|
السلام عليكم ورحمة الله وبركاته ,,,
أنا طالب من فلسطين أنهيت الثانوية العامة بمعدل 92.6 / 100 والحمد لله معدل عالي وممتاز هاي السنة وصار لازم أقرر شو التخصص اللي بدي أدرسو ...
أنا بدأت أفكر بهندسة البرمجيات وانا بصف عاشر ولهلأ حابب أدخل هادا المجال بس متردد نوعا ما ، أنا شايف إنو في عندي مقومات لأدخل هادا المجال وهيي :-
1) بعشق شي اسمو كمبيوتر وبرمجيات وسوفت وير وبشعر إنو هي أمتع شي بكل الدنياوبحب أتعلم كل شي عن الكمبيوتر والبرمجيات والبرامج وأكون متميز فيه(الكمبيوتر والبرامج هيي هوايتي الوحيدة) وكنت لما أنهي دراستي بس أضل ورا هالكمبيوتر (يعني ليلي نهاري يا دراسة يا كمبيوتر)
2) بعطي كتير من وقتي للكمبيوتر وأغلب الوقت بضل ورا شاشة الكمبيوتر وعندي استعداد أضل 24 ساعة على الكمبيوتر والبرمجيات وما أتعب ولا أزهق بالعكس بتمنى لو أضل أكتر
3)الحمد لله صار عندي هلأ خبرة كويسة بمجال الكمبيوتر والبرمجيات والبرامج والمشاكل والحلو بعد ماصرلي داخل عالم الكمبيوتر 6 سنين وعالم الانترنت 3 سنين وعندي تصور عام عن لغات البرمجة ومعرفة قليلة بالفيجول بيسك
4)بحب كتير أحل مشاكل الكمبيوتر وألاقي الحلول للمشاكل اللي بتواجهني (بتمنى أواجه مشكلة من شان ألاقيلها حل ) وما بحاول أطنش أي مشكلة بتواجهني بالكمبيوتر أو حدا بسألني عنها لو بضل ليل نهار أفكر فيها
5)بحب كتير كتير الفهم وتشغيل العقل (متل مواد الفيزياء والرياضيات) وبكره كتير كتير شي اسمو حفظ وتجميد العقل(متل موادالأحياء والدين والادارة)
وباختصار شديد : أنا بعشق البرمجيات من ناحية وبعشق مواد الفهموالتفكير من ناحية تانية
وسؤالي إلكم : هل هاي المقومات اللي ذكرتها بتأهلني أدخل هندسة البرمجيات وانا مطمئن وأختار هادا المجال بدون أي تردد ؟ ولا في شغلات تانية بطلبها هادا التخصص لازم أعرفها ومابكفي اللي ذكرتو حتى أدخل وانا واثق من اختياري؟
ياريت أي حد بدرس بكلية هندسة المعلوماتية يعطيني رأيه لأني فعلا محتار !!
وألف شكر للجميع
|
أرسل من قبل 
