|
ارجو انو قدر فيدك لانو قصتي قصة وجرصتي جرصة
هلق المشكلة حسب ما فهمت انو المعالج شغال وعم بيطلع صوت وحتى ممكن يطلع صوت الويندوز اول الإقلاع
يعني بهيك حالة التغذية الكهربائية والرامات شغالين بس سؤال صغير في شي ريحة شياط لانو ممكن يكون المعالج شغال بس يكون في ريحة شياط وصوت مروحة المعالج ما بيدل انو المعالج شغال هي ملاحظة انتبهيلها لانو إذا طلع في ريحة شياط والمعالج بيكون مالو شغال بس عم بيحاول يشتغل
هيك يعني
إذا ما طلع في ريحة غريبة او ريحة شياط
بتفتحي الكيس وبتشيلي الرام وبترجعي بعد شوي بتحطيهم وإذا ما بتعرفي لا تحاولي فيها اوك
انا على فكرة صارت معي نفس قصتك اكتر من مرة وبكل مرة كان يطلعلي شغلة كتير بايخة
مرة حركت الرامات منيح بعد ما شلتهم ومشي حالهم
وفي مرة تانية عملت نفس الشي وما صار شي قام خطر على بالي انو غير كرت الشاشة وحط واحد تاني بدالو وقمتو وحطيتو مرة تانية قام اشتغل رجعت قمت كرت الشاشة ورجعت كرتي قام مشي متل الليرة انا بصراحة كتير استغربت ليش هيك عم بيصير بس صار
شغلة تانية تأكدي انو المعالج مثبت منيح ومتل ما قلتلك سارة انو صوت المروحة ما بيدل على عمل المعالج لانو كل واحد دارة شكل
المرة التالتة يلي صارت معي صلحت Power Supply ودفعت 250 ليرة(: يا بلاش لحتى مشي هي بأسوأ حالة
في مرة قبل المعسكر صارت معي نفس القصة بس اضطريت جيب شاشة جديدة لانو طلع في IC معطل وهادا وش الضيف ربك حميد لسى الكفالة شغالة وهي شلون أسوا شي ممكن يصير
متل ما قلتلك كل مرة شكل بقى جربي شي شغلة منون
I'll code Pascal codes for food and shelter
|
أرسل من قبل 
