CSC-SY

الفكرة إنو نعمل موعد أسبوعي بقاعة معينة و بوقت معين نتفق عليه و نعرض فيلم وثائقي معلوماتي، و ممكن بمرات تانية ما يكون اله علاقة بالمعلوماتية يعني أي شي... تاريخي... ثقافي... المهم يكون هادف.

شو الهدف؟!

•  ممكن كتير أفلام تكون مفيدة و وثائقية بس ما تكون بمتناول الجميع. هيك منشوفها كلنا  
•  و شغلة تانية لاحظت انو عنا "شوّيفة" أفلام ( وثائقية و غيرها ) بالكلية فقلت لحالي ليش كل واحد يشوف الفيلم لحاله بعدين يحط الـ review بموضوع "سينما و أفلام" ؟! بيقول الـ review عالواقع و بيتناقش فيه مع بقية الطلاب،يعني ممكن إذا كان الفيلم بيثير الجدل نعمل متل ندوة أو حوار مصغر بيديره يللي مرشح الفيلم شي 15 دقيقة مو أكتر.
• و الشغلة التالتة، فرصة لنتعارف أكتر  و نحس انو نحنا قاعدين بكلية وحدة وكلنا عم نتفرج على شاشة وحدة مو كل واحد على شاشة "لابتوبه"

شو منحتاج؟!

 projector و لابتوب و قاعة فاضية و موافقة العميد... بس    (وكم كيس بوشار )

شو رأيكن؟!

حلوة الفكرة ..

بس كإنو هدول صعبين !! خاصة البوشار

حلوة الفكرة كتير

بس في مكان؟؟؟ 

اي فكرة حلوة وممتازة

بدها شغل كتير بس بتصير برعاية الهيئة الادارية على أنها من الأنشطة الثقافية ...

New look, new work, new laptop, new room, new challenges,and many new stuff It's not my birthday it's my revolution

حلوة كتير الفكرة .. بس يارب يوافقو المسؤولين

تمام
ممكن نخليها باسم الهيئة وهيك بيصير في مسند ضهر
بس على حد علمي أنو الـ projector صعبة شوي ناخدها من الكلية
مرة الأستاذ M-Ramy احتاج واحد وعى ما أذكر ما حسن يحصل عليه واضطر يستأجر .. مو متأكد بس هيك متذكر
ولا تنسو M-Ramy معيد .. يعني مو حيللا
وإذا بدك شي جهاز عالتقيل .. لابتوبي جاهز
وأنا كمان جاهز

هلأ هو الفكرة حلوة .... بس ليصير عنا كلية بعدين منحكي بالموضوع

والله شي مبشر هالتجاوب، عالقليلة في طرف متعاون

اي أكيد. بس هلأ كونه رئيس الهيئة EhabLM تخرج فمين هلأ رئيس الهيئة؟؟

إذا الزميل إيهاب لسا اله صلاحيات فهاد بيكون من حسن حظنا

مبدئياً لأ...بس بتوقع مو نحنا منختاره يعني حسب موافقة العميد و فضى القاعات.

كتب en.karam1989:

بس على حد علمي أنو الـ projector صعبة شوي ناخدها من الكلية مرة الأستاذ M-Ramy احتاج واحد وعى ما أذكر ما حسن يحصل عليه واضطر يستأجر .. مو متأكد بس هيك متذكر ولا تنسو M-Ramy معيد .. يعني مو حيللا

إن شاء الله يكون حظنا أحسن من حظ الأستاذ M-Ramy  ولو إنو بستبعد بس إن شاء الله

كلام سليم

كتب en.karam1989:

ولا تنسو M-Ramy معيد .. يعني مو حيللا

لأ هو ما معيد

بس مدعوم

ما بتصور يكون في مشكلة عند إدارة الكلية

ومشان المكان بتذكر مرة لما كنا سنة تانية عرضت مجموعة نسوتيا فيلم وثائقي عن البرمجيات الحرة ولينوكس!!

وكان بمبنى الزلازل والمكان كان ماشي حالو... ومشان الأعداد ممكن يصير العرض اكتر من مرة

الله يعطيك العافية Joolnar, دايماً أفكارك مميزة
الفكرة حلوة .. بس يحاجة لعدة إجرائيات وترتيبات وقوانين..
وكون "صلاحية" الهيئة الإدارية لسا ما خلصت (صفيلنا شي شهر )
ممكن ساعدكن بالموافقات والإجراءات خلال هالفترة..
وبلكي بعد العيد إن شاء الله منبلش رسميا بالموضوع..

وإذا نجحت رح كون أول الحاضرين إن شاء الله

this is agood step
I agree with u !!

شو هاد ما عرفتك يا Joolnar

كتب Joolnar:

projector و لابتوب و قاعة فاضية و موافقة العميد... بس    (وكم كيس بوشار )

اللابتوب بخدمتك

شكراً الك أستاذ ايهاب .. ان شاءالله يتم وينجح هالنشاط

من زمان بدنا هيك أفكار شابة..

أنا معكم

شكرأ لدعمك و تشجيعك النا متل ما عودتنا دائماً، و إن شاء الله بتتنفذ الفكرة و منتشرف بحضورك

ONE WORD : I AM IN
الفكرة معقولة كتير بس بدها شوية تنظيم من شان متل ما قال Renwar ما يصير فيها لت و عجن يعني بأكم خطوة صغيرة متل تحديد جدول لمواعيد العرض و أسماء و مصادر الأفلام بنرتاح من المسائلة نوعا ما , و مبدئيا إذا قدرنا ناخد موافقة على هلشي بنعود نحن منطور هلموضوع لحالنا "على السكيتة "

هلأ كفكرة أنا بتمنى تصير...
بـــس اذا بدكون تجي للواقع الدنية جاية على شتوية و اذا الدوام طويل ما منرجع عالبيت للمغرب و لا تنسو مشاريع ووظايف و شنططة يعني بيوصل الواحد لآخر النهار مالو مصدق امتى يطلع من هالكلية و يوصل عالبيت... و بالنسبة للمكان اي نحنا من غير شي ما كنا نلاقي محل نقعد و هلأ بعد هالتغيرات الله أعلم أديش بدنا نتشنطط..
على كل حال الله يقويكون و اذا بيطلع بايدنا شي ما منقصر..

كتب en.karam1989:

تمام
ممكن نخليها باسم الهيئة وهيك بيصير في مسند ضهر
بس على حد علمي أنو الـ projector صعبة شوي ناخدها من الكلية
مرة الأستاذ M-Ramy احتاج واحد وعى ما أذكر ما حسن يحصل عليه واضطر يستأجر .. مو متأكد بس هيك متذكر
ولا تنسو M-Ramy معيد .. يعني مو حيللا
وإذا بدك شي جهاز عالتقيل .. لابتوبي جاهز
وأنا كمان جاهز

أنا لما اجتجتو كان لبرات الكلية
الفكرة حلوة بس قد تواجهو بعض المشاكل الإدارية

السلام عليكم جميعا..

بحب خبركن انو اخدنا الموافقة الرسمية من الجامعة على إقامة الأسبوعي الوثائقي وتزويدنا بكل شي منحتاجه من الكلية
وحالياً عم بتحضرلنا Joolnar (مشكورة وكل مين عم بساعدها) فيلم الأسبوع القادم ..

رح نزل إعلان بلوحة الإعلانات -إن شاء الله- باسم الفيلم واليوم والساعة والمدرج (عالأغلب يوم الثلاثاء الساعة الواحدة بالمدرج الثالث) بس مو أكيد لحتى نستقر عالساعة..

طبعا كل الشكر لJoolnar ولكل الزميلات والزملاء يلي عم بحاولوا يعملوا شي لهالكلية وبتمنى تضل الاقتراحات والأفكار المميزة شغالة ع طول وأنا جاهز لأية مساعدة طالما لساتني بالهيئة -أقل من شهر-

شدّلنا همتك ايهاب بيك
انت قدها وقدود..

الله يوفقكون........

أكيد الشكر أولاً و أخيراً الك سيد إيهاب و لتعاونك معنا، ومن سوء حظنا إنو صلاحياتك ممتدة  لشهر أو أقل على أمل انك تكون قدوة لرؤساء الهيئة القادمين

و إن شاء الله بكرا بينزل الإعلان عن أول فيلم بس لتخلص جلسات التنقيب و المناقشة

يا ريت يكون الموعد الساعة 1 لأنو نحنا طلاب الخامسة (ذكاء) ما عنا أي وقت فاضي بأيام الاثنين والثلاثاء والأربعاء غير هالوقت

وشكرا أول شي لـ Joolnar ولكل اللي عم يشتغلوا معها

وشكرا لإيهاب اللي ساعدون

الله يعطيكون العافية و الله يقويكون..
اذا حدا عندو اقتراح على شي فلم وين يحط الاقتراح؟
بالمناسبة أنا بقترح فلم Pirates of Silicon Valley صحيح الفلم قديم شوي بس لازم طلاب المعلوماتية يشوفو هالفلم.. أنا عندي ياه ليلي بيحب بس مالو مترجم لأي لغة...