FOSS Workshop

الصفحة الرئيسية
برمجيات حرة
نشره mpcabd في الثلاثاء, 20/01/2009 - 2:19ص

iCommunity
FOSS-Workshop 2009

يعلن شبكة المعلوماتيين الشباب عن إقامة ورشة عمل البرمجيات الحرة والمفتوحة المصدر FOSS بدءاً من الثلاثاء 3 شباط حتى الخميس 5 شباط 2009 في مقر الجمعية العلمية السورية للمعلوماتية في حديقة تشرين بدمشق.

تحوي ورشة العمل محاضرات تثقيفية عن البرمجيات الحرة والمفتوحة المصدر حول المواضيع التالية:
  • المصادر المفتوحة والبرمجيات الحرة.
  • المشاريع مفتوحة المصدر وكيفية التنسيق ضمنها وكيفية العمل على مشاريع حرة ومفتوحة المصدر.
  • التراخيص الحرة والمفتوحة المصدر الأشهر مثل GNU/GPL و MIT و BSD، الفروق بينها واستعمالاتها.
  • ترخيص Creative Commons واستعمالاته وأهميته.
  • كيفية إقامة شركة مفتوحة المصدر وحرة وإمكانات الكسب المادي من هكذا شركات.
  • البرمجيات الحرة المتوفرة كبدائل للبرمجيات الغير حرة والمغلقة التي يستعملها المهتم بعلوم الحاسب. تأمين البدائل التي يحتاجها الشخص كبرمجيات حرة لتمكين الهجرة من البرمجيات الغير حرة والمغلقة.
  • نظام Linux التعريف والتنصيب والاستعمال.

يلقي المحاضرات مجموعة من المهندسين والناشطين بمجال علوم الحاسب من:
سوريا: م.ندى البني، م.خالد الشمعة، م. فراس قاسم، م. عماد مهايني، م. همام حواصلي, م. هاني الصفدي, م. أحمد عثمان، عبد الله دياب.
الأردن: م.كفاح عيسى.
إيطاليا: سيغني الورشة حضور السيدة Donatella Della Ratta، مسؤولة Creative Commons في الشرق الأوسط.

كما سيتضمن ورشة العمل مهرجان لتنصيب نظام التشغيل Linux على أجهزة الحضور، حيث سيكون هناك جلسة يوميا لتنصيب النظام، فما عليك إلا أن تحضر جهازك المحمول وقم بتنصيب إحدى الإصدارات الشهيرة Ubuntu أو  Fedora بنفسك وتحت إشراف ومساعدة مختصين. كما ستحوي جلسات التنصيب فقرات تعليمية لنظام التشغيل الذي سيتم تنصيبه، كيفية العمل عليه وكيفية تنصيب البرامج عليه.

تحوي ورشة العمل أيضا ً توزيعا ً لقرص ليزري Open DVD يحوي برمجيات حرة تعمل على نظامي Windows و Linux، كما سيتم توزيع نسخ من الأنظمة التي ستستعمل في مهرجان التنصيب على الحضور.

جدول المحاضرات الأخير موجود هنا.

باسم شبكة المعلوماتيين الشباب نتشرف بدعوتكم لحضور ورشة العمل

ملاحظات:
للراغبين في المساعدة في مهرجان التنصيب أو في حال وجود أية اقتراحات المراسلة على البريد التالي: icommunity.foss.09@gmail.com


شبكة المعلوماتيين الشباب
iCommunity


( )

خيارات عرض التعليق

اختر الطريقة التي تفضلها لعرض التعليقات، ثم اضغط على "احفظ الإعدادات" لتفعل التغيرات.
صورة Dr.Siko

كتب ridaa78:ممكن

نشره Dr.Siko يوم الجمعة, 30/01/2009 - 2:52م.

كتب ridaa78:
ممكن حدا يأمن شي كاميرا فيديو مرتبة ويصورلنا الفعاليات؟

شكراً سلفاً

أنا أنا !!! Mr. Green

صورة ridaa78

كتب Dr.Siko:كتب

نشره ridaa78 يوم الجمعة, 30/01/2009 - 4:39م.

كتب Dr.Siko:
كتب ridaa78:
ممكن حدا يأمن شي كاميرا فيديو مرتبة ويصورلنا الفعاليات؟

شكراً سلفاً

أنا أنا !!! Mr. Green

كفو والله
معناها لاتنساني من نسخة الكترونية
شكرا مقدما

صورة en.karam1989

صحيح شو صار

نشره en.karam1989 يوم الجمعة, 30/01/2009 - 5:02م.

صحيح شو صار بالبوستر ؟؟ Evil or Very Mad

صورة Obaeda

كتب en.karam1989:صحيح

نشره Obaeda يوم الجمعة, 30/01/2009 - 5:05م.

كتب en.karam1989:
صحيح شو صار بالبوستر ؟؟ Evil or Very Mad

ليش ما شفتو لسا ؟؟ Laughing Laughing

صورة en.karam1989

مبارح كنت

نشره en.karam1989 يوم الجمعة, 30/01/2009 - 5:09م.

مبارح كنت بالكلية ... ما شفتو 8O

صورة Obaeda

كتب

نشره Obaeda يوم الجمعة, 30/01/2009 - 5:17م.

كتب en.karam1989:
مبارح كنت بالكلية ... ما شفتو 8O

إيه لكان بكرة بتشوفو Smile

صورة Mr.Ghaith

مرحبا

نشره Mr.Ghaith يوم الجمعة, 30/01/2009 - 11:21م.

مرحبا ياجماعة
انا حابب كتير أحضر الورشة حابب اتعرف أكتر عمفهوم المصادر الحرة .... بأ أن شاءالله رح احضر اذا مافي مانع ... بس أكيد مو مشان البوفيه Very Happy

صورة abd alrahman

بوووووووووفييي

نشره abd alrahman يوم السبت, 31/01/2009 - 11:31ص.

بوووووووووفييييييييييييه ؟؟ Mr. Green

يلي بيجي بكير بيطلعلو عرض خاص ؟؟ Mr. Green

معئول روح ع حالي محاضرة عبد الله Mr. Green ؟؟ والله ما بتظبط Mr. Green ؟؟ يلا .. نلتقي مع مستر غرين التلاتة انشالله Mr. Green

الله يعطيكم العافية شباب .. Very Happy

والله شي روااااااء Very Happy

صورة L4W4ND

مستر غرين بدو

نشره L4W4ND يوم السبت, 31/01/2009 - 12:04م.

مستر غرين بدو يلقي محاضرة ؟ (:

صورة mpcabd

تجدون على

نشره mpcabd يوم الأحد, 01/02/2009 - 10:37م.

تجدون على الرابط التالي نسخة الجدول الذي سيتم توزيعه ضمن المحاضرات:
http://s146.photobucket.com/albums/r257/mpcabd/FOSS09-Flayer.jpg
التصميم لـ en.karam1989 جزاه الله خيرا ً.
ملاحظات:
1- يومياَ هناك عدة محاضرات تبدأ من الساعة الخامسة مساءاَ، وبعدها استراحة لفنجان من القهوة ومن ثم حفلة تنصيب لنظام لينكس.
2- من أجل الزملاء الراغبين بالإنضمام للجمعية المعلوماتية السورية، سيكون هناك موظف لخدمة طلباتكم، فقط أحضر هويتك الشخصية معك في أي يوم من أيام الورشة.
3- للراغبين بالإنضمام لشبكة المعوماتيين الشباب، سنخبركم لاحقاَ بالتفصيل عن الموضوع.
4- لمن يجيد تنصيب نظام لينكس وتنصيب البرامج، فالدعوة مفتوحة لتقديم المساعدة في حفلات التنصيب التي ستبدأ يومياَ بعد الاستراحة.
5- الدعوة عامة ومجانية وتستطيع دعوة من تشاء

متأملين مشاركتكم والفائدة للجميع
شبكة المعلوماتيين الشباب
صورة mpcabd

أشياء يفضل

نشره mpcabd يوم الأحد, 01/02/2009 - 10:47م.

أشياء يفضل القيام بها للتجهيز لعملية التنصيب:
١- وجود مساحة فارغة على الأقل ٦ غيغا ويفضل أن تكون على قرص واحد.
٢- عمل نسخة إحتياطية عن أهم الملفات على القرص, وخاصة ً مشروع الحسابات.
٣- يفضل القيام بعملية إلغاء تحزئة للقرص.
٤- إحضار التجهيزات اللازمة من شاحن كهرباء وكابلات شبكة وفلاش في حال الضرورة.

صورة en.karam1989

كتب mpcabd:تجدون

نشره en.karam1989 يوم الاثنين, 02/02/2009 - 12:54م.

كتب mpcabd:
تجدون على الرابط التالي نسخة الجدول الذي سيتم توزيعه ضمن المحاضرات:
http://s146.photobucket.com/albums/r257/mpcabd/FOSS09-Flayer.jpg
التصميم لـ en.karam1989 جزاه الله خيرا ً.

8O
هلأ هاد تصميمي ؟؟ ليش هيك ما عرفتو من الوهلة الأولى Very Happy

صورة mpcabd

لأني عدلتو

نشره mpcabd يوم الاثنين, 02/02/2009 - 3:16م.

لأني عدلتو لشبعت Mr. Green

صورة HammooD

شباب إذا إجينا

نشره HammooD يوم الأربعاء, 04/02/2009 - 5:55م.

شباب إذا إجينا الخميس في تنصيب للينوكس ؟؟..وسؤال عن قرص اللينوكس و قرص البرامج مفتوحة المصدر بتوزعوا منهن ؟

صورة abd alrahman

كتب I Does:شباب

نشره abd alrahman يوم الأربعاء, 04/02/2009 - 9:33م.

كتب I Does:
شباب إذا إجينا الخميس في تنصيب للينوكس ؟؟..وسؤال عن قرص اللينوكس و قرص البرامج مفتوحة المصدر بتوزعوا منهن ؟

اي أكيد في كمان تنصيب .... وكمان البرنامج عم يوزعوه مع سيدي مجموعة برامج مفتوحة المصدر

والله شي وازن Mr. Green

صورة abd alrahman

مشالله اليوم

نشره abd alrahman يوم الأربعاء, 04/02/2009 - 9:38م.

مشالله اليوم كانو المحاضرات روعة Smile

بس حاسس في مؤامرة Mr. Green .. مبارح كانت المحاضرات معتة Mr. Green وهربو نص العالم و ما إجو اليوم .. كأنو كان بدكم تخف العجئة مشان بس العالم الفهمانة تجي Mr. Green .. بس والله ظبطت .. وراح عليهم يا حراااام Mr. Green

صورة Mr.Ghaith

له له أنا

نشره Mr.Ghaith يوم الأربعاء, 04/02/2009 - 9:46م.

له له أنا ماحضرت اليوم .... صحيح كان بمحاضرات مبارح حكي أدبي كتير - التراخيص و أنواعها - بس كانت كتير مفيدة ... بس انا ماهربت مشان هالشي .... كان في محاضرة بالمركز الثقافي بأبو رمانة عن النظرية النسبية الخاصة .... أم حبيت روح لهنيك .. يلا بكرا برجع Very Happy

صورة NightWolf

اليوم كان احلى

نشره NightWolf يوم الأربعاء, 04/02/2009 - 10:19م.

اليوم كان احلى من مبارح بمراحل Smile

صورة HammooD

يللا معلم mpcabd

نشره HammooD يوم الأربعاء, 04/02/2009 - 11:14م.

يللا معلم mpcabd عم ننتظر محاضرتك ..دير بالك لإنو رح إسألك يعني حضر منيح Very Happy

صورة shashi

عنجد الله

نشره shashi يوم الأربعاء, 04/02/2009 - 11:33م.

عنجد الله يعطيكون العافية شغل رائع, وان شاءالله بتكمل هالهمة باليوم التالت .. والـ Full review ان شاءالله بيكون بكرا Smile

صورة NightWolf

كتب shashi:عنجد

نشره NightWolf يوم الأربعاء, 04/02/2009 - 11:58م.

كتب shashi:
عنجد الله يعطيكون العافية شغل رائع, وان شاءالله بتكمل هالهمة باليوم التالت .. والـ Full review ان شاءالله بيكون بكرا Smile

اذا لسه ما نزل عندك جيبيه بكرا ، في طرق جديدة Smile

صورة wazzz

عن جد الله

نشره wazzz يوم الخميس, 05/02/2009 - 12:06ص.

عن جد الله يعطيكم العافية كتير اليوم حلو

صورة shashi

كتب NightWolf:كتب

نشره shashi يوم الخميس, 05/02/2009 - 12:07ص.

كتب NightWolf:
كتب shashi:
عنجد الله يعطيكون العافية شغل رائع, وان شاءالله بتكمل هالهمة باليوم التالت .. والـ Full review ان شاءالله بيكون بكرا Smile

اذا لسه ما نزل عندك جيبيه بكرا ، في طرق جديدة Smile

لا مشي الحال .. طلعت مشكلة عجيبة غريبة منيح اللي صار هيك لحتى اكتشتفها بس هلأ مشي الحال Smile

صورة NightWolf

شوفولي هون

نشره NightWolf يوم الخميس, 05/02/2009 - 12:33ص.

شوفولي هون
http://www.edamascus.sy/_business.php?filename=200902031620011

http://edamascus.sy/_activities.php?filename=200902021845011

a post on

نشره tGDA يوم الخميس, 05/02/2009 - 1:03ص.
a post on creativecommons.org talking about the recent CC development in the Arab world and mentioning the activity we had: Updates from CC in the Arab World
صورة همام

كتب abd

نشره همام يوم الخميس, 05/02/2009 - 2:11ص.

كتب abd alrahman:
مشالله اليوم كانو المحاضرات روعة Smile

بس حاسس في مؤامرة Mr. Green .. مبارح كانت المحاضرات معتة Mr. Green وهربو نص العالم و ما إجو اليوم .. كأنو كان بدكم تخف العجئة مشان بس العالم الفهمانة تجي Mr. Green .. بس والله ظبطت .. وراح عليهم يا حراااام Mr. Green

بس لا تقلي .. نجحت الخطة تمام Smile

صورة ThelastCode

كتب

نشره ThelastCode يوم الخميس, 05/02/2009 - 2:27ص.

كتب NightWolf:
شوفولي هون
http://www.edamascus.sy/_business.php?filename=200902031620011

http://edamascus.sy/_activities.php?filename=200902021845011


بس ياريت حدا يخبرهم انو اسمها Creative وليس Greative
(منشان سمعة المحل على الأقل:D )

صورة BlackSigma

كتب tGDA: a post on

نشره BlackSigma يوم الخميس, 05/02/2009 - 2:46ص.

كتب tGDA:

a post on creativecommons.org talking about the recent CC development in the Arab world and mentioning the activity we had: Updates from CC in the Arab World


و الأحلى إنو الرابط للورشة ضمن المقال هو هاي الصفحة Very Happy

صورة mpcabd

أنا خبرتهم

نشره mpcabd يوم الخميس, 05/02/2009 - 2:43ص.

أنا خبرتهم منشان Greative بس ما بعرف ليش اتأخروا بتعديلها.

صورة Aida_Kh

جزاكم الله كل

نشره Aida_Kh يوم الخميس, 05/02/2009 - 11:23ص.

جزاكم الله كل خير جميعا.
بس ملاحظة صغيرة: على الأساس مبارح ينذكر كيفية الإنضمام لشبكة المعلوماتيين الشباب Smile

المحتوى