FOSS Workshop

الصفحة الرئيسية
برمجيات حرة
نشره mpcabd في الثلاثاء, 20/01/2009 - 1:19ص

iCommunity
FOSS-Workshop 2009

يعلن شبكة المعلوماتيين الشباب عن إقامة ورشة عمل البرمجيات الحرة والمفتوحة المصدر FOSS بدءاً من الثلاثاء 3 شباط حتى الخميس 5 شباط 2009 في مقر الجمعية العلمية السورية للمعلوماتية في حديقة تشرين بدمشق.

تحوي ورشة العمل محاضرات تثقيفية عن البرمجيات الحرة والمفتوحة المصدر حول المواضيع التالية:
  • المصادر المفتوحة والبرمجيات الحرة.
  • المشاريع مفتوحة المصدر وكيفية التنسيق ضمنها وكيفية العمل على مشاريع حرة ومفتوحة المصدر.
  • التراخيص الحرة والمفتوحة المصدر الأشهر مثل GNU/GPL و MIT و BSD، الفروق بينها واستعمالاتها.
  • ترخيص Creative Commons واستعمالاته وأهميته.
  • كيفية إقامة شركة مفتوحة المصدر وحرة وإمكانات الكسب المادي من هكذا شركات.
  • البرمجيات الحرة المتوفرة كبدائل للبرمجيات الغير حرة والمغلقة التي يستعملها المهتم بعلوم الحاسب. تأمين البدائل التي يحتاجها الشخص كبرمجيات حرة لتمكين الهجرة من البرمجيات الغير حرة والمغلقة.
  • نظام Linux التعريف والتنصيب والاستعمال.

يلقي المحاضرات مجموعة من المهندسين والناشطين بمجال علوم الحاسب من:
سوريا: م.ندى البني، م.خالد الشمعة، م. فراس قاسم، م. عماد مهايني، م. همام حواصلي, م. هاني الصفدي, م. أحمد عثمان، عبد الله دياب.
الأردن: م.كفاح عيسى.
إيطاليا: سيغني الورشة حضور السيدة Donatella Della Ratta، مسؤولة Creative Commons في الشرق الأوسط.

كما سيتضمن ورشة العمل مهرجان لتنصيب نظام التشغيل Linux على أجهزة الحضور، حيث سيكون هناك جلسة يوميا لتنصيب النظام، فما عليك إلا أن تحضر جهازك المحمول وقم بتنصيب إحدى الإصدارات الشهيرة Ubuntu أو  Fedora بنفسك وتحت إشراف ومساعدة مختصين. كما ستحوي جلسات التنصيب فقرات تعليمية لنظام التشغيل الذي سيتم تنصيبه، كيفية العمل عليه وكيفية تنصيب البرامج عليه.

تحوي ورشة العمل أيضا ً توزيعا ً لقرص ليزري Open DVD يحوي برمجيات حرة تعمل على نظامي Windows و Linux، كما سيتم توزيع نسخ من الأنظمة التي ستستعمل في مهرجان التنصيب على الحضور.

جدول المحاضرات الأخير موجود هنا.

باسم شبكة المعلوماتيين الشباب نتشرف بدعوتكم لحضور ورشة العمل

ملاحظات:
للراغبين في المساعدة في مهرجان التنصيب أو في حال وجود أية اقتراحات المراسلة على البريد التالي: icommunity.foss.09@gmail.com


شبكة المعلوماتيين الشباب
iCommunity


( )

خيارات عرض التعليق

اختر الطريقة التي تفضلها لعرض التعليقات، ثم اضغط على "احفظ الإعدادات" لتفعل التغيرات.

ياريت تقوموا

نشره foaad يوم الثلاثاء, 20/01/2009 - 3:02ص.

ياريت تقوموا بدعوة (دعوة رسمية) أساتذة ومهندسي الكلية لحضور الورشة.
وخاصةً النقطة السادسة.

P.S : ان شاء الله مايصير تعارض بين ورشة العمل والنشاط التاني المقرر بـ 2 شباط Wink
شو رأيكون نعزم م.ندى البني و م.خالد الشمعة على النشاط التاني Mr. Green

صورة BlackSigma

يعطيك ألف عافية

نشره BlackSigma يوم الثلاثاء, 20/01/2009 - 6:02ص.

يعطيك ألف عافية Mpcabd
أكيد رح نحضر Wink
إذا كان في دعوات رسمية خبرني Smile

كتب foaad:

والنشاط التاني المقرر بـ 2 شباط

?????

صورة mpcabd

في دعوات رسمية

نشره mpcabd يوم الثلاثاء, 20/01/2009 - 10:21ص.

في دعوات رسمية لأساتذة ودكاترة الكلية أكيد.
بس إن شاء الله ما في تعارض, منعمل النشاط تبع 2 شباط بعد الورشة بنفس اليوم Very Happy

صورة lubna

الدعوة عامة

نشره lubna يوم الثلاثاء, 20/01/2009 - 10:44ص.

الدعوة عامة ..
بدون شروط..

صورة mpcabd

الدعوة عامة

نشره mpcabd يوم الثلاثاء, 20/01/2009 - 10:50ص.

الدعوة عامة طبعا ً.

صورة Rammstein

هلأ جايي إعلان

نشره Rammstein يوم الثلاثاء, 20/01/2009 - 2:51م.

هلأ جايي إعلان لكل فروع الجمعية بالمحافظات وللا بس دمشق؟
إذا بدكن فيني اطلب من الهيئة الإدارية وضع إعلان عنا بالكلية لهالنشاط

صورة NightWolf

كتب foaad:ياريت

نشره NightWolf يوم الثلاثاء, 20/01/2009 - 3:16م.

كتب foaad:
ياريت تقوموا بدعوة (دعوة رسمية) أساتذة ومهندسي الكلية لحضور الورشة.
وخاصةً النقطة السادسة.

P.S : ان شاء الله مايصير تعارض بين ورشة العمل والنشاط التاني المقرر بـ 2 شباط Wink
شو رأيكون نعزم م.ندى البني و م.خالد الشمعة على النشاط التاني Mr. Green


قولتك عم نحاول نساوي كل شي Free حتى ال ... Wink

صورة mpcabd

كتب Rammstein:هلأ

نشره mpcabd يوم الثلاثاء, 20/01/2009 - 8:00م.

كتب Rammstein:
هلأ جايي إعلان لكل فروع الجمعية بالمحافظات وللا بس دمشق؟
إذا بدكن فيني اطلب من الهيئة الإدارية وضع إعلان عنا بالكلية لهالنشاط

أي الإعلان رح ينبعت لفروع الجمعية كلها.
والجمعية رح تتعاون مع الإتحاد الوطني لطلبة سوريا منشان الإعلان, بالتالي الكليات المهتمة إن شاء الله رح ينحط فيها إعلانات.
شكرا ً لجهودك Rammstein Smile

صورة Joolnar

Wow! It sounds really

نشره Joolnar يوم الأربعاء, 21/01/2009 - 1:16ص.
Wow! It sounds really interesting. I'll be there :) 
كتب <a href="/" target="_blank" title="http://creativecommons.org/about/people/#108" rel="nofollow">creativecommons.org about Donatella Della Ratta</a>:

She loves Arabic language and goes crazy for musalsalat, especially those dubbed in Syrian dialect.

Seems we have one thing in common Smile
صورة NightWolf

كتب Joolnar:Wow! It

نشره NightWolf يوم الأربعاء, 21/01/2009 - 1:21ص.

كتب Joolnar:

Wow! It sounds really interesting. I'll be there :) 
كتب <a href="/" target="_blank" title="http://creativecommons.org/about/people/#108" rel="nofollow">creativecommons.org about Donatella Della Ratta</a>:

She loves Arabic language and goes crazy for musalsalat, especially those dubbed in Syrian dialect.

Seems we have one thing in common Smile


والله هي بتحكي عربي منيح مع لهجة غريبة شوي بس ما تخيلت ولا مرة أنو في حدا متمكن من المفردات كل هالقد !! ، وأحلى شي فيها نكهة ايطالية بلهجتها ...

صورة mpcabd

ما شاء الله

نشره mpcabd يوم الأربعاء, 21/01/2009 - 12:13م.

ما شاء الله حولها, بتحكي عربي منيح.

عمل رائع ..

نشره shashi يوم الأربعاء, 21/01/2009 - 7:07م.

عمل رائع .. يعطيكون العافية. Smile
ان شاءالله بحضره كله.

صورة free-programmer

مشكور و تم

نشره free-programmer يوم الأربعاء, 21/01/2009 - 7:31م.

مشكور و تم النشر على مجتمع لينكس العربي :
http://www.linuxac.org/forum/showthread.php?t=19887

صورة mpcabd

شكرا ً بدري,

نشره mpcabd يوم الأربعاء, 21/01/2009 - 7:42م.

شكرا ً بدري, الله يعطيك العافية Very Happy

اقتباس:مجتمع

نشره shashi يوم الأربعاء, 21/01/2009 - 8:48م.

اقتباس:
مجتمع المعلوماتيين السوريين
iCommunity

بس ممكن معلومات أكتر عن هالتجمع؟

صورة DAM

كتب

نشره DAM يوم الخميس, 22/01/2009 - 1:41ص.

كتب shashi:
اقتباس:
مجتمع المعلوماتيين السوريين
iCommunity

بس ممكن معلومات أكتر عن هالتجمع؟

صورة mpcabd

بأول محاضرة

نشره mpcabd يوم الخميس, 22/01/2009 - 11:18ص.

بأول محاضرة منحكيلكم إن شاء الله عن المجتمع iCommunity Smile
لأنو ما فيني أحكي عنو لحالي, لازم باقي الأعضاء يحكو معي Smile
الأعضاء هنن: م. عماد مهايني, م. فراس القاسم, م. همام حواصلي, م. ندى البني, والداعي Very Happy

صورة NightWolf

كتب DAM:كتب

نشره NightWolf يوم الخميس, 22/01/2009 - 5:49م.

كتب DAM:
كتب shashi:
اقتباس:
مجتمع المعلوماتيين السوريين
iCommunity

بس ممكن معلومات أكتر عن هالتجمع؟


فريق عمل غير ربحي هدفه تنظيم العمل المعلوماتي في سوريا والأشخاص المذكورين آنفا هم مؤسسو هذا الفريق ومدراؤه Smile

صورة mpcabd

تم الاتفاق على

نشره mpcabd يوم الخميس, 22/01/2009 - 6:52م.

تم الاتفاق على جعل الورشة 3 أيام بدلا ً من 5, فالورشة الآن من 1 حتى 3 شباط.

صورة sonar_1

طيب ممكن نعرف

نشره sonar_1 يوم الجمعة, 23/01/2009 - 9:27م.

طيب ممكن نعرف أوقات عقد الجلسات بالتحديد
وأكيد حتكون في فترة المساء ....

صورة mpcabd

الأوقات مساء ً

نشره mpcabd يوم الجمعة, 23/01/2009 - 10:01م.

الأوقات مساء ً إن شاء الله, لكن والله ما بقدر قول شي هلأ, للأنو القصة مو بس من عنا, كمان في كتير ظروف تانية عمتتغير وتحدد الأوقات, لذلك إن شاء الله كحد أقصى يوم الأحد المسا بيكون كل شي ثابت.

صورة mpcabd

الجدول الأخير

نشره mpcabd يوم الاثنين, 26/01/2009 - 1:57ص.

الجدول الأخير لورشة العمل:
عنوان المحاضرة المحاضر التوقيت التعريف بالبرمجيات الحرة والمفتوحة المصدر.
م. فراس القاسم و م. همام حواصلي
الثلاثاء 3/2/2009 الساعة 5:00 مساء ً.
التراخيص الحرة والمفتوحة المصدر. م. ندى البني
الثلاثاء 3/2/2009 الساعة 5:30 مساء ً. ترخيص Creative Commons. Donatella Della Ratta
الثلاثاء 3/2/2009 الساعة 6:00 مساء ً. إدارة المشاريع البرمجية الحرة والمفتوحة المصدر.
م. خالد الشمعة
الأربعاء 4/2/2009 الساعة 5:00 مساء ً. إدارة الشركات البرمجية الحرة والمفتوحة المصدر. م. كفاح عيسى
الأربعاء 4/2/2009 الساعة 5:45 مساء ً. الهجرة إلى البرمجيات الحرة والمفتوحة المصدر. عبد الله دياب الخميس 5/2/2009 الساعة 5:00 مساء ً. تجربة عملية في الحياة مع البرمجيات الحرة والمفتوحة المصدر.
م.هاني الصفدي
الخميس 5/2/2009 الساعة 5:25 مساء ً. قصة نجاح مشروع برمجي ومفتوح المصدر على المستوى العالمي. م. أحمد عثمان
الخميس 5/2/2009 الساعة 5:50 مساء ً.
* جميع المحاضرات باللغة العربية.
* يوجد يوميا ً إستراحة بعد المحاضرات حيث يوجد بوفيه مفتوح.
* يبدأ مهرجان التنصيب يوميا ً بعد انتهاء الإستراحة, ولمدة ساعة ونصف.

صورة BlackSigma

بقترح تحذف

نشره BlackSigma يوم الاثنين, 26/01/2009 - 2:48ص.

بقترح تحذف الملاحظة قبل الأخيرة Wink
خوفا من الإزدياد الأسي لعدد الحضور خلال فترة الإستراحة Mr. Green

صورة eng.samar

شغل مرتب الله

نشره eng.samar يوم الاثنين, 26/01/2009 - 3:20ص.

شغل مرتب الله يعطيكن العافية

المعلومات يلي تنطرح بالمحاضرات رح يتم تسجليها مثلا كعروض تقديمة؟؟

صورة mpcabd

غالبا ً كل

نشره mpcabd يوم الاثنين, 26/01/2009 - 11:47ص.

غالبا ً كل محاضر رح يكون معو عروض تقديمية لمحاضرتو, وإن شاء الله رح أمنلكم ياهم كلهم بعد الورشة.

ممكن حدا يأمن

نشره ridaa78 يوم الاثنين, 26/01/2009 - 2:20م.

ممكن حدا يأمن شي كاميرا فيديو مرتبة ويصورلنا الفعاليات؟

شكراً سلفاً

صورة NightWolf

لازم نسكر الباب

نشره NightWolf يوم الاثنين, 26/01/2009 - 11:09م.

لازم نسكر الباب لما بتبدأ آخر محاضرة ، يعني يلي ما بيحضر محاضرة على الأقل بيروح عليه البوفيه Mr. Green ، فكرة ما هيك ؟

صورة mpcabd

البوفيه بدو

نشره mpcabd يوم الاثنين, 26/01/2009 - 11:13م.

البوفيه بدو تسجيل Mr. Green (عمبمزح)

صورة The Tornado

I'll be there ISA

نشره The Tornado يوم الثلاثاء, 27/01/2009 - 3:31ص.

I'll be there ISA Smile

صورة kindness

شكرا على

نشره kindness يوم الأربعاء, 28/01/2009 - 4:16م.

شكرا على هالجهود

كتب ridaa78:ممكن

نشره Dr.Siko يوم الجمعة, 30/01/2009 - 1:52م.

كتب ridaa78:
ممكن حدا يأمن شي كاميرا فيديو مرتبة ويصورلنا الفعاليات؟

شكراً سلفاً

أنا أنا !!! Mr. Green

كتب Dr.Siko:كتب

نشره ridaa78 يوم الجمعة, 30/01/2009 - 3:39م.

كتب Dr.Siko:
كتب ridaa78:
ممكن حدا يأمن شي كاميرا فيديو مرتبة ويصورلنا الفعاليات؟

شكراً سلفاً

أنا أنا !!! Mr. Green

كفو والله
معناها لاتنساني من نسخة الكترونية
شكرا مقدما

صحيح شو صار

نشره en.karam1989 يوم الجمعة, 30/01/2009 - 4:02م.

صحيح شو صار بالبوستر ؟؟ Evil or Very Mad

صورة Obaeda

كتب en.karam1989:صحيح

نشره Obaeda يوم الجمعة, 30/01/2009 - 4:05م.

كتب en.karam1989:
صحيح شو صار بالبوستر ؟؟ Evil or Very Mad

ليش ما شفتو لسا ؟؟ Laughing Laughing

مبارح كنت

نشره en.karam1989 يوم الجمعة, 30/01/2009 - 4:09م.

مبارح كنت بالكلية ... ما شفتو 8O

صورة Obaeda

كتب

نشره Obaeda يوم الجمعة, 30/01/2009 - 4:17م.

كتب en.karam1989:
مبارح كنت بالكلية ... ما شفتو 8O

إيه لكان بكرة بتشوفو Smile

صورة Mr.Ghaith

مرحبا

نشره Mr.Ghaith يوم الجمعة, 30/01/2009 - 10:21م.

مرحبا ياجماعة
انا حابب كتير أحضر الورشة حابب اتعرف أكتر عمفهوم المصادر الحرة .... بأ أن شاءالله رح احضر اذا مافي مانع ... بس أكيد مو مشان البوفيه Very Happy

صورة abd alrahman

بوووووووووفييي

نشره abd alrahman يوم السبت, 31/01/2009 - 10:31ص.

بوووووووووفييييييييييييه ؟؟ Mr. Green

يلي بيجي بكير بيطلعلو عرض خاص ؟؟ Mr. Green

معئول روح ع حالي محاضرة عبد الله Mr. Green ؟؟ والله ما بتظبط Mr. Green ؟؟ يلا .. نلتقي مع مستر غرين التلاتة انشالله Mr. Green

الله يعطيكم العافية شباب .. Very Happy

والله شي روااااااء Very Happy

صورة L4W4ND

مستر غرين بدو

نشره L4W4ND يوم السبت, 31/01/2009 - 11:04ص.

مستر غرين بدو يلقي محاضرة ؟ (:

صورة mpcabd

تجدون على

نشره mpcabd يوم الأحد, 01/02/2009 - 9:37م.

تجدون على الرابط التالي نسخة الجدول الذي سيتم توزيعه ضمن المحاضرات:
http://s146.photobucket.com/albums/r257/mpcabd/FOSS09-Flayer.jpg
التصميم لـ en.karam1989 جزاه الله خيرا ً.
ملاحظات:
1- يومياَ هناك عدة محاضرات تبدأ من الساعة الخامسة مساءاَ، وبعدها استراحة لفنجان من القهوة ومن ثم حفلة تنصيب لنظام لينكس.
2- من أجل الزملاء الراغبين بالإنضمام للجمعية المعلوماتية السورية، سيكون هناك موظف لخدمة طلباتكم، فقط أحضر هويتك الشخصية معك في أي يوم من أيام الورشة.
3- للراغبين بالإنضمام لشبكة المعوماتيين الشباب، سنخبركم لاحقاَ بالتفصيل عن الموضوع.
4- لمن يجيد تنصيب نظام لينكس وتنصيب البرامج، فالدعوة مفتوحة لتقديم المساعدة في حفلات التنصيب التي ستبدأ يومياَ بعد الاستراحة.
5- الدعوة عامة ومجانية وتستطيع دعوة من تشاء

متأملين مشاركتكم والفائدة للجميع
شبكة المعلوماتيين الشباب
صورة mpcabd

أشياء يفضل

نشره mpcabd يوم الأحد, 01/02/2009 - 9:47م.

أشياء يفضل القيام بها للتجهيز لعملية التنصيب:
١- وجود مساحة فارغة على الأقل ٦ غيغا ويفضل أن تكون على قرص واحد.
٢- عمل نسخة إحتياطية عن أهم الملفات على القرص, وخاصة ً مشروع الحسابات.
٣- يفضل القيام بعملية إلغاء تحزئة للقرص.
٤- إحضار التجهيزات اللازمة من شاحن كهرباء وكابلات شبكة وفلاش في حال الضرورة.

كتب mpcabd:تجدون

نشره en.karam1989 يوم الاثنين, 02/02/2009 - 11:54ص.

كتب mpcabd:
تجدون على الرابط التالي نسخة الجدول الذي سيتم توزيعه ضمن المحاضرات:
http://s146.photobucket.com/albums/r257/mpcabd/FOSS09-Flayer.jpg
التصميم لـ en.karam1989 جزاه الله خيرا ً.

8O
هلأ هاد تصميمي ؟؟ ليش هيك ما عرفتو من الوهلة الأولى Very Happy

صورة mpcabd

لأني عدلتو

نشره mpcabd يوم الاثنين, 02/02/2009 - 2:16م.

لأني عدلتو لشبعت Mr. Green

صورة HammooD

شباب إذا إجينا

نشره HammooD يوم الأربعاء, 04/02/2009 - 4:55م.

شباب إذا إجينا الخميس في تنصيب للينوكس ؟؟..وسؤال عن قرص اللينوكس و قرص البرامج مفتوحة المصدر بتوزعوا منهن ؟

صورة abd alrahman

كتب I Does:شباب

نشره abd alrahman يوم الأربعاء, 04/02/2009 - 8:33م.

كتب I Does:
شباب إذا إجينا الخميس في تنصيب للينوكس ؟؟..وسؤال عن قرص اللينوكس و قرص البرامج مفتوحة المصدر بتوزعوا منهن ؟

اي أكيد في كمان تنصيب .... وكمان البرنامج عم يوزعوه مع سيدي مجموعة برامج مفتوحة المصدر

والله شي وازن Mr. Green

صورة abd alrahman

مشالله اليوم

نشره abd alrahman يوم الأربعاء, 04/02/2009 - 8:38م.

مشالله اليوم كانو المحاضرات روعة Smile

بس حاسس في مؤامرة Mr. Green .. مبارح كانت المحاضرات معتة Mr. Green وهربو نص العالم و ما إجو اليوم .. كأنو كان بدكم تخف العجئة مشان بس العالم الفهمانة تجي Mr. Green .. بس والله ظبطت .. وراح عليهم يا حراااام Mr. Green

صورة Mr.Ghaith

له له أنا

نشره Mr.Ghaith يوم الأربعاء, 04/02/2009 - 8:46م.

له له أنا ماحضرت اليوم .... صحيح كان بمحاضرات مبارح حكي أدبي كتير - التراخيص و أنواعها - بس كانت كتير مفيدة ... بس انا ماهربت مشان هالشي .... كان في محاضرة بالمركز الثقافي بأبو رمانة عن النظرية النسبية الخاصة .... أم حبيت روح لهنيك .. يلا بكرا برجع Very Happy

صورة NightWolf

اليوم كان احلى

نشره NightWolf يوم الأربعاء, 04/02/2009 - 9:19م.

اليوم كان احلى من مبارح بمراحل Smile

صورة HammooD

يللا معلم mpcabd

نشره HammooD يوم الأربعاء, 04/02/2009 - 10:14م.

يللا معلم mpcabd عم ننتظر محاضرتك ..دير بالك لإنو رح إسألك يعني حضر منيح Very Happy

عنجد الله

نشره shashi يوم الأربعاء, 04/02/2009 - 10:33م.

عنجد الله يعطيكون العافية شغل رائع, وان شاءالله بتكمل هالهمة باليوم التالت .. والـ Full review ان شاءالله بيكون بكرا Smile

المحتوى