CSC-SY

مرحبــا....

دوامة شراء اللاب توب بظن معظمكم مر فيها..... فبتمنى تساعدوني فيها ....

الخيارات :

1- nb sony vaio c2d
مواصفاته مقبولة مع إني بفضل ال toshiba بس هون الألوان من هالموديل متوافرة كلها وروعة

2- toshiba: nb a300-15D
هاد طبعا الأول بمواصفاته حاليا

3- toshiba:nb U400-10O
هاد أصغر شاشته 13.3 وبيفرق عن السابق بكرت video/graghic chip : nvidia georce 8400m gs ومابيساعد كتير بالغرافيكس أما ال ati mobility radeon هاد أفضل للغرافيكس

4-dell : nb xps 1330
كمان مواصفاته جيدة بس المشكلة dell وانا عندي dell حابة غير عنه

......................

انا حابة اشتري توشيبا من البداية بس الموديلات الجديدة بتحير

الأول الvaio المشكلة :
أنه قلي احد المسوقين أنه أعطال الكيبورد كتيرة وكمان البطارية والشاحن حتى أنه ضمان السوني لايتضمن الأمور ال3 !!!!
مابعرف بهالأمر هاد فشو رأيكم ؟؟؟
طبعا هو سرعة المعالج أقل بشوي عن التوشيبا A300-1D

التاني ال toshiba A300-15D :
أنا من جديد قررت أنه اصرف نظر عنه لأنه كبير وزنه 2.7 وانتو ادرى كيف اللاب توب صديقنا اللي مابيفارق ضهرنا بالجامعه، وكمان أكتر هالمواصفات مارح استخدمها متل هارد 640 غيغا

التالت ال TOSHIBA U400-10O:
انا بفضل هاد الموديل وحجمه مناسب بس video/graghic chip : nvidia georce 8400m gs متل ماقلتلكم ياترى برأيكم كتير بيأثر كونكم بتعرفو مدى استخدامنا للغرافيكس !!
وكمان مافي مخرج للتفزيون TV OUT /S-VIDEO = NONE بس مو هالشكلة !! ومعي هيك لازم شوف كل المواصفات
والمشكلة كمان أنه لونه ماحلو .... أسود بيلمع مو سواد مت !! بدون مبالغة كتير بشع سواده

الرابع ال DLL XPS 1330:
طبعا هو من احسن أنواع الديل ... مع إني ماكتير بحب هالماركه ، الCASH MEMO هون متل التوشيبا الأول 6 ميغا وكرت video/graghic chip =ATI كمان
وموديله حلو بس مو روعة

والأهم أنه وكاله الديل والتوشيبا موجوده منها بالشام أما السوني لاء

وبدي اسأل كمان برأيكم ال VISTA HOME PREMIUM أفصل ولا ال BUSINESS بمجالنا ؟

وهي دوامتي مع اللا بتوبات
بدي رأيكم ونصيحتكم .... وشكرا

بعد أكتر من تجربة: توشيبا

نصيحة مني THe lady اهتمي أكتر شي بالرام وbus تبع الرام لانون كتير مهمين منشان شغلنا
وعن تجربة توشيبا عندها Good Records
بمجال خدمات ما بعد المبيع وهي نقطة مهمة

إذا في مجال تحطي روابط للأجهزة الأربعة بهدف تسهيل المساعدة

اهلا the lady انا يمكن فيني شوي ساعدك ما صرلي زمان جايبة لاب توب (من اسبوع)
انا اللي عملتو جبت عروض كتير محلات مختلف الانواع و بعدين قارنت بيناتون و اذا في شغلات ما عرفتها كنت اعمل بحث عنها بالانترنت و منت قرر اذا بتلزمني او لا
هلا بالنسبة للمعالجات سرعات متنوعة بس الاكتر صاير G.HZ 2.0
طبعا في اكتر و في اقل بس هاد فيكي تعتبري الانسب

بالنسبة للرام اكيد مو اقل من G1 صح...!! اما بالنسبة للوزن فهاد مشكلة بصراحة هلا انا جبت لابتوب وزنو K1.9 يعني ما لاقيت اخف بالموصفات اللي انا بدي ياها
انا برايي اذا ما لك كتير مضطرة لا تستعجلي مشان ما تندمي جيبي عروض من المحلات و درسيها بالبيت بهدوء بعدين اشتري
انا ضليت شي 4 ايام و انا عم نقح و ظبط و استفسر و بس تستقري على واحد سالي حدا مجربو لتشوفي امكاناتو العملية اسفة على الاطالة بس اذا ردتي تعرفي شي عن العروض المتوافرة بالسوق فيني ساعدك

شكرا على ردودكم
بس أنا مو متل مافهمتو أنا مختارة أفضل الموديلات بمواصفات المعالج والرام والكاش ميموري وكل هالمواصفات الضرورية ونقيت هتول ال4 لتساعدوني فيهم وهنن متساويين ببقية المواصفات التانية تقريبا

يعني الأمور اللي محيرتني هي اللي زكرتها بالبداية ورح ارجع اكتبها:

1- السوني صحيح الكيبورد والبطارية والشاحن كثيرين الأعطال ؟؟

2- التوشيبا U400-10O كرت الفيديو الغرافيك تبعه بيساعدنا بشغلنا انتو أعرف بشغلنا بالجامعة

(((((((((في شغلة بالتوشيبا الجديد وهالموديلات تحديدا أنه مابيتعرف بالبصمة وإنما بالوجه وهي ميزة حلوة )))))))))

3-الديل عندي منه موديل قديم وحابة غير، وكمان شكله ظريف وفيه finger print reader

شو رأيكم ؟؟

وهي اللينكات

الvaio :
SONY:
http://www.sonystyle.com/webapp/wcs/stores/servlet/CategoryDisplay?catalogId=10551&storeId=10151&langId=-1&categoryId=8198552921644498278&parentCategoryId=16154
AL GOLD ONE :
http://www.sonystyle.com/webapp/wcs/stores/servlet/ProductDisplay?catalogId=10551&storeId=10151&langId=-1&productId=8198552921665400892

.................................

التوشيبا A300-15D:
http://eu.computers.toshiba-europe.com/cgi-bin/ToshibaCSG/jsp/productPage.do?service=EU&PRODUCT_ID=150524

.................................

التوشيبا U400-10O:
http://eu.computers.toshiba-europe.com/cgi-bin/ToshibaCSG/jsp/productPage.do?service=EU&PRODUCT_ID=150504

................................
الDELL:
http://www1.euro.dell.com/content/products/productdetails.aspx?c=ae&id=xpsnb_m1330&l=ar&s=dhs

................................بتمنى مساعدتكم

هلأ بجد شي بحير بين هدول يلي قدمتيهون..
يعني كلن ما شاء الله مناح ومواصفاتن حلوة..
هلأ أنا من رأيي أحسن شي هاد toshiba U400-10O وبظن أنو فيو كل المواصفات يلي منطلبها..

اذا مابهمك أداء الجهاز بالألعاب معناها لاتهتمي بكرت الشاشة لأنو حالياً مابفيد غير بالألعاب (على اعتبار الكرت المدمج X3100 أكتر من كافي لـ Vista والبرامج ثلاثية الأبعاد (ماعدا الألعاب))
وأكيد بالتطبيقات الي رح تحتاجيها بالكلية مابهم أداء كرت الشاشة.

وبالتالي فينا نشيل Satellite A300-15D و DELL XPS M1330 على جنب (اذا مابتهمك الألعاب)

ضل Toshiba Satellite U400-10O و SONY VAIO VGN-CR590EBN
التنين بنفس المواصفات تقريباً
التوشيبا أخف بشوي والسوني شكله أحلى (ستايلش أكتر بس أنا عجبني شكل التوشيبا أكتر )

كماركة بفضل السوني على التوشيبا وبالنسبة للوكالة يفترض في عنا وكيل لسوني ومعبي الشوارع والجرايد إعلانات!