CSC-SY

اهلا شباب صبايا ,, كيفكم ؟؟

ان شاء الله بخير ,,

على كل حاال ,, شباب انا باشرت بتعلم الباسكال ,, لاني يأست من تعلم الخوارزميات .. صعبة ,, مووووت احمر ,,

بقى ياريت تساعدوني يا خبراء الباسكال ,,

يعني كل واحد بيدخل على الموضوع ,, يشرح عن شغلة صغيرة مثل ال var , wincrt , >>>

يعني شرح من عنده مو شرح الكتب لانه مبهم تماما ,, وشرح الطالب للطالب يكون رائع ,,

ومشكووورين سلفا ,, واذا ممكن حد يعطيني وصلت لتنزيل برنامج الباسكال ,, يمكن اسمه توربو باسكال ,, لاني عندي واحد ولكنه غبي جدا يعني شو ما بكتب له ما بيعرفه مثل windos وهيك شي ,,

يعني رجاااء كل واحد يدخل لهل الموضوع يكتب معلومة تفيدني وتفيد الشباب المتعلم و المراجع ,, ويكون ساحة للنقاش ,,

ومشكووورين سلفا ,, واذا في شي اسم كتاب اروح اشتريه من المكتبة يفيدني فاليكن ,, او قرص تعليمي فيديو , لان كتب الانترنت مو مفيدة كتير ,,

وتعقد المعلومة اكثر من اللازم ,

ومشكووورين سلفا ..

اخوكم ,, نانوووو

حبيبي نانوووو
إنت جرب بلش فيها و شو ما بيطلع عندك أسئلة حطها هون منجاوبك...
أما الواحد يحط شرح فما بعتقد الأعضاء بيعملوها

مشكوووور اخوي I Does ,,

للمعلوماتية ,, نانو اسم الدلع !!

على كل حاال ,, ما اقصد شرح بمعناه ,, يعني كم فكرة ,, او اقلك خلص انا بحط اسئلة وان شاء الله انتوا ما بتقصروا ,,

اول سؤال : س1 شو معنا Var يعني شو فائدتها (بس شرح يكون مفهوم لانني جنيت وما فهمتها )

س2 شو معنا uses وشو فائدتها

س3 ممكن سد يكتبلي كل الكلمات المحجوزة وما فائدة كل منها (صعبة شوي )
س4 سؤال اخير ,, ممكن اسم كتاب للتعلم الباسكال ,, لانو انا ما فهمت شي من الخوارزميات ,, بقى حولت فورا على الباسكال .. بقى كتاب موجود بالسوق ,, او قرص تعليمي ,,

س5 اخيرا , ممكن وصلت لبرنامج باسكال توربو على النت تكون كاملة ,, لانو العندي ما بعرف شبها بكتبلها 100 كلمة لتتعرف على كلمة !!!

ومشكوووورين سلفاا

هلأ مشان الكتاب فيك تجيب كتاب البرمجة 1 لجامعة دمشق....
أما إذا بدك كتب الكترونية فبحطلك روابط عليها...
VAR لتعريف المتغيرات يعني عندك متغير بدك تقلو إنو شو نوعو هل هو عدد صحيح أم حقيقي أم محرف.....الخ
uses هي بكير عليها شوي لإنو للوحدات ..بس إذا عم تشتغل على باسكال للويندوز مو للـ Dos ساعتها لازم تكتب بعد تعليمة program
uses wincrt
مشان يشتغل لبرنامج معك....
و مشان الكلمات المحجوزة فهي كتيرة ما رح تحسن تحفظها كلها و لما بتجيب أي كتاب عن الباسكال بتلاقيها موجودة كلها ....
و مشان الوصلة هلأ بشوف شي وحدة و إذا حدا من الأعضاء بيعرف وحدة شغالة و كاملة يحطها....
بس متل ما قلتلك خلي أسئلتك محددة متل هيك ...

حدا متذكر إذا الباسكال بياخد كلمة windos ؟؟

الفكرة غلط !

شو دخل هي بهي ...؟؟

الخوارزميات أساسية لكتابة أي برنامج على أي لغة برمجة ..

ولغة البرمجة شغلة ثانوية وحياتك ..

وأي سؤال بالباسكال نحنا جاهزين .. والشباب ما بيقصروا ..

اووووف ,, ولله ما اتوقعت هلقد التفاعل ,, والله مشكووورين جميعا ,,

اخوي I Does ,, انا بدأت اكتب مقدمات صعيرة يعني program (ant thing ) ( input >>>>

ولازمني معنا ال uses لانو في wincrt , windos , strings وهيك شي ,,

هدول اصعب الشي ,,

ومشكووور كتير اخوي ,, ولله انك افدتني بهل الكلمتين يلي كتبتهم ,,

وان شاء الله تستمر بهذا العطاء ..

وس6 شو معناها متغير ,, مع زكر مثال صغير (رجاء يكون شرح عامي ومفهوم )

س7 شو معناها ثابت مع ذكر مثال صغير (رجاء يكون شرح عامي ومفهوم )

آلاء أنور :: مشان موضوع الخوارزميات ,,, يا اخ(ت)ي يعني ولله شي مو طبيعي ,, وخصيصا اذا ما في حد يعلمك ياها ,, لهيك استغنيت عنها ,, وخصوصا انو انا عم افهم البرمجة (باسكال ) ,, ومالها اي داعي على الرغم من اهميتها ,,

مشكووورين جميعا ,, وبأنتظار باقي الاعضاء للتفاعل ,,

و سؤال صغير , الباسكال هل تصنف من اللغات السهلة ,, ام صعبة

وما هي اللغات الاصعب و الاسهل ,,

وشكككررااااا سلفــــــــــــــــــــــــااا

اخوي I Does ,, سؤال اخر اذا ما فيها سقلت ,, ولله بعرف اني تقلتها شوي , بس بدك تطول بالك (جديد بالمصلحة )

هلق كتاب البرمجة 1 لجامعة دمشق يختلف عن كتاب جامعة حلب ؟؟

وهل هو مفيد (بالنسبة للباسكال ) وكم سعره ؟؟ ومن وين الواحد بيحسن يشتريه ؟

ومشكووور كوتش ,, بس ما تعرفنا ؟؟ شو الاسم الكريم ؟

مشان الكتاب يللي بحلب و الله ما بعرف بس إذا بدك فيك تسأل L4W4NDهو كان بحلب بالسنة الأولى..... و سعرو بجوز شي 200 ليرة ...و هو مفيد و بتجيبو من الجامعة...
المتفير ( من اسمو ) يعني ما هو قيمة ثابتة و لكن ممكن تحط فيه أي قيمة (تتناسب مع نوعو) ....يعني:
أنا عرفت متغير من نوع integer (عدد صحيح) اسم هالمتغير هو x ...هلأ هاد ال x فيني حط فيو 1 أو -65454 أو 585 ....لما بقول :
x:=585 (طبعاً لا تنسى الفاصلة المنقوطة بعد كل تعليمة)....
أو فيني خلي المستخدم لما يتنفذ البرنامج هو يدخل قيمة x ...و هون بستخدم التعليمة read :
لما بقول : read (x) بيجي البرنامج وقت التنفيذ بيستنى من المستخدم يدخل قيمة المتغير x (طبعاً لازم تكون عدد صحيح لإنو أنا هيك اخترت نوعو)....
أما الثابت (كمان من اسمو ..) يعني قيمة ثابتة ما بتتغير متل الثوابت العددية (5 , -4545 ) أو المحرفية أو أو أو .......الخ
و هي بتعرفها باستخدام التعليمة CONST
CONST Y=1455
هيك قلتلو إنو عندي ثابت اسمو Y ما بياخد غير القيمة 1455
..............

الباسكال لغة أسهل من غيرها و منيحة كبداية....بس لا تتوقع إنو تعملك برامج كبيرة...يعني هي اللغة تعليمية أكتر من كونها لصنع التطبيقات...
هلأ أسهل من هيك مافي...و أصعب من هيك في بس لما بتتعلم لغة ما عاد يصعب علي أي لغة تانية

مشكووور اخوي اي دس ,, بس ولله ما بصير ,, يعني لحد الان ما عرفتنا شو الاسم الكريم ,, يلا بسيطة ,,

ولله ما بعرف شلون بدي اكافيك ,, يلا ان شاء الله بعرسك

,, اههه ,, نسيت مباركة طاعتك ,,

واليوم الحمد لله ما عندي اي سؤال لانو عم اراجع المعلومات القديمة ,

بس عندي كم سؤال في هذا الموضوع ( http://www.csc-sy.net/node/8593 ) اذا بتقدر تنفعني انت و الاعـــضــــاء ..

وسلامي لك ,, ولهم ,, وتحياتي ,, اخوك محمد ..

أهلين أخي و أنا كمان أخوك محمد