|
بعض النصائح الهامة لطلاب السنة الأولى :
**تنبلة أول السنة First Year laziness
لطالما كان معروف انو معظم يلي بيدخلو جامعة لأول مرة ما بيدرسو أول فصل متل الخلق والعالم وفي كتير من يلي بيتفوقو اول السنة من هدول يلي
كانو كل شي أول بأول وحسب خبرتي البسيطة بقول انو في كتير ناس كانو بالسنة الأولى من المتفوقين بس لانو معظم موادها فيزيا ورياضيات بينما المواد التخصصية
عدم بينما في بالعكس ناس كانو ما جايبين معدلات متميزة بالأولى وعوضو بعدين منشان هيك بقلك خليك تنبل اول السنة بمعظم المواد بس ركز مواد التخصص من البرمجة 1 و2
بس انتبه انا ما عم بشجع هالشي بس إذا ما لقيت إلك خلق للدراسة فعلى الأقل ادرس أهم شي المواد التخصصية بس بالفصل التاني بدك تدرس كل شي متل التوتو ...
إذا تنبلة الفصل الأول عادية كتير وانا عم بحكي هالشي عن واقع فمعظم الطلاب ما بيدرسو بالفصل الأول بقى لا تزعل إذا ما لقيت حالك عم بتدرس هادا غير انو الجو تبع الجامعة غير المدرسة
**معدلات نار High GPA's
grade point average هي كلمة عالمية
السنة الأولى على فكرة هي اكتر سنة بتنجاب فيها معدلات بالمواد من مواد المعدلات العالية من اول دورة الإنجليزيتين والتحليل 1و2 والجبرين والمبادىء
وفي مواد التشليف بامتياز متل القومية بس حلاوتها انو الكل بينجح وفي مواد صعبة متل الدارات والبرمجة 1 ومواد شبه الحفظ متل البرمجة 2
بقى حاول تجيب معدلات 90 و 80 لانو كل 6 علامات ناقصة تعني راح من المعدل 1 % من الفصل الأول
** الشجع حلو Greed Is good
الواحد لما بيحمل مواد من الفصل الأول وهنن الجبر العام -التحليل 1 -الفيزياء -بقى لا تزعل لانو الدورة التانية يلي رفع هالمواد بالفصل الأول ب 60
وكنت تحسدو على هالشي لح تلاقي انك جبت 80 برياحة بقى خليك طماع بالعلامات (:
** حاول تحضر الحصص يلي مالها علاقة بعلوم الحاسب Don't blow off the Non -CS classes
CS هي اختصار Computer Science
في مواد كتيرة متل الفيزياء والجبر العام كتير من الناس بيقولوك لا تحضرها ومدري شو
هلق انا معك انو كتير معتة بس في شغلة نوهت عليها بموضوع حطيتو سابق وهو انو الشركات لما بدها توظف حدا لح تطلع على المعدل للأسف مالح يهمها من انو دورة رفعتها اولى ولا تانية
المهم انو جبت علامة كويسة فيها لانون للأسف بيشوفو شغلك اولا والمعدل تبعك ثانيا ليش بيشوفو المعدل لانو انت لما بتدرس مواد معتة متل الفيزيا وجبت علامة منيحة فيها
فانت لما لح تشتغل مالح تلاقي انو الشغل مسلي يعني كل شي أفكار وردية شيلها من بالك الشغل مقرف منذ الأزل
Work an't fun get used to it
**خلي السنة الأولى من أحلى السنوات Awsome year to remember
يعني ما تصدق انو كل المتفوقين حاطين راسهم براس هالكتب ونازلين دراسة 24/7 كتير منون بينبسطو كتير وبيروحو مشاوير الخ كل شي بيخليك تنبسط
بس في ناس الحمد لله عندها عقدة دراسة Nerdy Dudes and gals كل شي عندهم دراسة إذا انت بتعتبر حالك Nerd or Geek دراسة
فلح تنبسط لانو في ناس متلك (:
انا ما عم بذم هالشي بس كل واحد إلو وجهة نظر
**كل انواع الفئات الاجتماعية All Kind of Dudes and Chicks
إذا انت بتحب الدراسة والبسط لازم تلاقي جماعة بتؤمن بهالشي وتشجعك على هالشي وإذا بتحب الدراسة البحتى في كمان لوبي لهيك شي
ولا تعقد حالك على الفاضي مالح اذكر اسماء بس الشلة يلي قعدت معها بخيمة المعسكر كلون شاطرين من الطراز الأول وطلعو من ال10 الأوائل
بس كل شغلهم بسط ورواق ويلي كانو ما يحكو غير دراسة ما جابو هالمعدلات بقى Balance is cool
**مواد لح تفيدك بعدين A subject to remeber
في مواد ادرسها من منطلق انو لح تستفيد منها بعدين من هالمواد
التحليل 1 و2 كتير هامة لانو كلها تكاملات الجبر الخطي جد هامة وسهلة والبرمجتين هي انطلاقة طبيعية هامة للكلية
صحي في قاعدة أوبيتال بالتحليل 1 بيعطوها متأخرين ما بعرف ليش بس إذا فهمتها هالقاعدة مالح بالغ وقلك انو انت خلصت 80 % من هالمادة
وطبعا القومية Who i'm kidding
** English English
أهم شي انو تقوي حالك بالإنجليزي وما تعتمد بس على المناهج لانو بتهوي وللأسف في كتير من المتفوقين عنا بالكلية ما عندون إلمام غير بالكتب
ومنشان هيك شو تعمل :
1- اعميل مدونة على الإنترنت وحاول تكتب شو ما بيخطر على بالك بوقت فراغك بجد انا جربت هالشي بس عن طريق Mail-friends
2-حاول تصادق أجانب اسمو بتستفاد من خبرات وتاني شي انو تقوي لغتك
3-بلش دراستك بمراجع خارجية من النت بالإنجليزي صحي في بالمبادىء نوطة لأنظمة العد كلها بالإنجليزي ياما شفت ناس ما فهمو هالشي لانو ما عرفو يترجمو كل شي بالنوطة يلي بتعطيها الدكتورة
4-بما انو لح تضلو شي شهرين لحتى تبلشو دوام فعلي حاول تفوت على منتديات أجنبية منشان تقوي حالك وصحي حسب قوانين هالمتدى ما بيعتبر هالشي خيانة (:
** سيد غرين سيد غرين Mr and Ms green
مالح احكي شي عنو بس يلي ما تعرف عليه راح نص عمرو (:
Wazz The Wise dude accross the street
I'll code Pascal codes for food and shelter
|
أرسل من قبل 
