|
الماستر سنتين
الأولى مواد وهية أشبه بسنة سادسة معلوماتية !
التانية رسالة
خلينا بسنة المواد
المفروض من الماستر أنك تتخصص أكتر
يللي عم يصير أنك عم تروح بالعرض(بس مو تسمن يعني) مو بالعمق يعني عم تزيد معارفك أكتر
هلأ كمواد الوضع جيد
في مواد حلوة
وبتتعلم فيها شغلات جديدة
وبتتعمق شوي ببعض المواد
من خمس مواد
كان في مادتين كتير حلوين واستفدنا منهم
تطبيقات الإنترنت المتقدمة للدكتور عمار خير بك
والتنقيب في المعطيات للدكتور راكان رزوق
نحنا برمجيات وأخدنا شبكات عصبونية ومنطق ترجيحي وخوارزميات جينية
هلأ مواضيع مفيدة بس نحنا متل ما قلت رحنا بالعرض
هي السيئة الأولى
التانية أنو معظم يللي داخلين فاقسين
يعني الماستر عندهم تحصيل حاصل
الغالبية العظمى عم تشتغل
ويللي داخل مشان الجيش
مما أدى لفقسان في التفاعل من الطلاب
وأنا أولهم 
بس إجمالاً من جهتي أنا استفدت كتير من السنة الماضية
وتعلمت شغلات جديدة كتير أكاديمياً
وبظن ممكن الواحد برسالة الماستر يتخصص تمام بموضوع معين
يعني باعتقادي الخلاصة الماستر جيد
{وماكان الله ليعذبهم وأنت فيهم وماكان الله معذبهم وهم يستغفرون}
|
أرسل من قبل 
