CSC-SY

السلام عليكم ورحمة الله و بركاته

 مشكلة باتت تؤرقني فعلا ، وهي أن لكل مهنة ضريبة ، تدفع هذه الضريبة عند التقدم بالسن وها نحن الآن نلزم أحيانا بالجلوس خلف شاشة الحاسوب 6 ساعات ( بالمتوسط بالنسبة لي ) الآن نحن في مقتبل العمر ، قد تظهر مشاكل العيون بالنسبة لنا بنسبة صغيرة قد لا ننتبه لها كثيرا ( هذا مع اهمال مشاكل الظهر و الرقبة نسبة الى أهمية العيون ) ولكن خوفي أن تكون هذه المشكلة الصغيرة الآن هي نواة لمشكلة كبيرة جدا في مرحلة عمرية معينة هذا ان استمرينا في مهنة المعلوماتية مع الاضطرار للجلوس خلف الشاشة بمعدل كبير يوميا

- التدقيق في الكلام الصغير

- اشعاعات الشاشة

- انخفاض نسبة التفتيح و التغميض دون أدنى شعور بذلك ، ......... اني تعلمت في هذا الزمان أن أقول قبل الخروج من المنزل ( بسبب الهواء النقي ) وقبل الأكل ( بسبب الأكل الصحي ) و قبل و قبل والآن قبل الجلوس خلف شاشة الكومبيوتر

أن أدعو هذا الدعاء الشهير ، طبعا بعد الأخذ بجميع الأسباب ( من نصائح طبية و ما الى هنالك )

 بسم الله الذي لا يضر مع اسمه شئ في الأرض و لا في السماء و هو السميع العليم ( مع يقيني الكامل بالاجابة )

ذلك بعدما رأيت ضرائب مختلف أنواع المهن على أصحابها في مابعد ، ومهنة الجلوس خلف الشاشة أصبحت مهنة

وماني شايفها "مصيرية" كمان.
يعني مشان العيون بنركب نضارة.
مشان الرقبة و الضهر كم حبة و بيمشي الحال
اشعاعات الشاشة؟!؟! الله اعلم شو في غيرها اشعاعات تانية عم تضرنا ونحنا مو دريانين.
---
ما عم بستهزئ الموضوع بس طبيعي كل شغل يكون الو جوانب سلبية. هاد حال الدنيا عمي Bayrn .

بصراحة الموضوع مو سهل متل ما البعض عم يقول و صاحب الموضوع معو حق يناقشها .....!!

يعني انا قبل ما ادخل الكلية كانت نظارتي اقل سمك من هلا و انا ما صرلي سنة فيها ....!! عم تتخيلو انو هي بكرا رح تصير مهنتنا لحتى الله ياخد امانتو يعني الله يعلم كم ساعة رح نقضيها ورا هي الشاشة من حياتنا اما الام الظهر و الاكتاف فحدث و لا حرج وو هي لساتني باول الطريق و لدرجة اخر فترة صار اهلي يدايقو من ورا اعدتي الطويلة يعني بعدما اتخرج الله يعلم شو رح يصير ...!!

و يمكن اخ bayrn نسيت سيئة تانية من سيئات هاد الفرع هو انخفاض مستوى حياتك الاجتماعية بشكل كبير يعني لولا المسنجر كنت ما عرفت اخبار رفقاتي لصادفون شي يوم ...!!

يعني فرعنا متل باقي الفروع الو عنجد مساوئ صحية و نفسية مو بس قعدة و كسل ورا الطاولة على كرسي

كتب Renwar:

وماني شايفها "مصيرية" كمان.
يعني مشان العيون بنركب نضارة.
مشان الرقبة و الضهر كم حبة و بيمشي الحال
اشعاعات الشاشة؟!؟! الله اعلم شو في غيرها اشعاعات تانية عم تضرنا ونحنا مو دريانين.
---
ما عم بستهزئ الموضوع بس طبيعي كل شغل يكون الو جوانب سلبية. هاد حال الدنيا عمي Bayrn .

هو لو المشكلة بتنحل عند النضارة ، ما كنت طرحت الموضوع أنا بالفعل خايف يكون الضرر أكبر بكتيير

لك أنا اليوم من الساعة 11 ظهرا الى الآن 12 مساء و أنا ورا الشاشة ما فصلني عنها الا مشوار الطريق الى الجامعة أو وجبة الأكل

لا تفكر في هذه الامور لانك سوف تتعب كثيرا ولا تلقى من الاجوبة الا القليل توكل على الله ولا تتوكل على العبد ولا تاخذ منا نحن شيئ لاننا لا نعرف شيئ لو كنا نعرف لصنعا اجهزة الكمبيوتر او ساهمنا بالتكنلوجيا او اي شيئ نحن لا نعرف شيئ سوى التكلم انصحك بكلمات
ان لا تجلس على الحاسوب كثيرا وانشاء الله لا يصيبك شيئ والسلام عليكم

من أجل الأخذ بالأسباب:
الرياضة واحدة من الحلول لـ 80% من المشاكل
ولا تقول ما عندي وقت للرياضة ولو نص ساعة باليوم

حط بالخرج

المصيبة انو الناس الطوال متلي بيعانو من مشاكل بالظهر حاكم صرلي شي 7 سنين شغال عليه وانا مريت بمرحلة ما عاد فيني اقعد ولا نام خليها لربك

أنا المشكلة الأساسية و يللي ركزت عليها هي مشكلة العيون على مدى طويل

يعني مثلا المهن معروفة و متاعبها معروفة على المدى الطويل
هي المهنة كذا على المدى الطويل ديسك و المهنة الثانية ربو و الثالة روماتيزم

العلة مهنة المعلوماتية مالها زمن طويل و مو معروف تأثير الجلوس خلف الشاشة على العيون على المدى الطويل ( يا محلا الانحراف و القصر )

صح معك حق مشكلة العيون هي المشكلة الاساسية ولهلأ ما حدا عرفان لشو ممكن تودي ..بس انا لما سالت طبيب قلي انو انخفاض نسبة التفتيح والتغميض بتأدي لجفاف بالعين واللي بتضعف الرؤية وما ممكن نحل هالمشكلة بنضارة!!
هلأ النصيحة اللي نصحني ياها اذا بتحب انو كل ربع ساعة طلع لشي مكان بعيد ولو نص دقيقة (طبعا انا ما عم نفذها لانو صعب اتذكر) ومتل ما قلت كمان اذا منقول "بسم الله الذذي لا يضر مع اسمه شيء في الارض ولا في السماء " ما بيصيبنا شي بيضرنا كتير ....

والله الموضوع مهم جدااااااااا...........بس مالنا مهرب غير :

والله خوفتوني انا لسا ما فتت على كليتكون وحاطة نظارات شلون بكرا بدو يصير سمكون لما صير عندكون !!!!!
الله يستر
يلا على كل حال الله الحامي
شكراً كتير bayrn

انا موافقة شو رايك نترك الكلية هيك برنتاااااااااااح

[]
[]