ابحثاسم المستخدمقائمة التنقلالموجودون الآن
يوجد حاليا مستخدم واحد و ضيفين متصلون.
الأعضاء الجددملفات للتحميل |
من ركل القطة؟! نشره mpcabd في الخميس, 19/03/2009 - 12:38م
قصة من كتاب "استمتع بحياتك" لـ "د. محمد بن عبد الرحمن العريفي" أعجبتني وأردت أن أشاركم بها:
قبل أن تجيب على السؤال .. اسمع القصة كاملة .. كان يعمل سكرتيراً لمدير سيء الأخلاق .. لا يطبق مهارة واحدة من مهارات التعامل مع الناس .. كان هذا المدير يراكم الأعمال على نفسه .. ويحملها ما لا تطيق .. صاح بسكرتيره يوماً .. فدخل ووقف بين يديه .. قال : سَمْ .. تفضل ؟ صرخ به : اتصلت بهاتف مكتبك .. ولم ترد .. قال : كنت في المكتب المجاور .. آسف .. قال بضجر : كل مرة آسف .. آسف .. خذ هذه الأوراق .. ناولها لرئيس قسم الصيانة .. وعد بسرعة .. مضى متضجراً .. وألقاها على مكتب رئيس قسم الصيانة .. وقال : لا تؤخرها علينا .. قال : طيب ضعها بأسلوب مناسب .. قال : مناسب .. غير مناسب .. المهم خلصها بسرعة .. تشاتما .. حتى ارتفعت أصواتهما .. ومضى السكرتير إلى مكتبه .. بعد ساعتين أقبل أحد الموظفين الصغار في الصيانة .. إلى رئيسه وقال : سأذهب لأخذ أولادي من المدرسة وأعود .. صرخ الرئيس : وأنت كل يوم تخرج .. قال : هذا حالي من عشر سنوات .. أول مرة تعترض عليَّ .. قال : أنت ما يصلح معك إلا العين الحمراء .. ارجع لمكتبك .. مضى المسكين إلى مكتبه .. وتولى أحد المدرسين إيصالهم .. لما طال وقوفهم في الشمس .. عاد هذا الموظف إلى بيته غاضباً .. فأقبل إليه ولده الصغير معه لعبة .. وقال : بابا .. هذه أعطانيها المدرس لأنني .. صاح به الأب : اذهب لأمك .. ودفعه بيده .. مضى الطفل باكياً .. فأقبلت إليه قطته الجميلة تتمسح برجليه كالعادة .. فركلها برجله فضربت بالجدار .. السؤال : من ركل القطة ؟ أظنك .. تبتسم .. وتقول : المدير .. صحيح المدير .. لماذا لا نتعلم فنَّ توزيع الأدوار .. والأشياء التي لا نقدر عليها نقول بكل شجاعة .. هذه ليست في أيدينا .. لا نقدر .. خاصة أن تصرفاتك قد يتعدى ضررها إلى أقوام لم يكونوا طرفاً في المشكلة أصلاً .. وانتبه أن يستثيرك الآخرون .. ويحرجونك فتضطر لوعود .. قد لا تستطيع تنفيذها ..
( )
|
Sooooooooooooooooooooo Nice
Sooooooooooooooooooooo Nice
القصة حلوه
القصة حلوه والكتاب أروع
كتير مرات ممكن
كتير مرات ممكن واحد يقول كلمة ( سلبية أو ايجابية ) متوقع انو هالكلمة تمر مرور الكرام...بس بيكتشف انو هي الكلمة بتأثر كتير ان كان عليه أو عالأشخاص يللي حواليه
....القصة كتير حلوة....
القصة بينطبق
القصة بينطبق عليها المتل ما حسن على حماتو قام لمراتو
على فكرة القصة فيها نقطة ناقصة وهي
ليش المدير كان بالاصل معصب؟؟؟؟
الجواب ببساطة: كان آكل بهدلة من مرتو
هاهاها
باختصار
باختصار هالكتاب كتير حلو ومن أحلى الكتب اللي ممكن تقراها بحياتك مع اني بالبداية ما كتير كنت متشجع بس بعدين كل صفحة لحالها بتشدك للي بعدها
كتب ridaa78:القصة
على فكرة القصة فيها نقطة ناقصة وهي
ليش المدير كان بالاصل معصب؟؟؟؟
كاتبلك "يراكم الأعمال على نفسه .. ويحملها ما لا تطيق .."
يعني مغزى القصة الواحد لايتعب حالو كتير بالشغل
كتب foaad:كتب
على فكرة القصة فيها نقطة ناقصة وهي
ليش المدير كان بالاصل معصب؟؟؟؟
كاتبلك "يراكم الأعمال على نفسه .. ويحملها ما لا تطيق .."
طيب وليش عم يراكم الاعمال على نفسه؟؟؟؟
مشكور عبد... أنا
مشكور عبد...
أنا برأيي الكل ركلوا القطة (يمكن استثني الطفل حسب عمرو)
بعمرها هالدنيا مارح تكون مثالية
يعني لوكان ضمن سلسلة الأشخاص واحد بيقدر يمتص ردة الفعل السلبية للآخرين كانت القطة بألف خير
بس هيك مارح يمشي الحال ، لأن القطة رح تروح تفش خلقها بالفارة........يلي رح تروح تفش خلقها بسجادة الجيران(إذا نفدت)
.....الخ الخ
متل ماقريت مرة
متل ماقريت مرة بأحد الكتب ""الشخصية المتزنة هي الشخصية التي لا تؤثر مشاعرها التي تكتسبها من جانب من جوانب حياتها في الجوانب الأخرى"" .......
بتذكر في قصة كمان بتلفت نظر بالكتاب نفسو:قصة الضباط يلي سافروا لدورة تدريبية بأمريكا (دورة تعامل وظيفي) فحب الإستاذ من أول درس يوضحلهم مبدأ ""كن لطيفا عند أول لقاء"" بس علمهم هالمبدأ بطريقة عملية أثناء الدرس , إذا بتحبواتعرفوها ..مذكورة بالكتاب:
..........
كمان هي القصة
كمان هي القصة كتير حلوة, بالفعل الكتاب رائع, والدكتور محمد العريفي من أروع الناس يلي بيقدروا يأثروا بعقول الآخرين وتصرفاتهم.
إذا بتحبوا بحطلكم قصة الضباط كمان.
القصة حلوة كتير
القصة حلوة كتير شوقتني اقرا الكتاب .. واعرف قصة الضباط
كتب ridaa78:القصة
على فكرة القصة فيها نقطة ناقصة وهي
ليش المدير كان بالاصل معصب؟؟؟؟
الجواب ببساطة: كان آكل بهدلة من مرتو
هاهاها
يعني كالعادة
النسوان أساس البلا
يا حرام مسكينة
يا حرام مسكينة هالقطة.. أنا برأيي الحق على الكل دون استثناء و أولهون الطفل لأنو هوة يلي ركل القطة ولو كانو أهلو مربينو منيح ما كان ركلها لو قد ما كان معصب..
-جمعية حقوق القطط
الحق إذا بدك
الحق إذا بدك عالقطة, هي قربت على واحد معصب
مكتوب
مكتوب بالقصة:
"مضى الطفل باكياً .. فأقبلت إليه قطته الجميلة تتمسح برجليه كالعادة .. "
المسكينة شافتو عم يبكي ومتدايق راحت لعندو وصارت تتمسح برجليه مشان تونسه و تحسسه انو هية بتحبو و تخفف عنو..
أم راح شاطها!!!!!!!!!!!
كتب mpcabd:الحق
حكي مزبوط 100% على مبدأ كليتنا
إذا بدكون
إذا بدكون الحقيقة الحق لا على القطة و لا على الطفل الحق كلو على الكاتب لو كان بدو كان خلى الكل مبسوطين من أول القصة لأخرها و ما كان لا حدى شاط و لا حدى إنشاط
بس هيك بتصير القصة مملة و ما فيها أكشن
كتب BlackSigma:إذا
بس هيك بتصير القصة مملة و ما فيها أكشن
أنا أؤمن بأن الحق على mpcabd
هو اللي فضح القطة و اللي نشر قصتها
لازم نرفع دعوة حفاظا على شرف القطة
الحق على
الحق على الأستاذ يلي عطى لعبة للطالب
وعلى تحشيش يا
وعلى تحشيش يا معلم
ضاعة الطاسة
ضاعة الطاسة
كتب Rasha.88:متل
متل ماقريت مرة بأحد الكتب ""الشخصية المتزنة هي الشخصية التي لا تؤثر مشاعرها التي تكتسبها من جانب من جوانب حياتها في الجوانب الأخرى"" .......
بتذكر في قصة كمان بتلفت نظر بالكتاب نفسو:قصة الضباط يلي سافروا لدورة تدريبية بأمريكا (دورة تعامل وظيفي) فحب الإستاذ من أول درس يوضحلهم مبدأ ""كن لطيفا عند أول لقاء"" بس علمهم هالمبدأ بطريقة عملية أثناء الدرس , إذا بتحبواتعرفوها ..مذكورة بالكتاب:
..........
يتبع....
هلأ الواحد رح
هلأ الواحد رح يغير حالو بس يقرأ هيك قصة؟
ولا قصة الفيران والجبنة!
انا عجبني فيها شوطة القطة ...
على كل .. المدير ما دخلو .. والزلمة هو يلي شاط القطة.
الانسان مسؤول عن أفعاله.. وما بيصير يحطها بظهر حدا تاني
رائعة ... بل أكثر من رائعة
رائعة ... بل أكثر من رائعة