتعرفي حالك بتقدري تجيبي علامات عالية وتدرسي بشكل أفضل عيدي البكالوريا, وعنا كتير أمثلة بالكلية من الشباب يلي عادو البكالوريا وجمعو علامات أعلى وفاتو معلوماتية.
يجب علينا في ظل هذه الظروف الصعبة, أن نقف جميعا ً, صفا ً واحدا ً ...... أمام الفرن
I am a Muslim |
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
هيك رأيك ؟؟؟؟؟؟؟؟؟ بس بتعرف شو احسن شي الواحد يعملو هوا انو يستشير و يسأل !!
شكرا كتيييير على نصيحتك
|
| |
دخول أو تسجيل لإرسال التعليقات |
تاريخ التسجيل: 2008-05-04
مشاركات: 122
الجامعة: الافتراضية
الكلية: الهندسة المعلوماتية
المرحلة: السنة الثانية
الاختصاص: هندسة برمجيات
|
هلأ بالصحافة بدهم السنة الماضية كانو 214 ع العلمي ... وما بعرف إذا ع الموازي بيمشي الحال ..
والهندسة المعلوماتية كان بدهم ع العادي 230 والموازي 225 .. فما بيطلعلكم بجامعة دمشق لا إتصالاة ولا معلموماتية 
هلأ بالجامعات الخاصة بيطلعلك كل شي .. بدهم مجموع للهندسات بس 132 بالدولية والأوروبية .. وبالجامعة الإفتراضية السورية SVU طالبين 160 وبالقلمون بدهم 75%
أنا بالنسبة إلي جمعت بالبكالوريا 194 .. وإذا بيفتحولي دماغي يمكن يلاقو تلافيفه ع شكل كمبيوتر  .. يعني ما بلائي حالي غير بمجال المعلوماتية .. فالتفتت ع الجامعات الخاصة . أول شي سجلت بالجامعة الأوروبية طبعا هندسة معلوماتية .. كنت لسا مالي سمعان بالجامعة الإفتراضية .. وبعد ما بدى الفصل بشي شهر خبرني واحد من أصدقائي بالجامعة الإفتراضية السورية عليها .. ونقلت عليها .. لأنو أقساط الدراسة أقل .. وأقرب (بنص البلد بوزارة التعليم العالي) .. وحكومية .. وفيها تسهيلات كتيير حلوة
وبالنهاية متل ما آل الأستاذ mpcabd  أنت بتعرفي حالك . إذا عندك القدرة ع الإعادة فعيديها ... مع أني بفضل إذا في قدرة مادية تسجلي بالخاصة .. لأنو سنة من عمرو الواحد ما بتنشرى ولا بالمليارات
هاد رأيي .. وانشالله كون فدت
وآخر شي مالك غير تروحي ع الكليات وتسالي الطلاب فيها .. هيك أحسن شي .. وفي هلأ قريبا معرض الجامعات فيكون تستفيدو منو كتييييييييير
|
| |
دخول أو تسجيل لإرسال التعليقات |
تاريخ التسجيل: 2007-09-16
مشاركات: 200
الجامعة: دمشق
الكلية: الهندسة المعلوماتية
المرحلة: السنة الثانية
|
أنا برأي أنك تهدي بالك شوي ... ومتل ما قالولك الشباب إذا فيكي تعيدي السنة بيكون أحسنلك ...
النفس تبكي على الدنيا وقد علمت --- أن السعادة فيها ترك ما فيها
|
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
كمان حلو هالحكي بس بحس انو الاعادة شي مو كتييير مضمون لأني هالسنة عملت كتيير منيح و ماحدا كا بيفهم بالمناهج قدي بس يالله هيك النصيب شكلي رح شوف الكليات الخاصة احسن
شكرا كتييير عالاهتمامكن
|
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
سيد abd alrahman نسيت اسألك وين المعرض يللي حكيت عنو
و انت بالجامعة الافتراضية بتداوم و لا مافي ضرورة و مرتاح فيها ؟؟؟؟
و شكرا على مساعدتك
|
| |
دخول أو تسجيل لإرسال التعليقات |
تاريخ التسجيل: 2007-02-11
مشاركات: 65
الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: هندسة برمجيات
|
أنا حأعطيك نصيحة عن تجربة شخصية...
أنا هلأ سنة 3 وطالع عالـ 4 انشا الله...
أنا بصراحة من الطلاب الأوائل على معهد الكمبيوتر....
فإذا أنت بتحبي مجال الكومبيوتر وبترغبي ففيكي إنو تدخلي المعهد المتوسط لهندسة الكمبيوتر وتطلعي من الأوائل وتجي لهون لعنا عالكلية وبتفوتي سنة تانية...وصدقيني التفوق بالمعهد كتير سهل إذا الواحد بيحب الكمبيوتر وداخل هالمجال عن رغبة....وبرأيي هاد أحسن من الإعادة أكيد...
وطبعاً أكيد فيكي تتجهي نحو الجامعات الخاصة أو حتى الجامعة الافتراضية(SVU) علماً أنو إذا دخلتي هندسة كمبيوتر وفرضاً ما طلعتي من الأوائل ففيكي تكملي بالافتراضية بالسنة التالتة فوراً...
عكل حال الله يقدملك اللي فيه الخير.
|
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
شكرا كتيييييييييييييير لحضرتك فكرتك ممتازه و انا بحطا بعين الاعتبار
|
| |
دخول أو تسجيل لإرسال التعليقات |
تاريخ التسجيل: 2005-12-27
مشاركات: 128
الجامعة: دمشق
الكلية: الهندسة المعلوماتية
المرحلة: السنة الثالثة
|
كتب غنى: بحس انو الاعادة شي مو كتييير مضمون لأني هالسنة عملت كتيير منيح و ماحدا كا بيفهم بالمناهج قدي بس يالله هيك النصيب شكلي رح شوف الكليات الخاصة احسن
ليش عم تفترضي إنك قدمتي أحسن ماعندك .. !!!!
شوفي أحيانا الواحد بيكون مفكر إنو أقدم أفضل ماعندو بس بعد وقت من التفكير امنيح صدقيني راح تلاقي حالك قصرتي بشغلات كتير أو بالأحرى في شغلات كان لازم تعطيها إهتمام أكتر وانت مفكرة إنو انت أعطتيها قد مفيكي ..
بتوقع انت غلطانة بإنك عم بتفكري إنك قدمتي أحسن شيء بتقدري عليه ....
وبرأيي تتركي خيار الجامعات الخاصة للأخير وتفكري بشكل جدي إنك تحاولي تعيدي البكالوريا مع بذل جهد أكتر أكيد راح تلاقي نتيجة بإذن الله
وبالأخير الخيار للإلك موفقة على كل حال
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2005-03-15
مشاركات: 1293
الجامعة: الافتراضية
الكلية: هندسة النظم المعلوماتية
المرحلة: السنة الأولى
|
الموضوع بيعتمد على رغباتك. أنا لو محلك ما بعيد لإنو صعب الحصول على مجموع أعلى. لو كنت محلّك بدخل الفرع اللي بيطلعلي, و ما في مانع ادرس بالإضافة لإلو فرع تاني (مثلاً المعلوماتية) بجامعة خاصة. هيك بتقدري تجربي الفرعين, و إذا بعد شهر شهرين ما عجبك الوضع بالمرة ممكن تعتمدي على الإعادة.
In an artificial world, only extremists live naturally -- Paul Graham (35/165)@SVU
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2005-03-15
مشاركات: 1293
الجامعة: الافتراضية
الكلية: هندسة النظم المعلوماتية
المرحلة: السنة الأولى
|
بالإفتراضية رفضوا الإكمال ببرنامج هندسة النظم المعلوماتية, بس لسا ممكن الإكمال ببرنامج بكالوريوس تكنولوجيا المعلومات.
In an artificial world, only extremists live naturally -- Paul Graham (35/165)@SVU
|
| |
دخول أو تسجيل لإرسال التعليقات |
تاريخ التسجيل: 2008-05-04
مشاركات: 122
الجامعة: الافتراضية
الكلية: الهندسة المعلوماتية
المرحلة: السنة الثانية
الاختصاص: هندسة برمجيات
|
وين المعرض يللي حكيت عنو و انت بالجامعة الافتراضية بتداوم و لا مافي ضرورة و مرتاح فيها ؟؟؟؟ المعرض بيبدى ب 29 ل 1 آب ... يعني 3 أيام ... بمدينة المعارض يلي ع طريق المطار ... في باصات مجانية بتوصل للمعرض من تحت جسر الرئيس والمعرض يوميا من الساعة 5 المسا للساعة 10 المس ا هلأ أنا بالجامعة الإفتراضية كتيير مرتاح الحمد لله .. بس أول فترة كتيير اتعزبت ع بين ما أخدت ع الجو و ع طريقة الدراسة الجديدة .. بس هلأ مرتاح ع طريقة الدراسة كتيير وعن جد بفضلها ع أي طريقة تانية بالدراسة .. والدوام عنا إلزامي بنسبة 25% وعليها 10% من علامة المادة و90% ع الوظايف والمشاريع والإمتحانات ال نصفية والنهائية إذا حابة تعرفي عن الجامعة أكتر هاد موقع طلاب الجامعة الإفتراضية www.vteam-sy.com وبمعرض الجامعات فيك تسألي والكل بجاوبك .. أنا كتيير استفدت منو السنة الماضية
|
| |
دخول أو تسجيل لإرسال التعليقات |
تاريخ التسجيل: 2008-05-04
مشاركات: 122
الجامعة: الافتراضية
الكلية: الهندسة المعلوماتية
المرحلة: السنة الثانية
الاختصاص: هندسة برمجيات
|
بالإفتراضية رفضوا الإكمال ببرنامج هندسة النظم المعلوماتية, بس لسا ممكن الإكمال ببرنامج بكالوريوس تكنولوجيا المعلومات. تماااام ... هي نقطة كتييييير مهمة شباب ... الإكمال بعد معهد المعلموماتية غير مقبول .. رفضتو الجامعة للأسف يعني خريج معهد المعلوماتية ما فيه يكمل سنة تالتية هندسة معلموماتية بالجامعة الإفتراضية السورية SVU بس فيه يكمل بإختصاص تاني إسمو تكنولوجيا المعلومات متل ما قال أخي ahnaqsh
|
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
Im شكرا لمشاركتك و رأيك بس انا ما عم افترض اني قدمت احسن ما عندي انا متأكدة ليكي ليش لأني جبت سلالم التصحيح و رحت لأساتزه مختصين و ساعدوني و قدرت المجموع بعد ما افترضت اسوأ الاحتمالات بس اكيد كان في خطأ بالجمع او بالتسجيل ما بعرف على كل انا ما شلت فكره الاعاده لسة و لسة كتيير محتاره ومشان هيك انا عم اسأل
شكرا مره تانية !!
|
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
استاز ahnaqshشكرا كتييير و رأيك كتيير بيعجبني بس شو بيطلعلي انت ئللي يعني بالموازي او كيف ما كان لأني ما بعتئد انو القبولات السنة رح تكون اقل من السنة الماضية
شكرا لرأيك
|
| |
دخول أو تسجيل لإرسال التعليقات |
تاريخ التسجيل: 2008-07-20
مشاركات: 12
الجامعة: دمشق
|
abd arahman اكيد رح اجي عالمعرض و كون مبسوطة ازا شفت شي بيناسبني و ممنونتك مره تانية لمساعدتك و شكرا على موقع الجامعة
|
| |
دخول أو تسجيل لإرسال التعليقات |
تاريخ التسجيل: 2005-11-29
مشاركات: 942
الجامعة: دمشق
الكلية: الهندسة المعلوماتية
المرحلة: السنة الثانية
|
اللله يوفقلك يلي فيه الخير (:
I'll code Pascal codes for food and shelter
|
| |
دخول أو تسجيل لإرسال التعليقات |
تاريخ التسجيل: 2007-10-20
مشاركات: 164
الكلية: هندسة النظم المعلوماتية
المرحلة: السنة الثانية
|
اقتباس: إذا حابة تعرفي عن الجامعة أكتر هاد موقع طلاب الجامعة الإفتراضية
www.vteam-sy.com
|
| |
دخول أو تسجيل لإرسال التعليقات |
تاريخ التسجيل: 2008-07-07
مشاركات: 25
الكلية: الهندسة المعلوماتية
المرحلة: السنة الثانية
الاختصاص: غير ذلك
|
إذا عندك صبر وقوة إرادة فبنصحك تعيدي البكلوريا , والله يوفقك شو ما اخترتي
سبحان الله و بحمده,عدد خلقه,ورضا نفسه,و زنة عرشه,و مداد كلماته
|
| |
دخول أو تسجيل لإرسال التعليقات |
|
أرسل من قبل 
