CSC - SY

المعهد العالي أفضل بيئة أكاديمية بسوريا بلا منازع وقيمة شهادتها أكبر من الشهادة الجامعية.
شوف موقعن.

بس هذا الحكي سابقاً أما هلق كأنو الوضع صار أسوأ يعني مو هالدوافع والاغراءات
بعدين لا تنسى انو كلما بدك تسافر بدك شي مليون موافقة لحتى تسافر ناهيك عن الالتزام بالعمل معهم لمدة كبيرة بعدين اختصاص المعلوماتية حالياً متوقف عندهم من وقت أنشأت كلية الهندسة المعلوماتية.
هلق هو باختصار منيح بس مو أحسن من وضع كليتنا باعتقادي وكمان شهادته مو أعلى من شهادة الكلية والدليل إنو في نقل بين المعهد العالي والكلية.
علاماته بحدود 220 مابعرف بالضبط شو هي بس في إله مفاضلة خاصة ولازم تلحق تسجل فيها قبل ما تطلع المفاضلة الثانية.
الميزات تبعه انو بيأمنلك فرصة عمل بالمعهد ولكن ملزم
وكمان خدمة العلم عندهم يعني أسهل من خدمتنا
بالاضافة إلى الراتب أثناء فترة الدراسة.
أما هي شغلة انو يعطوا بيت فبطلوها من زمان
لذلك بكل الأحوال كليتنا أحسن منه.

السلام عليكم ورحمة الله :
أنا و برأيي الشخصي أعتقد أن المعهد جيد نوعاً ما ولكن كليتنا حتماً أفضل من المعهد و شهادتها أفضل أيضاً ,الله يوفقك ويسرلك اللي فيه الخير .
............... أبو الخل .

السلام عليكم ورحمة الله :
أنا و برأيي الشخصي أعتقد أن المعهد جيد نوعاً ما ولكن كليتنا حتماً أفضل من المعهد و شهادتها أفضل أيضاً ,الله يوفقك ويسرلك اللي فيه الخير .
............... أبو الخل .

أخي أنا حكيت شي عن الدوافع والاغراءات وخلافو؟!
كل يللي قلتو أنو المعهد أكاديمياً أفضل وهيدا الشي ما حدا بيقدر ينكرو إذا كان شايف كورساتهن ومخابرهن والمتابعة يللي بيحظوا فيها طلاب المعهد، وإذا بتنظر لسمعة المعهد الجيدة برا والبعثات وفرص متابعة الدراسة والتخصص يللي بتطلع لطلابهن بتستنتج أنو قيمة شهادتهن أفضل من شهادتنا.
طبعاً بأيدك بخصوص موضوع الالتزام؛ بفضل أكون زبال حر على أني أكون عالم مقيد.

إذا ما كان عندك مشكلة بالحياة العسكرية ففوت هاد المعهد لأنو متى بلشت دراسة فيه رح تحس حالك عم تخدم عسكرية.
أما إذا كنت متل strontium90

أو إذا كنت متلي بتحب تدوام أقل من عشرة أيام طول السنة فأكيد ما رح يمشي حالك بالمعهد.
و بالنسبة إلي بفضل ادرس معهد زراعي على أني أدرس بهيك معهد

foaad، يا ريت نحافظ على مستوى الاحترام المتبادل بين الاعضاء و الي تعودنا عليه بالموقع، اذا كان strontium90 فعلا كاتب هيك بشي مشاركة، الافضل انو تقتبس كل الحكي، او تعطي رابط للاصل، ما انو تقتبس اول كلمتين بس.

ما بعرف ليش أخدتوا الموضوع بهالجدية يعني أنا كنت عم أمزح
و خاصة أنو strontium90 إلو بالعادة يمزح

على كل حال لأجل الأمانة:

و أنا كمان بفضل الحرية مهما كان التمن.

ويتمنى ماتكون زعلت مني أو تضايقت.

بسيطة

فرقت كتير بين الاقتباس الاول و التاني.

المعهد حالياً على مستوى عالي جداً والخريجين على مستوى عالي كتير من العلم وعندهم حجم علمي أكبر من أي مهندس يعني بالاضافة لاختصاص المهندس الخريج عم بيكون هذا المهندس على المام واتقان للرياضيات و الفيزياء و الكيمياء و الرسم الهندسي و...

وبصراحة أقوى من أي هندسة ...بس سنوياً عميتخرج منو من 10 إلى 15 مهندس فقط

على الأكتر 15 مهندس..
أنا بدفعتي تخرج 8 بس
.. وهادا الحكي تبع التشديد والمضايقة وما بعرف شو.. كلو حكي فاضي وما إلو أساس... والمعهد هلق صار بيقبل طلاب يدرسو على نفقتهن الخاصة.. ورجعو فتحو اختصاص المعلوميات
وبدي قول كمان...للي عم يحكي أنو كلية الهندسة المعلوماتية أحسن من المعهد العالي..بحب أسألو مين اللي وضع أساسات الكلية.. ومين هنن الأساتذة الفطاحل بها الكلية.. قلي الأسماء وأنا رح فاجئك أنو هدول كلهن خريجين المعهد العالي....
ودمتم

يعني اذا حابب تخسر ثقتك بنفسك وتنبلى بالتزام الو أول مالو آخر بتروح على المعهد العالي وبتخسر فرصة الحرية وتطوير شخصيتك الاجتماعية لصالح الدراسة

حبيبي اسئلني أنا ماأنا طلعت من هنيك ببطاقة حمرا بسبب علامة وحدة بالرياضيات وهو الأفضل تمام بس بدك تكون اون لاين 24\24 واذا بتتحمل ضغط الدراسة 6-8ساعات دراسة وشغلات ما شفتها الا هنيك
وانا جاهز لأي استفسار......
بشرى سارة :في طالب رسب بالسنة التانيةورح يرجع لعنا واذا ماكان مرضي رح يرجع سنةاولىيعني سنتين او اكتر يعطيك العافية....

بصراحة انا قبل ما سجل معلوماتية عملت زيارة للمعهد و كنت ناوي سجل هنيك بس بعدين الحمد لله سجلت معلوماتية وانا كتير مبسوط لذلك
المشكلة بالمعهد هو الالتزام بعد الدراسة

يا سيدي أنا بكل السنوات أطول فترة دراسة درستها بهادا المعهد لا تتجاوز التلت ساعات..وهي كانت مرة وحدة بس..
والأيام العادية ماكنت أدرس بتاتا..كل الشغلة المطلوبة منك هيي الحضور وبس
والمشكلة الوحيدة الموجودة بالمعهد..هي الالتزام بالتوظيف عند الدولة.. لك حبيبي مين صايرلو يتوظف بها الأيام وبيقول لأ....
وطالما أنت طالب أنت بتقبض راتب 8000 ليرة... ولما تتخرج وتتعين أول راتب إلك هو 21000 ليرة.

مو صحيح هالحكي لئنووأنت طالب أنت بتقبض راتب 6000->7000 ليرةوولما تتخرج وتتعين أول راتب إلك هو 12000 ليرة

المشكلة مو بس بالدراسة والالتزام
في شي أبعد من هيك بتخسرو بالمعهد مثل الثقة بالنفس والطموح والانفتاح على المجتمع

معناتا ما بتعرف.. أنو صار في زيادة..من سنة تقريبا

ليش .. يعني.. طالما فيك تروح لوين مابدك.. ووقت اللي بدك

طيب ممكن تحكو ياشباب منين عم تجيبو معلوماتكن

السلام عليكم أنا زميلكم أنس 22 سنة من حلب وبدرس بالشام بالمعهد العالي للعلوم التطبيقية والتكنولوجيا , يلي شليتوا عرضو بمشاركاتكن الله يعطيكن العافية . أنا خلصت السنة التالتة هون وطلعتلي بعثة ع فرنسا لأني كنت الخامس على 80 طالب (الخامس ولست الأول أو التاني ). المعهد العالي يا شباب متل أي جامعة أو كلية , يلي بيتعب ع حالو بيستفيد , ما بقدر قول مين أفضل معهدنا أو جامعتكن , لكن اختصاص المعلوماتية جيد جدا بمعهدنا , وفي كادر تدريسي كبير وقديم بقسم المعلوماتية. بالنسبة للإلتزام ,الإلتزام ميزة وليس نقطة ضعف (هاد مركز البحوث). بيشرفني أكون صديق إلكن وعضو بهالموقع .

ليش ما درست بفرع حلب شو الفرق بيناتون سمعت هداك للطيران بس صح?

أخ زوربا
أكييييد حكيك؟؟
يعني فيك تطلع وتفوت ايمتى ما بدك؟؟؟؟!!