CSC-SY

السلام عليكم
مقالة مفيدة قريتها بموقع البوابة العربية للأخبار التقنية, فحبيت تطلعو عليها ويصير في شوية نقاش عن هالموضوع.

المقالة بتتحدث عن حقيقة موجودة بواقعنا المعلوماتي وهي مدى تأقلم المبرمجين مع لغات البرمجة الجديدة, وكيف انو المبرمجين بيسعوا خلف التكنولوجيا الجديدة يللي بتظهر قدامهم كل يوم والصعوبات يللي بتواجهم للتأقلم معها.

رابط المقالة: http://www.aitnews.com/news/8598.html

عفكرة كاتب المقالة (المبرمج تميم بحري) كان بيدّرسني وقت كنت ادرس بجامعة المأمون.

برأيي في تطور سريع بس مافي تغييرات جذرية سريعة بعالم لغات البرمجة وبالتالي أي مبرمج متابع تطور أدوات مهنته رح يضل متمكن من كل التقنيات الحديثة بكل سهولة بدون ما "يلهث"

أما الي بدو يتعلم أداة وحدة يشتغل عليها طول العمر فالأفضل يدور على مهنة تانية.

أما من ناحية شركات البرمجة الصغيرة فالوضع بيختلف
فعلاً الشركات اما عم تضل تلهث أو عم تتأخر كتير عن استخدام الأدوات والتقنيات الجديدة.

أعتقد أنه في وجهة نظر بهالحكي طالما نحنا مستخدمين للتقنيات المنتجة و لسنا منتجين لها

و أنا برأيي أنه هذه المهنة من أصعب المهن من شان هذا السبب

و أنا أحذر جميع المبرمجين من اليوم يللي بدها تصير البرمجة فيه تعتمد على Native Language

كلام منطقي بس مو لهلدرجة من البشاعة

يبقى لكل مجال مطوريه
والدوت نت لا تستطيع الغاء البرمجة التقليدية القديمة بل أخذت شريحة من السوق فقط

جرب الانقطاع عام

أنا أقول
جرب عامين = الخدمة الالزامية

كتب foaad:

برأيي في تطور سريع بس مافي تغييرات جذرية سريعة بعالم لغات البرمجة وبالتالي أي مبرمج متابع تطور أدوات مهنته رح يضل متمكن من كل التقنيات الحديثة بكل سهولة بدون ما "يلهث"

أما الي بدو يتعلم أداة وحدة يشتغل عليها طول العمر فالأفضل يدور على مهنة تانية.

أما من ناحية شركات البرمجة الصغيرة فالوضع بيختلف
فعلاً الشركات اما عم تضل تلهث أو عم تتأخر كتير عن استخدام الأدوات والتقنيات الجديدة.

أنا برأيي أنه كادر الشركة التقني هو المسؤول عن المواكبة

المشكلة بحالة الشركات الصغيرة حتى لوكان فريق العمل مواكب للتطور مافي وقت لتحويل الكود القديم إلى التقنيات الجديدة (طبعاً ممكن عمل استيراد للكود بسهولة تقريباً من أي لغة الى تانية وخاصة ضمن لغة وحدة مثلاً من C# 1.0 إلى C# 3.0 بس هاد مو اسمو استخدام للتقنيات الجديدة)

طيب ليش مثلا برنامج محاسبة و أتمتة معين لنقول الأدوات التي شاركت في بنائه :

- نظام تشغيل Windows 2000
- بيئة برمجية معينة VB6
- نظام ادارة قواعد بيانات Sql Server 2000

ألا يعد استخدام VB.NET و Sql server 2008 بعد فترة معينة لاعادة بناء البرنامج من جديد استخدام للتقنية الجديدة

بحيث أن نظام قواعد المعطيات قد طرأ عليه العديد و العديد من التغيرات بالاضافة الى بيئة Dot NET

لاتنسى انو الكادر الموجود عند الشركة عم يشتغل بأمور تانية (تطوير وصيانة البرنامج أو برنامج تاني)
يعني لحتى الشركة تساوي الي انت عم تقوله لازم توقف كل شي وتركز على تطوير البرنامج القديم (وهالشي رح يستغرق من سنتين إلى تلاتة لحتى يرجع يوصل لمستوى ميزات واستقرار البرنامج القديم)

الحل طبعاً انو الشركة تزيد حجم فريق العمل ودائماً يكون عندها فريقين واحد عم يشتغل على النسخة الحالية وواحد على النسخة المستقبلية أما فريق واحد يشتغل نسخة ورا نسخة صعب يلحق التطور.

كتب foaad:

كتب bayrn:

طيب ليش مثلا برنامج محاسبة و أتمتة معين لنقول الأدوات التي شاركت في بنائه :

- نظام تشغيل Windows 2000
- بيئة برمجية معينة VB6
- نظام ادارة قواعد بيانات Sql Server 2000

ألا يعد استخدام VB.NET و Sql server 2008 بعد فترة معينة لاعادة بناء البرنامج من جديد استخدام للتقنية الجديدة

بحيث أن نظام قواعد المعطيات قد طرأ عليه العديد و العديد من التغيرات بالاضافة الى بيئة Dot NET

لسبب بسيط, الوقت

لاتنسى انو الكادر الموجود عند الشركة عم يشتغل بأمور تانية (تطوير وصيانة البرنامج أو برنامج تاني)
يعني لحتى الشركة تساوي الي انت عم تقوله لازم توقف كل شي وتركز على تطوير البرنامج القديم (وهالشي رح يستغرق من سنتين إلى تلاتة لحتى يرجع يوصل لمستوى ميزات واستقرار البرنامج القديم)

الحل طبعاً انو الشركة تزيد حجم فريق العمل ودائماً يكون عندها فريقين واحد عم يشتغل على النسخة الحالية وواحد على النسخة المستقبلية أما فريق واحد يشتغل نسخة ورا نسخة صعب يلحق التطور.

أووف سنتين لثلاثة ، شو هالحكي

معناتا الشركات الصغيرة شغلتها صعبة اذا بدها تستمر