CSC-SY

اول شي مرحبا
تاني شي انا حطيت المعلوماتية اول رغبة بالمفاضلة وان شاء الله تكون من نصيبي
تالت شي بدي تنصحوني شو لازم اتعلم من هلأ لتبلش الجامعة
يعني انتو قبل ما تدخلو الكلية شو كنتو بتعرفو
هلأ انا حالياً بعرف بصيانة الكومبيوتر وبعرف بالفوتوشوب بس بحس ما عندي ابداع تصميمي
وعم اتعلم فلاش

يعني اعتبروني اختكون الصغيرة وشو عندكون نصائح يا ريت تفيديوني فيها

اذا كنت متأكدة من فرع المعلوماتية فاليكي نصيحتي :

- صيانة و فوتوشوب مابيفيدوكي بالنسبة لمنهاج الكلية أبدا

- اذا بتحسني تنزلي على الكلية و تجيبي كتاب البرمجة 1 للسنة الأولى بيكون مفضل ( نصيحة ) ، حتى و لو كان ما في خبرة أبدا ، وحاولي تقري قد ما فيكي برمجة من مختلف المصادر

اهلا وسهلا فيك وبظن اختيارك المعلوماتية اختيار منيح وموفقة

خيار موفق وحياة سعيدة .... أوريس وبس

اول شي اهلا وسهلا فيكي وان شاء الله تكون الكلية مرتع nidus للطلاب الجداد المتحمسين
(:
1- شو لازم تتعلمي من هلق ؟ Da like any one knows that
السؤال شوية صعب لانو كلنا كنا هيك كنا بدنا نساوي كتير قصص وما عملنا شي كتير بس نصيحة ارتاحي من البكالوريا
إا بدك تتعلمي شي بيفيدك
كتسلاية اتعلمي انظمة العد google that word ولح تلاقي مصادر بالعربي كتير حلو وحتى لترتاحو الشباب الطيبة تبع الاولى عم بيجهزو نوطة لانظمة العد شغلتها صغيرة ولح تخلص يمكن بهالكم يوم يمكن آخد ونزلها على المنتدى هون وهنن سهلين كتير ما بدون شي

منشان البرمجة في عنا كم شب عم بيعملو دورات لطلاب الأولى الجداد Rookies وعم بيسجلو اسماء الطلاب يلي بدون يتعلمو باسكال إذا بتحبي وعندك شوية همة فوتي معون بس نصيحة خلي البرمجة وقت السنة
بس إذا بتحبي بسعالك بالأمر

نصيحة كمان بلشي فوتي عودي حالك على الإنجليزي
وإذا بدك فوتي على موقع joel on software واقري اي مقالة بتعجبك ولح يجعبوكي لانون بيحكو عن تطوير البرمجيات واحيانا عن قصص بلا طعمة بس طريقة عرض الكتابة لقصص كتير ممتع بنصح تقريها يعني مرة كان في مقالة عن اهم الأسباب يلي بتأدي لفشل اي شركة برمجيات
وما بدو واحد بيعرف برمجة حتى لحتى يفهم بدك بس لغة

منشان باقي المواد بيكفيكي دراسة السنة وبس في هون موضوع ارجو انو تشاركينا فيه
http://www.csc-sy.net/node/8360
في كل نصائح عامة

2-انا حالياً بعرف بصيانة الكومبيوتر
السؤال بتعرفي بس فورمات لا صيانة صيانة لانو للأسف كل ما حدا يقلي صيانة بيطلع بس فورمات نصيحة حاولي تفوتي أعمق من هيك

وبعرف بالفوتوشوب بس بحس ما عندي ابداع تصميمي
وعم اتعلم فلاش؟
يمكن ما صار حدا إلا وبيعرف فوتوشب عنا بس بدو الواحد خلق انا بتذكر تعلمت كتير عليه بس مالي خلق اقعد عليه
على كل ما في داعي لكتير تعذبي حالك بعدين يمكن تغيري رأيك
وإذا بتحبي في زميلتنا shashi كانت تحط دروس مفيدة بالمنتدى عن الفوتوشوب يمكن تغير يعجبك بالأخير من الدروس ما بتعرفي جربي

وخلي شعارك بالحياة
Dude where's my car ?

شكراً كتير كتير للجميع عن جد ما شاء الله سرعة بالأداء
وشكر خاص ل wazz بس عدم المؤاخذة ما فهمت شعار الحياة
وبالنسبة للصيانة ما كان قصدي فورمات قصدي صيانة صيانة يعني هارد وير وسوفت وير تجميع وهيك قصص
وبدي اسألكون شو بتعرفو هيك منتديات كومبوترية بتفيد طالب المعلوماتية ؟؟؟!!!

على فكرة أسئلتكم كتير ظريفة أيها الطلاب المستجدون ... عجب كنت أنا هيك لما دخلت جامعتي؟

كتب mpcabd:

خيار موفق وحياة سعيدة .... أوريس وبس

عن جد انشالله اخترتي أحلى طريق وأكتر علم فيه إبداع 

 أنا برأيي تبدي تفوتي بالجو ... وبعتقد إذا بدك تعملي شي حلو ابدي اقرأي مقالات كتيييرة بمجال المعلوماتية .. أي شي بيخطر ببالك.. مشالله الإنترنت مليان .. وأنا بحب موقع الرقميات

عن جد كتيييير بتعطيك تفكير حلو .. وبتحسي حالك عم تقدري تفهمي كل شي جديد بسرعة

وبرأيي ما تقولي ما حيفيدني التصميم أو الصيانة ... أنا من صف التامن بديت إتعلم برامج متل ال FLASH وال  تعديل صورPHOTO IMPACT و مونتاج VIDIO Studio و تصميم 3D MAX وكلها برامج إلها مجالها يلي أكيد غير مجال المعلوماتية ... بس والله وقت فتنا ع جو البرمجة والمعلوماتية كتيييير اكتشفت أنو كلشي بينربط مع بعضو بالآخر ... مثلا FLASH طلع فيها لغة برمجة وفيك تستعملي فيها البرمجة لتساوي شي إحترافي .. وال 3D MAX  منستعملها بالسنة التالتة  بال Graphic programing  وهي غير المجالات التانية يلي بيعطيك يا ... كلللللللل المجالات بتكمل بعضها

الجامعة حتعطيك كل يلي بدك يا من البرمجة لأنظمة التشغيل ل قواعد البيانات و الشبكات الحاسوبية و الذكاء الصنعي  ... وحيكون في مين يساعدك  بكل موادها من طلاب دفعتك .. بس في شغلات لازم تتعلميها لحالك .. ما حدا حيعرفها غيرك .. وهي نقطة التميز يلي بتميز الطلاب عن بعضهم  .. وبرأيي هلأ الوقت لتتعلميها ... لأنوبعد ما تبدى الدراسة ما عاد نفضى نحك راسنا

 برأيي بهالفترة بلشي تحبي المجال يلي اخترتيه بالبرامج يلي بتحبيها وبالطريقة يلي بتحبيها ... وشدي همتك بال English واعمليلك عم كورس ... اهم شي

بالأخير .. كلو بنّفد ع بعضو  

enter my web site

وفي منتدى كتير ظريف اسمو newgrounds هادا بيحكي عن اللاشيء شو بيخطر على بالك مواضيع حطيه هونيك وما حدا بيحاسبك بدك بتحكي عن الألعاب عن السياسة عن المواضيع الحياتية العامة كل واحد بيحكي على كيفو والأحلى انو بيحس الواحد بالديمقراطية عن جد مو متل هون ههههههه

وفي منتدى
montada ,linuxac.org
هدول ظراف بس اكتر شي حلو هو تبع لينكس اكتر شي حلو فيه انو الناس كتير بتساعدك بالبرمجة هونيك يعني كتير كنت اسال عن باسكال وعن البرمجة وكتير قصص والشي المفيد اكتر شي فيو انو الأعضاء كتير نشيطين وبيجاوبوكي كل شي بيخطر على بالك

وفي منتدى طلاب حلب alppeosoft
ite-sy.net وطلاب دمشق وهدول الآخيرين ما بتاخدي منون غير المحاضرات أكتر شي وفي مواضيع عامة غريبة شوي ما بعرف على كل شوفيهم

روحي تعلمي برمجة و HACKING .....
طبعاً مشان الدورات لا تسجلي شي لا للباسكال و لا لغيرو ...مين ما سألتي من الطلاب يللي أكبر منك رح يجاوبوكي و ببلاش

اهلا وسهلا اول شي
انا من طلاب جامعة البعث بس بتمنى اني اصير منكم
اذا حابة تبدي بداية حلوة مع المعلوماتية فخلي البداية مع البرمجة
لانو البرمجة اساس المعلوماتية
وانتو طلاب جامعة دمشق الكم كتاب مقرر اشتريه وبلشي
وانشاء الله بالتوفيق

هلأ انا مو سؤالي شو لازم بلش ادرس من المنهاج انا سؤالي انو شوفي خبرات بالكومبيوتر لازم طالب المعلوماتية يكتسبها؟؟؟!!!!

PC Worshiping

New look, new work, new laptop, new room, new challenges,and many new stuff It's not my birthday it's my revolution

نصيحة من مجرب انبسطي أد ما فيكي بالسنة الأولى لأنو بعدين رح تشوفي العجايب والسنة الاولى ما بدى تحضير لأنو أنا بالسنة الأولى ما كنت بعرف شي عن الكمبيوتر ونجحت بفضل الله وهلا صرت تالتة والبرمجة 1 حظ ما دخل المستوى والدراسة;" target="_self" class="mceButtonNormal">

قابلية التعلم و التفكير المنطقي.