CSC - SY

قصدك اللغز تبع البيوت والأشخاص من جنسيات مختلفة؟

اي نعم !!

طيب انا رح حط اللغز بشان الكل يشوفوه :

كتب إينشتاين هذا اللغز بنفسه في القرن الماضي , وقال أن 98 % من سكان العالم لم يتمكنوا من حله
. 1- توجد خمس منازل لكل منها لون مختلف .
2- يسكن كل منزل شخص من جنسية مختلفه .
3- كل ساكن يفضل ان يشرب مشروبا معين , ويدخن سجائر نوع معين منها,ويحتفظ بحيوان أليف معين .
4- لاأحد من الجيران الخمسة يشرب نفس المشروب أو يدخن نفس النوع من السجائر أو لديه نفس الحيوان الأليف .
معلومات الربط : * يسكن البريطاني في المنزل الأحمر . * لدى السويدي كلب * يحب الدنماركي شرب الشاي . * البيت الأخضر على الجانب الأيسر من البيت الأبيض * مالك البيت الاخضر يشرب القهوة. * الشخص الذي يشرب سجائر نوع بال مال لديه طائر. * الرجل الذي يسكن في البيت الأوسط يشرب الحليب. * مالك المنزل الأصفر يدخن سجائر نوع دانهيل . * يسكن النرويجي في المنزل الاول . * يسكن مدخن سجائر نوع مارلبور مجاورا لمن لديه قطه. * الرجل الذي لديه حصان يسكن مجاورا لمن يدخن سجائر نوع دانهيل . * مدخن سجائر نوع وينفيلد يحب شرب الجعه (شراب الشعير). * يسكن النرويجي مجاورا للبيت الأزرق . * يدخن الألماني سجائر نوع روثمانز. * مدخن سجائر نوع مارلبور لديه جار يحب شرب الماء.
المطلوب تحدد اللون الجنسيه الحيوان المشروب نوع السجائر لكل واحد مع توضيح : من منهم لديه السمكة (أو أن حيوانه الأليف سمكة)؟ لا توجد خدعه في حل هذا اللغز , بل هو منطق صرف من يعرف الإجابة سيكون من ضمن أذكى أذكياء العالم (2% الأذكياء في العالم) .

هلأ ما كتير تصدق أنو يلي بيحلوا بيكونوا بين أذكى 2% من الناس بالكرة الأرضية, لأنو ما شفت واحد بيعرف اللغز إلا وحللو, وكل الناس بتقللك أنو بورقة وقلم بينحل مع أي شخص بيعرف يحط جدول بالعلاقات بين الناس.
بس بيضل لغز حلو وظريف.

صح هاد الكلام و انا حليتو من زمان و بتذكر كانت المنافسة مو مين يحلو بس مين يحلو باقصر وقت ممكن و لا يغرك الكلام اللغز بينحل ببساطة يعني لا تستصعب الموضوع

اما اذا من ناحية برمجتو فأنا ما برمجتها بس انتى حلها و شوف شو الخطوات اللي اتبعتها و حولها لخوارزمية

أكيد الوقت هو يلي بيميز اللي حلوه عن بعضهم ما في شك
أنا ورفيقي بالباكالوريا اتبارينا مين بيحط للتاني لغز متلو, وطلع معنا لغزين أصعب منو وأخدو أكتر بكتير لنحلو

والله بدورلكم, بس ما بوعدكم فيهم لأنو هنن على شي دفتر من دفاتر البكالوريا, وأغلب دفاتري عمبيعملوا جولة من بعد ما خلصت منهم, إن شاء الله بحاول شوفهم.

هي الحل بلغة الC++
http://www.codeproject.com/KB/cpp/EinsteinsRiddle.aspx

أنا ما قريتو، بس بظن محلول‎‏ بطريقة الBacktracking

عفوا بس شو قصدك بطريقةالBacktracking
؟؟؟؟؟؟
معقول هاد هو كود اللغز ؟؟؟؟؟

لا لا ما فهمت قصدي
انا عم احكي عن الكود اللي في الموقع اللي حكا عنو L4W4ND

أنا آسف ما لقيت شي عندي, بس شوف رفيقي بسأللكم إذا لسا عندو الألغاز.

قصدي انو الكود كتيييييييييير طويل
و ما توقعت يكون هيك صراحة
!!!!!!!!!

ههه طويل ! ، طول الكود مفهوم نسبي كتير